Umthetho (2/5)

Yebo, lo myalo sinawo, uvela kuNkulunkulu, wokuthi othanda uNkulunkulu makathande nomzalwane wakhe. 1 kaJohane 4:21

ZUL59

Yebo, lo myalo sinawo, uvela kuNkulunkulu, wokuthi othanda uNkulunkulu makathande nomzalwane wakhe.
1 kaJohane 4:21 uthando ubungani
Ngokuba isono asiyikubusa phezu kwenu; ngokuba aniphansi komthetho, kepha niphansi komusa.
KwabaseRoma 6:14 isibi umusa
Ngokuba isiphetho somthetho nguKristu, kube ngukulunga kubo bonke abakholwayo.
KwabaseRoma 10:4 inkolo ukulunga
Uma ningithanda, niyakugcina imiyalo yami.
NgokukaJohane 14:15 uthando UJesu
Ngakho siyakuthini na? Umthetho uyisono na? Qha nakanye; kepha bengingasazanga isono, uma bekungengomthetho; ngokuba ukufisa bengingakwazanga, uma umthetho ubungashongo ukuthi: “Ungafisi.”
KwabaseRoma 7:7 isibi izifiso
Udosi lokufa yisono; amandla esono ngumthetho.
1 kwabaseKorinte 15:56 isibi izithombe ezibaziweyo
Ugcine isiyalezo sikaJehova uNkulunkulu wakho ukuba uhambe ezindleleni zakhe, ugcine izimiso zakhe, nemiyalo yakhe, nezahlulelo zakhe, nobufakazi bakhe njengokulotshiweyo emthethweni kaMose, ukuze uphumelele kukho konke okwenzayo nakukho konke okubhekayo.
1 AmaKhosi 2:3 ukulalela umthetho isibusiso
Ngokuba lokhu ukuthi: “Ungaphingi, ungabulali, ungebi, ungafisi,” noma ukhona omunye umyalelo, kuyahlanganiswa kuleli zwi elithi: “Wothanda umakhelwane wakho njengalokhu uzithanda wena.”
KwabaseRoma 13:9 uthando umakhelwane
Ohlakaniphile ngenhliziyo uyakwamukela imiyalo,
kepha isiwula esiphoshozayo siyakuwiswa.
IzAga 10:8 inhlakanipho inhliziyo
Ningahluleli ukuba ningahlulelwa.
NgokukaMathewu 7:1 ukwahlulela
Abathanda umthetho wakho banokuthula okukhulu;
akukho sikhubekiso kubo.
AmaHubo 119:165 ukuthula
Uthando alwenzi okubi kumakhelwane; ngakho-ke uthando lungukugcwaliseka komthetho.
KwabaseRoma 13:10 uthando umakhelwane
Babusisiwe abaqotho endleleni,
abahamba ngemithetho kaJehova.
AmaHubo 119:1 ukulunga ukuphila ongenasici
Kepha obukisisa emthethweni opheleleyo wenkululeko nohlala kuwo, engesiye ozwayo nje akhohlwe, kodwa engowenzayo asebenze, lowo uzakuba ngobusisiweyo ekwenzeni kwakhe.
EkaJakobe 1:25 isibusiso ukulalela ukulalela umthetho
Ungabulali, ungaphingi, ungebi, ungafakazi amanga; yazisa uyihlo nonyoko; wothanda umakhelwane wakho njengalokhu uzithanda wena.
NgokukaMathewu 19:18b-19 uthando umndeni thembekile
Nakhu ukuphela kwendaba,
lapho sekuzwakele konke:
Mesabe uNkulunkulu,
ugcine imiyalo yakhe,
ngokuba lokho kungokwabantu bonke.
UmShumayeli 12:13 mangala ukuphila
Ngakho-ke makwazeke kini madoda, bazalwane, ukuthi ngalowo kumenyezelwa kini ukuthethelelwa kwezono, nakukho konke ebeningenakulungisiswa kukho ngomthetho kaMose yilowo nalowo okholwayo uyakulungisiswa ngaye.
IzEnzo 13:38-39 UJesu intethelelo inkululeko
Ndodana yami, ungakhohlwa umthetho wami,
kepha inhliziyo yakho mayigcine imiyalo yami,
ngokuba iyakwenezela kuwe
ubude bezinsuku,
neminyaka yokuphila, nokuthula.
IzAga 3:1-2 ukuphila inhliziyo ukuthula
Ogcina umyalo ulonda umphefumulo wakhe,
kepha onganaki izindlela zakhe uyakufa.
IzAga 19:16 ukuphila okungunaphakade isibi
Ogcina imiyalo yakhe uhlala kuye, naye uqobo uhlala kuye; siyazi ngalokho ukuthi uhlala kithi ngaye uMoya asinike yena.
1 kaJohane 3:24 UNkulunkulu UMoya
Angiwenzi ize umusa kaNkulunkulu, ngokuba uma ukulunga kuya ngomthetho, khona uKristu wafela ize.
KwabaseGalathiya 2:21 umusa ukulunga UJesu
Kanjalo akusekho ukulahlwa kwabakuKristu Jesu. Ngokuba umthetho kaMoya wokuphila okuKristu Jesu ungikhululile emthethweni wesono nowokufa.
KwabaseRoma 8:1-2 ukwahlulela umhlengi isijeziso
Saphendula sathi: “Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho, nangayo yonke ingqondo yakho, nomakhelwane wakho njengalokhu uzithanda wena.”
NgokukaLuka 10:27 uthando ukulalela umthetho
Onemiyalo yami ayigcine, nguyena ongithandayo; ongithandayo uyakuthandwa nguBaba, nami ngiyakumthanda, ngizibonakalise kuye.
NgokukaJohane 14:21 uthando UBaba
Ngakho yena oninikayo uMoya noveza imisebenzi yamandla phakathi kwenu ukwenza ngemisebenzi yomthetho noma ngezwi lokukholwa na?
KwabaseGalathiya 3:5 UMoya ukulalela