- Morena o rata ho loka,
mme a ke ke
a furalla batshepuwa ba hae.
Ba kgopo ba tla timella ruri,
ditloholo tsa bona di tla fediswa. - Modimo ke setshabelo sa rona
le matla a rona;
ke thuso e teng kamehla,
thuso matshwenyehong. - A re tiisetseng ho bolela tshepo ya rona re sa thekesele, hobane ya re tshepisitseng o a tshepahala.
- Ho fihlela boqhekung ba lona
ha ke eso fetohe,
ke tla nne ke le pepe
ho fihlela le eba bo-raputswe.
Ke nna ya le bopileng,
mme ke tla nne ke le sike,
ke tla nne ke le pepe,
ke le namolele. - Mme tsohle tseo le di kopang ka thapelo, le dumela, le tla di fumana.
- Morena o na le lona haeba le lona le ena le yena. Ha le mmatla le tla mo fumana, empa haeba le mo furalla le yena o tla le furalla.
- Tsohang molota, le be sebete; le se ke la di tshaba kapa la di tshoha, hobane Morena Modimo wa lona, ke yena ya tsamayang le lona. A ke ke a le lahla kapa a le furalla.
- Hobane Mangolo a re: “Mang le mang ya dumelang ho yena ha a ka ke a hlajwa ke dihlong.”
- Le kajeno Jesu Kreste e ntse e le yena wa maobane, mme e tla nne e be yena kamehla yohle.
- Ba tsebang lebitso la hao
ba ke ba o tshepe,
ba o tshepe hobane wena Morena,
o ke ke wa furalla ba o batlang. - Lona ba ratang Morena,
hloyang bokgopo,
o baballa bophelo
ba batshepuwa ba hae,
o ba namolela
matsohong a ba kgopo. - Efela lentswe la Morena le lokile,
mesebetsi yohle ya hae
ke ya nnete. - Mesebetsi yohle
e na le moputso wa yona,
empa ho berabera
hona ho a futsanehisa. - Ka baka leo, ere ho bona: ‘Morena Modimo o bua tjena: Mantswe a ka a ke ke a hlola a thisiswa, empa tseo ke di bolelang di tla phethahatswa, ho rialo Morena Modimo.’
- Empa ya ithorisang a ke a ithorise ka Morena, hobane ya amohelehang hase ya ikemelang, empa ke ya emelwang ke Morena.
- Modimo ke mang,
haese Morena?
Lefika ke mang,
haese Modimo wa rona? - Moo ke reng:
“Leoto la ka le a thella,”
mohau wa hao
o a ntshehetsa, Morena. - Mahlo a hao
a tadime kapele ho wena,
dintshi tsa hao di se ke tsa panya. - “Leha dithaba di ka sisinngwa
le maralla a suthiswa,
lerato la ka le matla ho wena
le ke ke la sisinyeha,
kapa selekane sa ka sa kgotso
sa fediswa,”
ho rialo Morena, yena ya o utlwelang bohloko. - O tla o kwahela ka masiba a hae,
o tshabele tlasa mapheo a hae.
Botshepehi ba hae
ke thebe le thejana. - Morena, ako utlwe thapelo ya ka,
o sekehele thapedi ya ka tsebe;
o nkarabe
ka baka la botshepehi ba hao,
le ka baka la ho loka ha hao. - Suthisetsa bolotsana le mashano
hole le nna,
o se ke wa nthuisa
kapa wa mphutsanehisa,
o mphepe ka dijo tse ntekaneng. - Jwang bo a pona,
palesa di foforehe,
empa ntswe la Modimo wa rona
le hlola kamehla. - Morena, mohau wa hao
o ke o be le rona,
hobane re tshepile wena. - Morena o lokile
ho tsohle tseo a di etsang,
mesebetsing yohle ya hae
o mohau.
Dihlogotaba tša go tswalana
Go ba le tumelo
Ka baka la lerato...
Modimo
Morena Modimo wa hao...
Lentšu la Modimo
Lentswe la Modimo le...
Lerato
Lerato le na le...
Boloki
Ya thahasellang ho loka...
Tšhireletšo
Hlomelang ka dihlomo tsohle...
Temana ya Bibele ya lehono
Ke Modimo ofeya tshwanang le wena?
Ya tshwarelang dibe, a leballe ditlolo
tsa masalla a setjhaba sa hae?
Wena o Modimo
ya sa halefeleng ruri,
wena o Modimo
ya thabelang ho hauhela.