KWABASEKOLOSE

Iindinyana zeBhayibhile Ezidumileyo

XHO96

Nayiphi na into eniyenzayo yenzeni ngomxhelo ngokungathi niyenzela iNkosi, aniyenzeli bantu. Ze nikhumbule ukuba iNkosi iya kunivuza ngelifa eligcinele abantu bayo. Kaloku uKrestu yeyona Nkosi nikhonza yona.
KWABASEKOLOSE 3:23-24 ibuyiselo ubomi ukwamkela
Ngaphezu kwazo zonke ezi zinto yongezani uthando, lona lubopha izinto zonke zibe yimbumba egqibeleleyo.
KWABASEKOLOSE 3:14 uthando uluntu ngokungenatyala
Zingisani ukuthandaza, niphaphile, ninombulelo kuThixo.
KWABASEKOLOSE 4:2 umbulelo umthandazo
Nyamezelanani, nixolelane. Ukuba omnye ukhalazela omnye xolelanani kwanjengokuba nayo iNkosi yanixolelayo.
KWABASEKOLOSE 3:13 uxolelo uxolo ummelwane
Ningabantu bakaThixo abanyuliweyo abathandiweyo nina, abakhe ngenkqu. Ngoko ke nxibani ezifanele abakhe: inceba, ububele, ukuthobeka, ubulali, nomonde.
KWABASEKOLOSE 3:12 ukuthobeka ubulali umonde
Uxolo eniluphiwa nguKrestu malube lulo olugweba iintliziyo zenu, kuba uThixo wanibizela kolu xolo ukuze nibe ngamalungu omzimba omnye. Phuphumani ke ngumbulelo.
KWABASEKOLOSE 3:15 UYesu uxolo umbulelo
Nina makhosikazi, bathobeleni ngokuzinikela abayeni benu, kuba yimfanelo yenu yobuKrestu leyo.
Nina madoda, bathandeni abafazi benu, ningabi ngqwabalala.
KWABASEKOLOSE 3:18-19 ukuthobeka umtshato ubudlelwane
Ngoko ke yitshitshiseni iphele kuni imikhwa yeli hlabathi: ukurheletya, ukungcola, ukutshiseka, iinkanuko, nokunyoluka okukwalunqulo-zithixo.
KWABASEKOLOSE 3:5 isono iminqweno ukuthanda izinto eziphathekayo
Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.
KWABASEKOLOSE 3:16 ILizwi likaThixo ukufunda unqulo
Nantoni na ke eniyenzayo, nokuba niyathetha, nokuba niyenza, yenzeleni egameni leNkosi uYesu, nibulela uThixo uYise ngayo.
KWABASEKOLOSE 3:17 ukuthetha umbulelo ukulandela