Filipiana 4

MG1865

Mifalia mandrakariva amin'ny Tompo; hoy izaho indray: Mifalia. Filipiana 4:4

Mifalia mandrakariva amin'ny Tompo; hoy izaho indray: Mifalia.
Filipiana 4:4 Andriamanitra fifaliana
Aoka ho fantatry ny olona rehetra ny fandeferanareo. Efa mby akaiky ny Tompo.
Filipiana 4:5 fahamoram-panahy manodidina
Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.
Filipiana 4:6-7 fankasitrahana fivavahana ahiahy
Farany, ry rahalahy, na inona na inona marina, na inona na inona manan-kaja, na inona na inona mahitsy, na inona na inona madio, na inona na inona maha-te-ho-tia, na inona na inona tsara laza, raha misy hatsaram-panahy, ary raha misy dera, dia hevero izany.
Filipiana 4:8 fahamarinana rariny eritreritra
Ataovy izay efa nianaranareo sy efa noraisinareo ary efa renareo sy efa hitanareo tamiko; ary ho aminareo ny Andriamanitry ny fiadanana.
Filipiana 4:9 fiadanana mihaino mianatra
Tsy filan-javatra anefa no anaovako izany; fa izaho efa nianatra tsy hierina na manao ahoana na manao ahoana.
Filipiana 4:11 fahatokisana fiankinan-doha fahafaham-po
Mahalala hietry aho, ary mahalala hitombo; na aiza na aiza, ary na amin'inona na amin'inona, dia efa nampianarina ny ho voky sy ho noana aho ary hanam-be sy halahelo.
Filipiana 4:12 fahafaham-po hanina fiainana
Mahay ny zavatra rehetra aho ao amin'ilay mampahery ahy.
Filipiana 4:13 Andriamanitra tanjaka fiarovana
Fa Andriamanitro hahatanteraka izay rehetra tokony ho anareo araka ny hareny amin'ny voninahitra no amin'i Kristy Jesosy.
Filipiana 4:19 fahatokisana Jesosy fitahiana
Ary ho an'Andriamanitra Raintsika anie ny voninahitra mandrakizay mandrakizay. Amena.
Filipiana 4:20 fanetren-tena fiankohofana Ray
Ho amin'ny fanahinareo anie ny fahasoavan'i Jesosy Kristy Tompo.
Filipiana 4:23 fahasoavana Jesosy fitahiana