Ukuthobeka (2/2)

KuNkulunkulu noBaba wethu makube ludumo kuze kube phakade naphakade. Amen. KwabaseFilipi 4:20

ZUL59

KuNkulunkulu noBaba wethu makube ludumo kuze kube phakade naphakade. Amen.
KwabaseFilipi 4:20 khulekela UBaba
Ngokuba uJehova uyathokoza ngabantu bakhe;
abathobekileyo uyabahlobisa ngensindiso.
AmaHubo 149:4 injabulo isibusiso
Ngokuba nayo iNdodana yomuntu ayizelanga ukukhonzwa kepha ukukhonza nokunikela ukuphila kwayo, kube yisihlengo sabaningi.
NgokukaMarku 10:45 UJesu umhlatshelo insindiso
Ungasiphi thina, Jehova,
ungasiphi thina,
kepha uliphe igama lakho inkazimulo
ngenxa yomusa wakho nangenxa yeqiniso lakho.
AmaHubo 115:1 uthando khulekela ukwethembeka
UJehova uyaphofisa, abesecebisa;
uyathobisa, abesephakamisa.
1 uSamuweli 2:7 imali usomandla ukuncika
Kalokhu-ke mina Nebukadinesari ngiyatusa, ngiyaphakamisa, ngiyidumisa iNkosi yezulu, ngokuba yonke imisebenzi yayo iyiqiniso, nezindlela zayo zingukwahlulela; abahamba ngokuzidla inamandla okubathobisa.
UDaniyeli 4:37 ukulunga khulekela ukuziqhenya
Wo kuye olwa noMenzi,
udengezi phakathi kwezindengezi zomhlaba!
Ibumba liyakusho kolibumbayo ukuthi:
‘Wenzani na?’
nomsebenzi wakho ukuthi:
‘Akanazo izandla,’ na?
U-Isaya 45:9 indalo ukuqonda
Wozani; masikhuleke, sikhothame,
siguqe phambi kukaJehova,
uMenzi wethu.
AmaHubo 95:6 indalo khulekela
Uma-ke mina, iNkosi noMfundisi, ngigeze izinyawo zenu, nani-ke nifanele ukugezana izinyawo.
NgokukaJohane 13:14 ukukhonza UJesu umakhelwane
Futhi nxa nizila ukudla, ninganyukumali njengabazenzisi; ngokuba bona banyakamisa ubuso babo, ukuze babonakale kubantu ukuthi bazilile. Ngiqinisile ngithi kini: Sebewamukele umvuzo wabo.
NgokukaMathewu 6:16 ukuzila ukudla umvuzo
Akunjalo phakathi kwenu, kodwa yilowo nalowo ofuna ukuba mkhulu phakathi kwenu makabe yisikhonzi senu; nalowo ofuna ukuba ngowokuqala phakathi kwenu makabe yinceku yenu.
NgokukaMathewu 20:26-27 ukukhonza umakhelwane ubugqila
Ngokuba kulotshiwe ukuthi:
“ ‘Kuphila kwami,’ isho iNkosi,
‘kimina ayakuguqa amadolo onke,
nezilimi zonke ziyakudumisa uNkulunkulu.’ ”
KwabaseRoma 14:11 khulekela ukuvuma indumiso
Umzalwane ophansi makazincome ngokuphakama kwakhe, kepha oyisicebi makazincome ngobuphansi bakhe, ngokuba njengembali yotshani uyakudlula.
EkaJakobe 1:9-10 ukuziqhenya imali
Kepha yena onamandla okwenza okukhulu kakhulu kunakho konke esikucelayo nesikuqondayo ngokwamandla asebenza kithi, makube kuye udumo ebandleni nakuKristu Jesu ezizukulwaneni zonke zaphakade naphakade. Amen.
Kwabase-Efesu 3:20-21 khulekela amandla UMoya
Umuntu uyini ukuba umkhumbule,
nendodana yomuntu ukuba uyinake na?
AmaHubo 8:4 isibusiso umusa
Yizwa umkhuleko wami, Jehova,
ulalele ukumemeza kwami;
ungathuli ngezinyembezi zami,
ngokuba ngingumfokazi kuwe;
ngiyisihambi njengokhokho bami bonke.
AmaHubo 39:12 umkhuleko ukudabuka
Ngakho-ke anokhuleka kanje, nithi:
“Baba wethu osezulwini,
malingcweliswe igama lakho;
mawufike umbuso wakho;
mayenziwe intando yakho emhlabeni njengasezulwini. ”
NgokukaMathewu 6:9-10 umkhuleko UBaba umhlaba
Thokoza kakhulu,
ndodakazi yaseSiyoni;
jabula nokujabula,
ndodakazi yaseJerusalema;
bheka, iNkosi yakho iza kuwe,
ilungile, inensindiso,
ithobekile, ikhwele imbongolo,
ithole, inkonyane yembongolokazi.
UZakariya 9:9 isiprofetho iphasika ukulunga
Funani uJehova nina nonke bathobekileyo bomhlaba
enisebenzile ukwahlulela kwakhe;
funani ukulunga; funani ukuthobeka;
mhlawumbe niyakusitshekelwa ngosuku lolaka lukaJehova.
UZefaniya 2:3 ukufuna ukuvikela ukulunga
Ngiqinisile, ngiqinisile ngithi kini: Inceku ayinkulu kunenkosi yayo, nothunyiweyo kamkhulu kunomthumileyo.
NgokukaJohane 13:16 ukukhonza ubugqila
Babusisiwe abampofu emoyeni,
ngokuba umbuso wezulu ungowabo.
NgokukaMathewu 5:3 isibusiso umbuso izulu
Kepha umthelisi emi kude wayengafuni nakuphakamisela amehlo akhe ngasezulwini, kodwa washaya isifuba sakhe, ethi: ‘Nkulunkulu, ngihawukele mina soni.’
NgokukaLuka 18:13 ukuphenduka ukuguqulwa umusa