Amavesi EBhayibheli ngomzimba

«»

• Kepha anazi yini ukuthi umzimba wenu uyithempeli likaMoya oNgcwele okinina, enimamukele kuNkulunkulu, nokuthi anisibo abenu na? Ngokuba nathengwa ngenani elikhulu. Ngakho-ke mbongeni uNkulunkulu emzimbeni wenu.
  1 kwabaseKorinte 6:19-20khulekelaUMoyaukuphila
• Ngokuba njengalokhu sinezitho eziningi emzimbeni munye, kepha izitho zonke azinamsebenzi munye, kanjalo thina esibaningi simzimba munye kuKristu, kepha ngabanye siyizitho, omunye esomunye.
  KwabaseRoma 12:4-5UJesuumphakathiukuncika
• Ngokuba wena uzenzile izinso zami,
  wangaluka esiswini sikamame.
  Ngiyakukubonga,
  ngokuba ngenziwa ngokwesabekayo nangokumangalisayo;
  imisebenzi yakho iyamangalisa;
  umphefumulo wami uyakwazi kahle.
  AmaHubo 139:13-14indaloizimangalisoumphefumulo
• Inyama yami nenhliziyo yami iyaphela;
  nokho uNkulunkulu uyidwala lenhliziyo yami
  nesabelo sami kuze kube phakade.
  AmaHubo 73:26amandlaukuphilaukuncika
• Khipha usizi enhliziyweni yakho,
  udlulise okubi emzimbeni wakho,
  ngokuba ubusha nobunsizwa buyize.
  UmShumayeli 11:10ukudabukaukukhathazekainhliziyo
• Inhliziyo eyenamileyo iyikhambi elihle,
  kepha umoya owaphukileyo uyomisa amathambo.
  IzAga 17:22ukuphulukisainhliziyoukugula
• Lindani, nikhuleke ukuba ningangeni ekulingweni; umoya uyavuma, kepha inyama ibuthakathaka.
  NgokukaMathewu 26:41umkhulekoisilingoizifiso
• Ngokuba ukujwayeza umzimba kusiza ingcosana, kepha ukumesaba uNkulunkulu kusiza ezintweni zonke, kunesithembiso salokhu kuphila nalokho okuzayo.
  1 kuThimothewu 4:8impiloukulalela umthethoukuphila
• Ungabi ngohlakaniphileyo emehlweni akho;
  mesabe uJehova, udede ebubini.
  Lokho kuyakuba yimpilo emzimbeni wakho
  nokuhlunyelelwa kwamathambo akho.
  IzAga 3:7-8mangalaisibusisookubi
• Ngakho asidangali, kodwa noma kubhubha umuntu wethu wangaphandle, owangaphakathi wenziwa musha imihla ngemihla.
  2 kwabaseKorinte 4:16ubuhleisikhuthazoukwamukela
• Ukuthula kukaKristu makubuse ezinhliziyweni zenu, enabizelwa futhi kukho emzimbeni munye; futhi yibani ngababongayo.
  KwabaseKolose 3:15UJesuukuthulaukubonga
• Kodwa ngiyawutuba umzimba wami, ngiwenza isigqila, ukuba mina engishumayeza abanye ngingaliwa mina uqobo.
  1 kwabaseKorinte 9:27ukuzithibaukwahlulela
• Amazwi amahle anjengamakhekheba oju;
  amnandi emphefumulweni, ayimpiliso emathanjeni.
  IzAga 16:24ubumneneukukhulumaumphefumulo
• Ngalokho-ke ngithi kini: Ningakhathazeki ngokuphila kwenu ukuthi niyakudlani noma niyakuphuzani, nangomzimba wenu ukuthi niyakwembathani. Ukuphila akukukhulu kunokudla nomzimba kunesambatho na?
  NgokukaMathewu 6:25ukudlaukuphilaukukhathazeka
• Ngokuba njengomzimba umunye, kepha unezitho eziningi, nezitho zonke zomzimba, nokuba ziziningi, zingumzimba munye, unjalo-ke noKristu.
  1 kwabaseKorinte 12:12umphakathiisontoUJesu
• Munye umzimba, munye uMoya, njengalokho nabizelwa ethembeni linye lokubizwa kwenu.
  Kwabase-Efesu 4:4UMoyangiyethembaubizo
• Ningabesabi ababulala umzimba bengenamandla okubulala umphefumulo, kepha kakhulu mesabeni onamandla okubhubhisa nomphefumulo nomzimba esihogweni.
  NgokukaMathewu 10:28uvaloumphefumuloisihogo
• Ngokuba sonke siyakhubeka ngokuningi; uma umuntu engakhubeki ngazwi, lowo uyindoda epheleleyo enamandla okubamba nomzimba wonke kungathi ngetomu.
  EkaJakobe 3:2ongenasiciukukhuluma
• Uma iso lakho lokunene likukhubekisa, likhiphe, ulilahle; ngokuba kungcono kuwe ukuba kubhubhe sibe sinye ezithweni zakho kunokuba wonke umzimba wakho uphonswe esihogweni.
  NgokukaMathewu 5:29isibiizifisoisihogo
• Ningakhathazeki ngokuphila kwenu ukuthi niyakudlani, nangomzimba wenu ukuthi niyakwembathani. Ngokuba ukuphila kukhulu kunokudla, nomzimba kunesambatho.
  NgokukaLuka 12:22b-23ukukhathazekaukudlaukuphila
• Indoda ayinike umfazi okumfaneleyo; nomfazi enze njalo endodeni. Umfazi kanamandla phezu kowakhe umzimba, kodwa yindoda enawo; kanjalo nayo indoda ayinamandla phezu kowayo umzimba, kodwa ngumfazi onawo.
  1 kwabaseKorinte 7:3-4umshadoucansi
• Ngokuba siyazi ukuthi uma indlu yethu yasemhlabeni eyidokodo idilizwa, sinesakhiwo esivela kuNkulunkulu, indlu engenziwanga ngezandla, eyaphakade, esezulwini.
  2 kwabaseKorinte 5:1ukuphilaukufaizulu
• Nkulunkulu, wena unguNkulunkulu wami,
  ngiyakufuna ekuseni;
  umphefumulo wami womele wena;
  inyama yami ilangazelela wena
  ezweni elomileyo eligagadekileyo,
  lapho amanzi engekho khona.
  AmaHubo 63:1khulekelaukufunaumphefumulo
• UJehova uNkulunkulu wakha owesifazane ngobambo abeluthathile kumuntu, wamyisa kumuntu.
  Wayesethi umuntu: “Lo useyithambo lamathambo ami nenyama yenyama yami; uyakubizwa ngokuthi indodakazi, ngokuba uthathwe endodeni.” Ngalokho indoda iyakushiya uyise nonina, inamathele kumkayo; bayakuba nyamanye.
  UGenesise 2:22-24umshadoindaloucansi
• Wayesethabatha isinkwa, wabonga, wasihlephula, wabanika, wathi: “Lokhu kungumzimba wami onikelwa nina; yenzani lokhu ukuba ningikhumbule.”
  NgokukaLuka 22:19isinkwaukubongaUJesu