KwabaseRoma 8

ZUL59

Kanjalo akusekho ukulahlwa kwabakuKristu Jesu. Ngokuba umthetho kaMoya wokuphila okuKristu Jesu ungikhululile… KwabaseRoma 8:1-2

Kanjalo akusekho ukulahlwa kwabakuKristu Jesu. Ngokuba umthetho kaMoya wokuphila okuKristu Jesu ungikhululile emthethweni wesono nowokufa.
KwabaseRoma 8:1-2 umthetho ukwahlulela umhlengi
Ngokuba abokwenyama banaka okwenyama, kepha abakaMoya banaka okukaMoya.
KwabaseRoma 8:5 ukuphila umzimba UMoya
Ngokuba ukunaka kwenyama kungukufa, kepha ukunaka kukaMoya kungukuphila nokuthula.
KwabaseRoma 8:6 UMoya ukuthula ukuphila
Abasenyameni abanakumthokozisa uNkulunkulu.
KwabaseRoma 8:8 isibi ukuncika izifiso
Uma-ke uMoya walowo owavusa uJesu kwabafileyo ehlala kini, yena owavusa uKristu Jesu kwabafileyo uyakuphilisa nemizimba yenu efayo ngaye uMoya wakhe ohlala kini.
KwabaseRoma 8:11 UJesu UMoya ukuphila
Ngokuba bonke abaholwa nguMoya kaNkulunkulu, labo bangabantwana bakaNkulunkulu.
KwabaseRoma 8:14 ukulalela umthetho UMoya izingane
Ngokuba anamukeliswanga umoya wobugqila ukuba nibuye nesabe, kepha namukeliswa umoya wobuntwana esimemeza ngaye sithi: “Aba, Baba!”
KwabaseRoma 8:15 uvalo UMoya izingane
Yena lowo Moya ufakaza kanye nomoya wethu ukuthi singabantwana bakaNkulunkulu.
KwabaseRoma 8:16 UNkulunkulu UMoya izingane
Ngokuba ngithi izinhlupheko zesikhathi samanje azinakulinganiswa nenkazimulo eyakwambulwa kithina.
KwabaseRoma 8:18 ukuphila okungunaphakade insindiso inhlupheko
Ngokuba ukulangazela kokudaliweyo kulindele ukwambulwa kwabantwana bakaNkulunkulu.
KwabaseRoma 8:19 indalo UBaba izingane
Kodwa uma sithemba lokho esingakuboniyo, siyakulindela ngokubekezela.
KwabaseRoma 8:25 ukwethemba ngiyethemba ukubekezela
Ngokunjalo noMoya uyasisiza ebuthakathakeni bethu; ngokuba asikwazi esingakucela ngokufaneleyo, kodwa uMoya uqobo usikhulumela ngokububula okungenakuphinyiselwa.
KwabaseRoma 8:26 ukukhuluma UMoya umkhuleko
Kepha yena ohlola izinhliziyo uyakwazi okuqondwa nguMoya, ngokuba ukhulumela abangcwele ngokwentando kaNkulunkulu.
KwabaseRoma 8:27 UMoya umlamuli
Siyazi ukuthi kwabamthandayo uNkulunkulu konke kusebenzelana kube ngokuhle, kulabo ababiziweyo ngecebo lakhe.
KwabaseRoma 8:28 uthando UNkulunkulu ubizo
Sesiyakuthini ngalokho na? Uma uNkulunkulu emi ngakithi, ngubani ongamelana nathi na?
KwabaseRoma 8:31 UNkulunkulu isikhuthazo ukuvikela
Yena ongayigodlanga eyakhe iNdodana, kepha wayinikela ngenxa yethu sonke, kungaba kanjani ukuba angasiphi konke kanye nayo na?
KwabaseRoma 8:32 umhlatshelo UBaba ukwamukela
Ngubani ozakusahlukanisa nothando lukaKristu na? Noma ukuhlupheka, noma ukubandezeka, noma ukuzingelwa, noma indlala, noma ukuhamba ze, noma ingozi, noma inkemba, na?
KwabaseRoma 8:35 uthando inhlupheko ushushiso
Kepha kukho konke lokho siyanqoba nokunqoba ngowasithandayo.
KwabaseRoma 8:37 ukunqoba UNkulunkulu uthando
Ngiyakholwa ukuthi nakufa, nakuphila, nazingelosi, nababusi, nakho okukhona, nakho okuzayo, namandla, nakuphakama, nakujula, nanto enye edaliweyo akuyikuba namandla okusahlukanisa nothando lukaNkulunkulu olukuKristu Jesu iNkosi yethu.
KwabaseRoma 8:38-39 uthando umlamuli ukufa