Ditemana tša Bibele tša go bolela ka Maatla
- O se ke wa tshaba,
hobane ke na le wena,
o se tsielehe,
hobane ke Modimo wa hao.
Ke tla o matlafatsa,
ke be ke o thuse,
ke o tshehetse
ka tsoho la ka le letona,
ka tsoho le letona
le etsang ho loka. - Empa ba tshepileng Morena
ba tla tsoha molota,
ba fofele hodimo jwaloka ntsu;
ba tla matha,
empa ba ke ke ba kgathala,
ba tsamaye,
ba se ke ba fellwa ke matla. - Leha mmele wa ka
le pelo ya ka di ka fela,
Modimo ke lefika la ka
le kabelo ya ka kamehla. - Nka etsa tsohle ka Kreste ya mmatlafatsang.
- O matlafatsa ba tepeletseng,
ba kgathetseng
o ba tsosa molota. - Ka baka leo, ke thabela bofokodi, mahlapa, ditsietsi, ditlhoriso, le mahlomola, ka baka la Kreste, hobane ha ke fokola, eba ke hona ha ke le matla.
- Ke a o rata Morena,
wena matla a ka.
Morena ke lehaha la ka,
ke qhobosheane ya ka,
ke monamoledi wa ka.
Modimo wa ka ke lefika la ka,
leo ke tshabelang ho lona;
Morena ke thebe ya ka,
ke lenaka la ka le ntwanelang,
ke seqhobo sa ka. - Modimo ha a a ka a re nea moya wa bokwala, empa o re neile moya wa matla, wa lerato le wa boitshwaro.
- Ipatleleng Morena le matla a hae,
le ipatlele yena le sa kgaotse. - Empa Morena o a tshepahala, o tla le matlafatsa, a le sireletse ho E Mobe.
- Fadimehang, tiyang tumelong, emang senna, matlafalang.
- Ha e le nna ke tla bina,
ke rorise matla a hao,
e sa le hosasa ke tla bolela,
ke bolele tsa mohau wa hao
ke di bolele ka mehoo ya thabo,
hobane o bile qhobosheane ya ka,
o bile setshabelo sa ka
mohla tsatsi
la matshwenyeho a ka. - Morena ke matla a ka le thebe ya ka;
pelo ya ka e mo tshepile,
mme o nthusitse;
pelo ya ka e nyakaletse,
ke mmoka ka dipina. - Oho, Morena Modimo, o entse lehodimo le lefatshe ka matla a hao a maholo, le ka letsoho la hao le otlolohileng, mme ha ho letho le ka o sitang.
- Morena Modimo ke yena
ya mmatlafatsang,
ya potlakisang maoto a ka
jwaloka a dikgama,
ya ntsamaisang hodima dihlaba. - Ke qetella ka ho re: Imatlafatseng ka matla a maholo a Morena.
- Lentswe la Modimo le a phela, le a sebetsa. Le bohale ho feta disabole tsohle tse sehang kamahohle. Le phohlotsa ho ya fihla moo bophelo le moya di kopanang teng, manonyeletsong le mokong. Le ahlola mehopolo le merero ya pelo.
- Yena eo matla a hae, ka ho sebetsa ka ho rona, a ka etsang tse fetang hole tseo re ka di kopang kapa tseo re ka di hopolang, a ke a tlotliswe kerekeng le ho Kreste Jesu, kamehla le mehla, ka mengwaha le mengwaha. A ho be jwalo!
- Mme o rate Morena Modimo wa hao ka pelo ya hao yohle, le ka moya wa hao wohle, le ka maikutlo a hao wohle, le ka matla a hao wohle.
- Boholo, le matla, le tlotla
ke tsa hao, Morena,
le tlholo, le botlotlehi.
Tsohle tse lehodimong le lefatsheng
ke tsa hao;
mmuso ke wa hao, Morena,
ke wena hlooho,
o phahametse tsohle. - Lengeloi la araba, le re: “Morena o bua tjena ho Serubabele: ‘Hase ka dikgoka kapa ka matla o tlang ho atleha, empa ke ka Moya wa ka,’ ho rialo Morena wa mabotho.”
- Empa a re ho nna: “Mohau wa ka o o lekane, hobane matla a ka a phethahala ka ba fokolang.” Ha ho le jwalo, ke tla ithorisa ka bofokodi ba ka ka thabo e kgolo, hore matla a Kreste a tle a be ho nna.
- Morena a ke a matlafatse
setjhaba sa hae,
Morena a ke a se hlohonolofatse
ka kgotso. - Ho bua ka sefapano ke bothoto ho ba yang timelong; athe ho rona ba yang pholohong ke matla a Modimo.
- Modimo ke mang,
haese Morena?
Lefika ke mang,
haese Modimo wa rona?
Dihlogotaba tša go tswalana
Modimo
Morena Modimo wa hao...
Bokoa
Ka baka leo, ke...
Ramatla
Boholo, le matla, le...
Setlabelo
A re hlokomelaneng, mme...
Lerato
Lerato le na le...
Moya wa Modimo
Morena ke Moya, mme...
Temana ya Bibele ya lehono
Ntjapedi ha e hlolwe ke sebata,thapo e kgwele di tharo
e dieha ho kgaoha.