Isibi (3/6)

Uma umuntu ona, enza noma yikuphi kuyo imiyalo uJehova ayale ngakho ukuthi… ULevitikusi 5:17

ZUL59

Uma umuntu ona, enza noma yikuphi kuyo imiyalo uJehova ayale ngakho ukuthi akunakwenziwa, noma ebengakwazi, unecala nokho, futhi wothwala ububi bakhe.
ULevitikusi 5:17 umthetho isijeziso
“Wozani-ke, sithethe indaba,”
usho uJehova;
“noma izono zenu zibomvu kakhulu,
ziyakuba mhlophe njengeqhwa;
noma zibomvu njengokububende,
ziyakuba njengoboya bezimvu.”
U-Isaya 1:18 intethelelo ukuhlanzwa igazi
Kepha umbhalo uvalele konke phansi kwesono, ukuze isithembiso ngokukholwa nguJesu Kristu siphiwe abakholwayo.
KwabaseGalathiya 3:22 ukwethemba inkolo izethembiso
Enhliziyweni yami ngiyalonda izwi lakho,
ukuze ngingoni kuwe.
AmaHubo 119:11 IZwi likaNkulunkulu inhliziyo
Ukulunga kuyaphakamisa isizwe,
kepha ukona kuyihlazo kubantu.
IzAga 14:34 ukulunga
Ngokuba isono asiyikubusa phezu kwenu; ngokuba aniphansi komthetho, kepha niphansi komusa.
KwabaseRoma 6:14 umusa umthetho
Kangizelanga ukubiza abalungileyo kodwa izoni ukuba ziphenduke.
NgokukaLuka 5:32 ukuphenduka ukuguqulwa UJesu
Ngokuba lapho kukhona umhawu nombango, kukhona isiyaluyalu nezenzo zonke ezimbi.
EkaJakobe 3:16 ubugovu okubi
Gezani, nihlanzeke,
nisuse ububi bezenzo zenu phambi kwamehlo ami,
niyeke ukwenza okubi.
U-Isaya 1:16 ukuhlanzwa okubi
Yebo, yalinyazwa ngenxa yeziphambeko zethu,
yachotshozwa ngobubi bethu;
isijeziso sasiphezu kwayo ukuba sibe nokuthula,
nangemivimbo yayo siphilisiwe thina.
U-Isaya 53:5 UJesu ukuphulukisa
Kepha uma omubi ebuya kuzo zonke izono zakhe azenzileyo, agcine zonke izimiso zami, enze ukwahlulela nokulunga, uyakuphila nokuphila; kayikufa.
UHezekeli 18:21 ukuguqulwa umthetho ukulalela umthetho
Njengokuba uKristu wahlupheka enyameni, hlomani nani ukuqonda okunjalo, ngokuba ohluphekile enyameni uyekile ukona.
1 kaPetru 4:1 inhlupheko
Futhi ninganikeli izitho zenu esonweni, zibe yizikhali zokungalungi, kodwa zinikeleni nina kuNkulunkulu njengabaphilayo bevukile kwabafileyo nezitho zenu kuNkulunkulu, zibe yizikhali zokulunga.
KwabaseRoma 6:13 ukulunga umhlatshelo ukuguqulwa
Indlela kaJehova iyinqaba kopheleleyo,
kepha incithakalo ikubenzi bokona.
IzAga 10:29 thembekile umthetho
Nanti izwi esalizwa kuye, sinishumayeza lona lokuthi uNkulunkulu ungukukhanya, ubumnyama abukho kuye nakanye.
1 kaJohane 1:5 UNkulunkulu inkazimulo
Ogcina umyalo ulonda umphefumulo wakhe,
kepha onganaki izindlela zakhe uyakufa.
IzAga 19:16 umthetho ukuphila okungunaphakade
Ngokuba uNkulunkulu ekuKristu wenza ukuba izwe libuyisane naye, engababaleli iziphambeko zabo, ebeka kithi izwi lokubuyisana.
2 kwabaseKorinte 5:19 insindiso UJesu umhlaba
Ayesevuleka amehlo abo bobabili, babona ukuthi bahamba ze; bathunga amaqabunga omkhiwane, bazenzela izibhinco.
UGenesise 3:7 izembatho
Ngesulile iziphambeko zakho njengefu,
nezono zakho njengemilaza;
buyela kimi, ngokuba ngikuhlengile.
U-Isaya 44:22 insindiso ukuguqulwa umhlengi
Uthando lukulokhu, kungesikho ukuthi thina samthanda uNkulunkulu, kepha ukuthi yena wasithanda thina, wathuma iNdodana yakhe ibe yinhlawulo ngezono zethu.
1 kaJohane 4:10 uthando UMsindisi ukubuyisana
Kwathi ngithule, amathambo ami aguga
ngokububula kwami usuku lonke.
AmaHubo 32:3 ukuvuma izono ukukhuluma ukugula
Niyafisa, nokho aninalutho; niyabulala ninomhawu, nokho anizuzi lutho; niyalwa nenza impi. Aninalutho, ngokuba ningaceli.
EkaJakobe 4:2 izifiso umkhuleko
Ngithi kini: Kanjalo kuyakuba khona ukuthokoza ezulwini ngesoni sisinye esiphendukayo, kunabalungileyo abangamashumi ayisishiyagalolunye nesishiyagalolunye abangasweli ukuphenduka.
NgokukaLuka 15:7 ukuguqulwa ukuphenduka injabulo
Ngalokho-ke nathi, lokhu sinefu elingaka lawofakazi elisihaqileyo, masilahle konke okusindayo nesono esithandela kangaka kithi, sigijime ngokubekezela kulokhu kuncintisana esikumiselweyo.
KumaHeberu 12:1 ukuphila ukunqoba
Kepha uma ningathetheleli abantu iziphambeko zabo, noYihlo akayikunithethelela iziphambeko zenu.
NgokukaMathewu 6:15 intethelelo UBaba