Umhlaba (2/2)

Ngokuba uNkulunkulu walithanda izwe kangaka, waze wanikela ngeNdodana yakhe ezelwe yodwa ukuba… NgokukaJohane 3:16

ZUL59

Ngokuba uNkulunkulu walithanda izwe kangaka, waze wanikela ngeNdodana yakhe ezelwe yodwa ukuba yilowo nalowo okholwa yiyo angabhubhi, kodwa abe nokuphila okuphakade.
NgokukaJohane 3:16 umusa ukuphila okungunaphakade inkolo
Yeka ubukhulu bomusa wakho
obagodlele wona abakwesabayo,
owenzele bona ababalekela kuwe,
phambi kwabantwana babantu.
AmaHubo 31:19 ukwethemba uvalo isibusiso
Yena uyinhlawulo ngezono zethu, kungengezethu zodwa kodwa nangezezwe lonke.
1 kaJohane 2:2 isibi UMsindisi intethelelo
Umhlaba ungokaJehova nokugcwala kwawo,
izwe nabakhileyo kulo.
AmaHubo 24:1 UNkulunkulu ukuphila usomandla
Yazi namuhla, ukungenise enhliziyweni yakho ukuthi uJehova unguNkulunkulu ezulwini phezulu nasemhlabeni phansi; akakho omunye.
UDuteronomi 4:39 UNkulunkulu izulu izithombe ezibaziweyo
Ngiyakukunika izihluthulelo zombuso wezulu. Oyakukubopha emhlabeni koba kuboshiwe nasezulwini, nalokho oyakukukhulula emhlabeni koba kukhululiwe nasezulwini.
NgokukaMathewu 16:19 umbuso izulu
Ningasho ukuthi ngize ukuletha ukuthula emhlabeni; angizanga ukuletha ukuthula kepha inkemba.
NgokukaMathewu 10:34 ukuthula UJesu
Ngokuba uNkulunkulu ekuKristu wenza ukuba izwe libuyisane naye, engababaleli iziphambeko zabo, ebeka kithi izwi lokubuyisana.
2 kwabaseKorinte 5:19 isibi insindiso UJesu
NingabakaNkulunkulu nina bantwanyana, nibahlulile, ngokuba lowo okini mkhulu kunaye osezweni.
1 kaJohane 4:4 insindiso ukunqoba usomandla
Ngokuba uNkulunkulu kayithumelanga iNdodana ezweni ukuba yahlulele izwe, kodwa ukuba izwe lisindiswe ngayo.
NgokukaJohane 3:17 insindiso UJesu ukwahlulela
Ngalokho-ke uNkulunkulu wamphakamisa kakhulu, wamnika igama eliphezu kwamagama onke, ukuze kuthi ngegama likaJesu amadolo onke aguqe, awabasezulwini, nawabasemhlabeni, nawabangaphansi komhlaba.
KwabaseFilipi 2:9-10 UJesu khulekela izulu
Kalokhu uma nilalela nokulalela izwi lami, nigcine isivumelwano sami, niyakuba yigugu kimi kunazo zonke izizwe, ngokuba umhlaba wonke ungowami.
U-Eksodusi 19:5 ukulalela umthetho isivumelwano kuyigugu
Kepha kimi makungabikho nakanye ukuzibonga, kuphela ngesiphambano seNkosi yethu uJesu Kristu, okubethelwe ngaye izwe kimi nami kulo izwe.
KwabaseGalathiya 6:14 ukubethelwa
Ngizakukubonga phakathi kwabantu, Jehova,
ngikudumise phakathi kwezizwe.
AmaHubo 108:3 khulekela indumiso ukucula
Uthando lukaNkulunkulu lwabonakaliswa kithi ngalokho ukuthi uNkulunkulu wathumela ezweni iNdodana yakhe ezelwe yodwa ukuba siphile ngayo.
1 kaJohane 4:9 uthando UJesu ukuphila
Phakama, Nkulunkulu,
phezu kwezulu,
inkazimulo ibe phezu komhlaba wonke.
AmaHubo 57:5 izulu khulekela
Ngavela kuBaba, ngeza ezweni; ngiyalishiya futhi izwe, ngibuyela kuBaba.
NgokukaJohane 16:28 UBaba ukwenyuka
Ngokuba ngiqinisile ngithi kini: Kuze kudlule izulu nomhlaba, akusoze kwadlula gamana linye nasicashana sinye somthetho, kuze kufezeke konke.
NgokukaMathewu 5:18 thembekile IZwi likaNkulunkulu umthetho
Ngakho-ke anokhuleka kanje, nithi:
“Baba wethu osezulwini,
malingcweliswe igama lakho;
mawufike umbuso wakho;
mayenziwe intando yakho emhlabeni njengasezulwini. ”
NgokukaMathewu 6:9-10 umkhuleko UBaba ukuthobeka
Hlabelelani kuJehova,
ngokuba wenzile izinto ezinkulu;
lokhu makwazeke emhlabeni wonke.
U-Isaya 12:5 ukucula khulekela
UNkulunkulu wababusisa; uNkulunkulu wathi kubo: “Zalani, nande, nigcwalise umhlaba, niwunqobe, nibuse phezu kwezinhlanzi zolwandle, nezinyoni zezulu, nezilwanyana ezinwabuzelayo emhlabeni.”
UGenesise 1:28 isibusiso indalo ukuthela
Kuvunyiwe ukuthi inkulu imfihlakalo yokukhonza uNkulunkulu yokuthi:
Owabonakaliswa enyameni, walungisiswa emoyeni,
wabonwa yizingelosi, washunyayelwa ezizweni,
wakholeka ezweni, waphakanyiselwa enkazimulweni.
1 kuThimothewu 3:16 UJesu UMoya izingelosi
Mina ngiyisinkwa esiphilayo esehla ezulwini. Uma umuntu edla lesi sinkwa, uyakuphila phakade; futhi-ke isinkwa engizakusinikela ngenxa yokuphila kwezwe siyinyama yami.
NgokukaJohane 6:51 isinkwa UJesu umzimba
Kepha mina ngithi kini: Ningafungi nakanye, noma izulu, ngokuba liyisihlalo sobukhosi sikaNkulunkulu, noma umhlaba, ngokuba uyisenabelo sezinyawo zakhe, noma iJerusalema, ngokuba lingumuzi weNkosi enkulu.
NgokukaMathewu 5:34-35 ukukhuluma thembekile izulu
Leli vangeli lombuso liyakushunyayelwa ezweni lonke, kube ngubufakazi ezizweni zonke, andukuba kufike ukuphela.
NgokukaMathewu 24:14 ukuvangela ukuphela kwesikhathi umbuso