Amavesi EBhayibheli ngokulalela umthetho

«»

• UJesu waphendula, wathi kuye: “Uma umuntu engithanda, uyakugcina izwi lami; uBaba uyakumthanda; siyakuza kuye, sihlale naye.”
  NgokukaJohane 14:23uthandoUBaba
• Kuyakuthi uma ulalela nokulalela izwi likaJehova uNkulunkulu wakho, uqaphele ukuyenza yonke imiyalo yakhe engikuyala ngayo namuhla, uJehova uNkulunkulu wakho akuphakamise phezu kwazo zonke izizwe zomhlaba.
  UDuteronomi 28:1umthethoisibusiso
• Ndodana yami,
  gcina umyalo kayihlo,
  ungawushiyi umthetho kanyoko.
  IzAga 6:20umndeniukulalela
• Niyakuhamba njalo endleleni uJehova uNkulunkulu wenu aniyale ngayo, ukuze niphile, kube kuhle kini, nandise izinsuku zenu ezweni eniyakulidla.
  UDuteronomi 5:33umvuzoukulandela
• Yibani ngabalenzayo izwi, ningabi ngabalizwayo kuphela, nizikhohlisa.
  EkaJakobe 1:22IZwi likaNkulunkuluukulalela
• Onaka ukulaywa usendleleni yokuphila,
  kepha owenqaba ukusolwa uyaduka.
  IzAga 10:17ukuphilaukulalela
• Ngakho-ke, bazalwane bami abathandekayo, yibani ngabagxilile, abangaxegiyo, abavame njalo emsebenzini weNkosi, nazi ukuthi ukusebenza kwenu akusilo ize eNkosini.
  1 kwabaseKorinte 15:58umvuzoisikhuthazoumsebenzi
• Aningikhethanga nina, kodwa mina nginikhethile nina, nganibeka ukuba niphume, nithele izithelo, nezithelo zenu zihlale ukuba noma yini eniyakukucela kuBaba egameni lami aninike khona.
  NgokukaJohane 15:16umkhulekoubizoukuthela
• Ningalingisi leli zwe, kodwa niguqulwe isimo ngokwenziwa ibe ntsha ingqondo yenu, ukuze nibe nokuhlolisisa okuyintando kaNkulunkulu, okuhle, nokuthandekayo, nokupheleleyo.
  KwabaseRoma 12:2ongenasiciukuphilaumhlaba
• Ugcine isiyalezo sikaJehova uNkulunkulu wakho ukuba uhambe ezindleleni zakhe, ugcine izimiso zakhe, nemiyalo yakhe, nezahlulelo zakhe, nobufakazi bakhe njengokulotshiweyo emthethweni kaMose, ukuze uphumelele kukho konke okwenzayo nakukho konke okubhekayo.
  1 AmaKhosi 2:3umthethoisibusiso
• Ngokuba njengalokho ngokungalaleli kwamuntu munye abaningi benziwa izoni, kanjalo ngokulalela kwamuntu munye abaningi bayakwenziwa abalungileyo.
  KwabaseRoma 5:19ukulungainsindiso
• Bathandekayo, uma inhliziyo ingasilahli, sinesibindi kuNkulunkulu, nesikucelayo siyakukwamukeliswa nguye, ngokuba sigcina imiyalo yakhe, senza okuthandekayo ebusweni bakhe.
  1 kaJohane 3:21-22ukwethembaumthetho
• Kepha ngithi kini enizwayo: Thandani izitha zenu, nenze okuhle kwabanizondayo, nibusise abaniqalekisayo, nibakhulekele abanidumazayo.
  NgokukaLuka 6:27-28isibusisoumkhuleko
• Ngakho thobelani uNkulunkulu, kepha nimelane noSathane, khona uyakunibalekela.
  EkaJakobe 4:7ukuphephaumluthausathane
• Le ncwadi yomthetho mayingasuki emlonyeni wakho, kepha wozindla ngayo imini nobusuku ukuba uqaphele ukwenza njengakho konke okulotshwe kuyo, ngokuba lapho uyakuhlahlamelisa indlela yakho, uphumelele kahle.
  UJoshuwa 1:8umthethoisibusiso
• “Uma ningezwa, uma ningakubeki enhliziyweni ukunika igama lami udumo,” usho uJehova Sebawoti, “ngiyakuthuma kini isiqalekiso, ngiqalekise izibusiso zenu, yebo, sengiziqalekisile, ngokuba anikubeki enhliziyweni.”
  UMalaki 2:2isibusisoukulalela
• Akube yilowo nalowo azithobe phansi kwamandla ombuso, ngokuba akukho mandla ombuso angaveli kuNkulunkulu; lawa akhona amiswe nguNkulunkulu.
  KwabaseRoma 13:1ukwethembaUNkulunkulu
• Babusisiwe bonke abamesabayo uJehova,
  abahamba ngezindlela zakhe.
  AmaHubo 128:1mangalaukulandela
• Ekukhuthaleni ningenqeni, nivuthe emoyeni, nikhonze iNkosi.
  KwabaseRoma 12:11UMoyaukukhonza
• Saphendula sathi: “Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho, nangayo yonke ingqondo yakho, nomakhelwane wakho njengalokhu uzithanda wena.”
  NgokukaLuka 10:27umthethouthando
• Ngokuba bonke abaholwa nguMoya kaNkulunkulu, labo bangabantwana bakaNkulunkulu.
  KwabaseRoma 8:14UMoyaizingane
• Wayesethi kubo bonke: “Uma umuntu ethanda ukuza emva kwami, makazidele, athabathe isiphambano sakhe imihla ngemihla, angilandele.”
  NgokukaLuka 9:23ukubethelwa
• Ngifundise ukwenza intando yakho,
  ngokuba wena unguNkulunkulu wami;
  umoya wakho omuhle mawungihole emhlabathini olelezekileyo.
  AmaHubo 143:10ukufundaUMoyaUMoya Oyingcele
• Thina singofakazi balezo zinto kanye noMoya oNgcwele uNkulunkulu amnikile labo abamlalelayo.
  IzEnzo 5:32UMoyaukwamukelaUMoya Oyingcele
• Nezilimi zonke zivume ngokuthi UJESU KRISTU UYINKOSI, kube yinkazimulo kuNkulunkulu uYise.
  KwabaseFilipi 2:11UNkulunkuluukuvuma