Amavesi EBhayibheli ngokuthanda izinto ezibambekayo

«»

• Ngokuba asilethanga lutho ezweni; kusobala ukuthi singemuke nalutho futhi; kepha uma sinokudla nezambatho, asaneliswe yikho.
  1 kuThimothewu 6:7-8ukudlaukwanelisekaumhlaba
• Othanda imali akayikusutha ngemali,
  nothanda okuningi akaneliswa yizithelo;
  nalokho kuyize.
  UmShumayeli 5:10imaliukwemana
• Ningazibekeleli ingcebo emhlabeni, lapho kona inundu nokugqwala, nalapho amasela efohla khona, ebe. Kepha zibekeleleni ingcebo ezulwini, lapho kungoni inundu nokugqwala, nalapho amasela engafohli khona, ebe.
  NgokukaMathewu 6:19-20ukwemanaizulu
• Ngokuba kuyakumsizani umuntu ukuzuza izwe lonke, alahlekelwe ngukuphila kwakhe, na?
  NgokukaMarku 8:36ukwemanaukuphilaumhlaba
• Wayesethi kubo: “Bhekani, nixwaye ukuhaha konke, ngokuba ukuphila komuntu akumi ngobuningi bempahla yakhe.”
  NgokukaLuka 12:15imaliukwemanaukwaneliseka
• Ukwenza kwenu makungabi ngokokufisa imali; yaneliswani ngeninakho; ngokuba yena ushilo wathi: “Angisoze ngakuyeka, angisoze ngakushiya,”
  KumaHeberu 13:5ukwethembaimaliisikweletu
• Thina esingabheki okubonwayo kodwa okungabonwayo; ngokuba okubonwayo kungokwesikhashana, kepha okungabonwayo kungokwaphakade.
  2 kwabaseKorinte 4:18ukuphila okungunaphakadeukuqonda
• Kepha abafuna ukuceba bayela ekulingweni, nasesihibeni, nasezinkanukweni eziningi zobuwula ezilimazayo, ezishonisa abantu ekufeni nasekubhujisweni.
  1 kuThimothewu 6:9imaliukwemana
• Okuncane kanye nokumesaba uJehova kungcono
  kunengcebo eningi kanye nokukhathazeka.
  IzAga 15:16imalimangala
• Njengalokho aphuma esizalweni sikanina,
  uyakubuye amuke,
  ahambe ze njengasekufikeni kwakhe,
  engatholi lutho ngomshikashika wakhe,
  ahambe nalo esandleni sakhe.
  UmShumayeli 5:15ukwemanaizulu
• Ngokuba lapho kukhona ingcebo yakho, nenhliziyo yakho iyakuba khona lapho.
  NgokukaMathewu 6:21imaliinhliziyoizifiso
• Kungcono kangakanani ukuzuza ukuhlakanipha kunegolide;
  yebo, ukuzuza ukuqonda nga kukhethwa kunesiliva.
  IzAga 16:16imaliinhlakanipho
• UJesu wathi kuye: “Uma uthanda ukuphelela, hamba uthengise ngempahla yakho, uphe abampofu, khona uzakuba negugu ezulwini; uze ungilandele.”
  NgokukaMathewu 19:21ongenasiciukuphaizulu
• Ngokunjalo nabesifazane mabagqoke izingubo ezifaneleyo, bazihlobise ngokuhlonipha nokuqonda, kungabi ngezinwele ezalukiweyo, nangegolide, nangamaparele, nangezambatho ezinemali eningi, kepha njengokufanele abesifazane abashoyo ukuthi besaba uNkulunkulu bahlobe ngemisebenzi emihle.
  1 kuThimothewu 2:9-10ubuhlekhulekelaokuhle
• Yala abacebileyo kuleli zwe lamanje ngokuthi bangakhukhumali, bangathembeli engcebeni engemiyo, kepha mabathembele kuNkulunkulu osicebisa ngakho konke, sithokoze ngakho.
  1 kuThimothewu 6:17imaliinjabuloukuziqhenya
• Dedisela kude nami okuyize namanga,
  unganginiki ubumpofu nengcebo,
  kepha ngiphe isinkwa engisimiselweyo.
  IzAga 30:8ukudlaimalithembekile
• Ngakho-ke bulalani amalungu enu asemhlabeni, ubufebe, nokungcola, nokuhuheka, nokukhanuka, nesangabe, okungukukhonza izithombe.
  KwabaseKolose 3:5isibiizifisoizithombe ezibaziweyo
• Ngokuba kuyakumsizani umuntu, uma ezuza izwe lonke, onakalelwe ukuphila kwakhe, na? Yingabe uyakukhiphani umuntu, kube yisihlengo sokuphila kwakhe, na?
  NgokukaMathewu 16:26ukuphilaumphefumuloumhlaba
• Yebo, ukumesaba uNkulunkulu kanye nokwaneliswa kuyinzuzo enkulu.
  1 kuThimothewu 6:6inkoloinjabuloukwaneliseka
• Igama elihle likhethekile kunengcebo enkulu,
  nomusa kunesiliva negolide.
  IzAga 22:1imaliubudlelwano
• Kuyafiswa nokufiswa usuku lonke,
  kepha olungileyo uyaphana engancishi.
  IzAga 21:26ukwemanaukuphaizifiso
• Isixuku sabakholwayo sasinhliziyonye nomphefumulo munye; akwabakho noyedwa owasho ngezimpahla zakhe ukuthi ngezakhe, kodwa bakuhlanganyela konke.
  IzEnzo 4:32umphakathi
• Ingcebo ayisizi ngosuku lolaka,
  kepha ukulunga kophula ekufeni.
  IzAga 11:4imaliukulungaisijeziso
• Amehlo akho ayandizela kulokho,
  kepha akusekho,
  ngokuba kuyazenzela impela amaphiko
  njengokhozi olundizela ezulwini.
  IzAga 23:5imaliizifiso
• Imfuyo yesicebi ingumuzi waso onamandla;
  injengogange oluphakemeyo emicabangweni yaso.
  IzAga 18:11imali