Ukukhuluma (3/3)

Vula umlomo wakho, wahlulele ngokulunga, umele abahluphekayo nabampofu. IzAga 31:9

ZUL59

Vula umlomo wakho,
wahlulele ngokulunga,
umele abahluphekayo nabampofu.
IzAga 31:9 ukulunga ukupha abafelokazi
UJesu wayesephendula, ethi kubo: “Ngiqinisile ngithi kini: Uma ninokukholwa, ningangabazi, aniyikwenza okomkhiwane kuphela, kodwa noma nithi kule ntaba: ‘Nqukuleka, uphonseke elwandle,’ kuyakwenzeka.”
NgokukaMathewu 21:21 inkolo izimangaliso ukwethemba
Izindebe ezinobungcweti azifanele isiwula;
kakhulu kangakanani umlomo wamanga isikhulu.
IzAga 17:7 inhlakanipho ukuqamba amanga
Izibusiso zisekhanda lolungileyo,
kepha umlomo wababi uyafihla ubudlwangudlwangu.
IzAga 10:6 ukulunga isibusiso
Ngokuba umuntu ukholwa ngenhliziyo kube ngukulunga, ngomlomo uyavuma kube ngukusindiswa.
KwabaseRoma 10:10 inkolo insindiso ukuvuma
Ulimi lolungileyo luyisiliva elikhethekileyo;
ingqondo yababi iyinto encane.
IzAga 10:20 kuyigugu ukulunga
Ngiyakumbonga uJehova ngezikhathi zonke;
ukudunyiswa kwakhe kuyakuba semlonyeni wami njalonjalo.
AmaHubo 34:1 khulekela isibusiso indumiso
Ofihla inzondo unezindebe zamanga;
ophumisa inhlebo uyisiwula.
IzAga 10:18 inhlebo ukuqamba amanga
Uma umfowenu ona, mkhuze; uma ephenduka, mthethelele. Noma ekonela kasikhombisa ngosuku, abuyele kuwe kasikhombisa, ethi: ‘Ngiyaphenduka,’ womthethelela.
NgokukaLuka 17:3b-4 isibi ukuphenduka intethelelo
Kepha phezu kwakho konke, bazalwane bami, ningafungi; ningafungi izulu noma umhlaba noma esinye isifungo; kodwa uyebo wenu makabe nguyebo, noqhabo uqhabo, ukuze ningaweli ekwahlulelweni.
EkaJakobe 5:12 thembeka iqiniso ukwahlulela
Angichezukanga emyalweni wezindebe zakhe;
ngizibekele amazwi akhe kunezimiso zami.
UJobe 23:12 umthetho ukulalela umthetho IZwi likaNkulunkulu
Ekuhluphekeni kwami ngambiza uJehova,
ngakhala kuNkulunkulu wami;
walizwa izwi lami esethempelini lakhe;
ukukhala kwami phambi kwakhe kwangena ezindlebeni zakhe.
AmaHubo 18:6 umkhuleko ukulalela
UNkulunkulu wathi: “Makube khona ukukhanya,” kwaba khona ukukhanya.
UGenesise 1:3 indalo inkazimulo
Ngokuba akuzange kuvezwe isiprofetho ngentando yomuntu, kepha abantu beqhutshwa nguMoya oNgcwele bakhuluma okukaNkulunkulu.
2 kaPetru 1:21 isiprofetho UMoya UMoya Oyingcele
Uma uthi enhliziyweni yakho: ‘Singalazi kanjani izwi uJehova angalikhulumanga na?’ yazi-ke ukuthi lokhu umprofethi akukhulumayo egameni likaJehova, bese ingenzeki leyo nto, ingaveli iyiyo leyo nto, akusiye uJehova oyikhulumile; umprofethi uyikhulumile ngokuziqhenya; ungamesabi.
UDuteronomi 18:21-22 isiprofetho iqiniso
Izindebe zamanga ziyisinengiso kuJehova,
kepha abenza iqiniso bayintokozo yakhe.
IzAga 12:22 ukuqamba amanga thembeka iqiniso
Ngawa phansi emhlabathini, ngezwa izwi lithi kimi: ‘Sawulu, Sawulu, ungizingelelani na?’
IzEnzo 22:7 izimangaliso ushushiso
Niyakusho ngalolo suku ukuthi:
“Bongani uJehova,
nibize igama lakhe,
nizazise izenzo zakhe phakathi kwezizwe,
nimemezele ukuthi igama lakhe liphakeme.”
U-Isaya 12:4 ukuvangela khulekela indumiso
Kwase kubonakala kubo izilimi ezahlukeneyo kungathi ezomlilo; zahlala phezu kwalowo nalowo kubo. Base begcwala bonke uMoya oNgcwele, baqala ukukhuluma ngezinye izilimi, njengalokho uMoya wabapha ukuphumisela.
IzEnzo 2:3-4 UMoya ipentekoste UMoya Oyingcele
Ngiyakumbonga uJehova ngayo yonke inhliziyo yami;
ngiyakulanda zonke izimangaliso zakho.
AmaHubo 9:1 khulekela ukubonga izimangaliso
Kwathi sebekhulekile, kwazanyazanyiswa indawo lapho bebebuthene khona, bagcwaliswa bonke nguMoya oNgcwele, bakhuluma izwi likaNkulunkulu ngesibindi.
IzEnzo 4:31 ipentekoste UMoya Oyingcele umkhuleko
Amazwi omncethezi anjengezibiliboco;
ayehlela kokuphakathi komuntu.
IzAga 18:8 inhlebo
Nina senihlanzekile ngezwi engilikhulume kinina.
NgokukaJohane 15:3 ukuhlanzwa IZwi likaNkulunkulu okubi
Futhi ngezwa izwi leNkosi lithi: “Ngiyakuthuma bani, ngubani oyakusiyela na?”
Ngase ngithi: “Bheka, nangu mina; ngithume mina.”
U-Isaya 6:8 isiprofetho ukuvangela
Kepha mina ngithi kini: Ningafungi nakanye, noma izulu, ngokuba liyisihlalo sobukhosi sikaNkulunkulu, noma umhlaba, ngokuba uyisenabelo sezinyawo zakhe, noma iJerusalema, ngokuba lingumuzi weNkosi enkulu.
NgokukaMathewu 5:34-35 thembekile izulu umhlaba