Famelàn-keloka (2/2)

Fa raha tsy mamela ny fahadisoan'ny olona ianareo, dia tsy hamela ny… Matio 6:15

MG1865

Fa raha tsy mamela ny fahadisoan'ny olona ianareo, dia tsy hamela ny fahadisoanareo ny Rainareo.
Matio 6:15 fahotana Ray
Nefa noho ny haben'ny fiantranao dia tsy navelanao ho lany ringana izy ary tsy nafoinao, satria Andriamanitra mamindra fo sy miantra Hianao.
Nehemia 9:31 fahasoavana famindram-po manodidina
Fa hamindra fo amin'ny tsi-fahamarinany Aho,
Ary tsy hotsarovako intsony ny fahotany.
Hebreo 8:12 fahotana fahasoavana
Sambatra ny olona izay voavela
ny helony sy voasarona ny fahotany.
Salamo 32:1 fahotana fitahiana
Ary raha nahare izany Jesosy, dia nanao hoe: Tsy ny finaritra no mila mpanao fanafody, fa ny marary.
Matio 9:12 fahasitranana fahasalamana
Sady nahafaka antsika tamin'ny fahefan'ny maizina ka namindra antsika ho amin'ny fanjakan'ny Zanany malalany, Izay ananantsika fanavotana, dia ny famelana ny helotsika.
Kolosiana 1:13-14 famonjena satana Jesosy
Avia ary hifandahatra isika, hoy Jehovah:
Na dia tahaka ny jaky aza ny fahotanareo,
Dia ho fotsy tahaka ny oram-panala,
Na dia mangatrakatraka tahaka ny sily aza,
Dia ho tahaka ny volon'ondry fotsy.
Isaia 1:18 fahotana fanadiovana rà
Ary na iza na iza no manao teny hanohitra ny Zanak'olona, dia hahazo famelan-keloka ihany; fa na iza na iza no miteny hanohitra ny Fanahy Masina, dia tsy mba hahazo famelan-keloka, na amin'izao fiainana izao, na amin'ny ho avy.
Matio 12:32 Fanahy Masina Jesosy fiainana mandrakizay
Ary noho izany dia lazaiko aminareo hoe: Hahazo famelan-keloka ny olona amin'ny ota sy fitenenan-dratsy samy hafa rehetra; fa tsy hahazo famelan-keloka ny olona amin'ny fitenenan-dratsy ny Fanahy Masina.
Matio 12:31 fahotana Fanahy Fanahy Masina
Hamindra fo amintsika indray Izy
Ka hanitsakitsaka ny fahotantsika,
Eny, harianao ho any amin'ny ranomasina lalina ny fahotany rehetra.
Mika 7:19 mamindra fo fahotana
Ary hoy Jesosy: Raiko ô, mamelà ny helony, fa tsy fantany izay ataony. Dia nanaovany loka no fizara ny fitafiany.
Lioka 23:34 fanomboana paka
Mitondrà teny ianareo,
eny, miverena amin'i Jehovah,
ka manaova aminy hoe:
Mamelà ny heloka rehetra,
ary raiso izay tsara,
ka dia haterinay ho fanatitra ny molotray.
Hosea 14:3 fiovam-po
Ary nandray kapoaka Izy, ka nony efa nisaotra, dia natolony azy ka nataony hoe: Sotroinareo rehetra ity; fa ity no rako, dia ny amin'ny fanekena, izay alatsaka ho an'ny maro ho famelan-keloka.
Matio 26:27-28 divay rà fifanarahana
Ary saiky diovina amin'ny rà avokoa ny zavatra rehetra araka ny lalàna; fa raha tsy misy rà alatsaka, dia tsy misy famelan-keloka.
Hebreo 9:22 lalàna rà fahotana
Izy no ambaran'ny mpaminany rehetra, fa amin'ny anarany no hahazoan'izay rehetra mino Azy famelan-keloka.
Asan'ny Apostoly 10:43 faminaniana finoana Jesosy