Iivesi zeBhayibhile malunga nesibindi

«»

• NguNdikhoyo ngokwakhe oza kunikhokela, ahambe nani. Soze arhoxe, engasoze anilahle; ngoko ke yomelelani ningoyiki.
  UHLAZIYO-MNQOPHISO 31:8ukulandelauloyikoukhuthazo
• Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.
  UYOSHUWA 1:9uThixouloyikoukhuthazo
• Makabongwe uThixo, uyise weNkosi yethu uYesu Krestu, uBawo uSozinceba, uThixo umthombo wentuthuzelo. Yena uyasithuthuzela ezimbandezelweni zethu zonke, ukuze nathi sikwazi ukubathuthuzela abanye kwangaloo ntuthuzelo ivela kuye.
  2 KWABASEKORINTE 1:3-4ukubandezelekaunquloukhuthazo
• Phaphani, nime zinzi elukholweni! Khaliphani, nomelele!
  1 KWABASEKORINTE 16:13ukholoamandlaukhuthazo
• Qinani nibe nesibindi, nonke nina nithembele ngoNdikhoyo.
  INdumiso 31:24ithembaukhuthazointliziyo
• Ngoko ke, nokuba ndihamba kwiingxondorha ezimnyama,
  andinadyudyu.
  Kaloku ungakum, wena Ndikhoyo;
  isagweba sakho nebhunguza lakho lixhadi lam.
  INdumiso 23:4uloyikoukhuthazoukufa
• Ndinishiya noxolo olulolwam, olungafani nakancinane nolweli hlabathi. Ze ningakhathazeki, ningoyiki.
  UYOHANE 14:27ukhuthazouxoloukukhathazeka
• Kuba kaloku uMoya esimnikwe nguThixo asingowobuphakuphaku, koko uvuselela isibindi, uthando, nokuzeyisa.
  2 KUTIMOTI 1:7uthandoukuzibambaamandla
• Qinani nikhaliphe, ningaxhali, ningabi nayo nedyudyu. Kaloku uNdikhoyo uThixo wenu ungakuni; soze arhoxe okanye anilahle.
  UHLAZIYO-MNQOPHISO 31:6ukuthembekauloyikoukukhuselwa
• Thembela kuNdikhoyo; yomelela, ube nesibindi!
  Ewe, thembela kuNdikhoyo wena!
  INdumiso 27:14thembelaumonde
• Bambona ehamba phezu kwamanzi olwandle, baza bathi: “Ngumhlola lo!” Batsho bakhala, kuba bambona bonke, babethwa luvalo. Kwangoko ke wathetha nabo, wathi kubo: “Zolani; ndim; musani ukoyika.”
  UMARKO 6:49-50imimangalisoUYesuuloyiko