Andinin-teny ao amin'ny Baiboly momba ny lainga

«»

• Fahavetavetana eo imason'i Jehovah ny molotra mandainga;
  Fa izay olona mahatoky no ankasitrahany.
  Ohabolana 12:22lahatenyfanaovana ny marinafahamarinana
• Fa na iza na iza maniry fiainana sy ta-hahita andro soa, Aoka izy hiaro ny lelany amin'ny ratsy Ary ny molony mba tsy hiteny fitaka; Ary aoka izy hiala amin'ny ratsy ka hanao soa; Aoka izy hitady fihavanana sy hanaraka azy.
  1 Petera 3:10-11fitiavanafiadananafiainana
• Jehovah ô, vonjeo ny fanahiko amin'ny molotra mandainga,
  Eny, amin'ny lela mamitaka.
  Salamo 120:2lahatenympanafakaaina
• Izay mandeha tsy misy tsiny ary manao izay mahitsy,
  sady misaintsaina ny marina ny fony;
  Tsy manendrikendrika amin'ny lelany,
  sady tsy manisy ratsy ny sakaizany,
  ary tsy manao izay hahafa-baraka ny namany.
  Salamo 15:2-3fahamarinanalafatrafitabatabana
• Dia arovy ny lelanao amin'ny ratsy
  ary ny molotrao mba tsy hiteny fitaka.
  Salamo 34:13lahatenyfaharatsianafahamarinana
• Ary hoy Izy: Izay mivoaka avy ao amin'ny olona, dia izany no mahaloto azy. Fa avy ao anatin'ny olona dia avy ao am-pony, no ivoahan'ny sain-dratsy, dia ny fijangajangana, ny halatra, ny vonoan-olona, ny fakam-badin'olona, ny fieremana, ny lolom-po, ny fitaka, ny fijejojejoana, ny maso ratsy, ny fitenenan-dratsy, ny avonavona, ny fahadalana: izany zava-dratsy rehetra izany no mivoaka avy ao anatin'ny olona ka mahaloto azy.
  Marka 7:20-23fahotanafanadiovanafakam-panahy
• Aza mifandainga ianareo, fa efa narianareo ny toetra taloha mbamin'ny asany; ary efa notafinareo ny toetra vaovao, izay havaozina ho amin'ny fahalalana tsara araka ny endrik'izay nahary azy.
  Kolosiana 3:9-10fiainanafiovam-pofiovana
• Raha hoy isika: Manana firaisana aminy isika, kanefa mandeha amin'ny maizina, dia mandainga isika ka tsy manao ny marina.
  1 Jaona 1:6fahotanafanaovana ny marinafahamarinana
• Izay mitahiry lolompo dia manana molotra mandainga,
  Ary izay mampiely endrikendrika dia adala.
  Ohabolana 10:18lahatenyfitabatabana
• Izay mandeha tsy misy tsiny no mandeha matoky;
  Fa izay maniasia amin'ny alehany dia fantatra.
  Ohabolana 10:9fahotanafilaminanafiainana
• Ny vavolombelona mahatoky tsy mba mety mandainga;
  Fa mamoaka lainga kosa ny vavolombelona tsy mahatoky.
  Ohabolana 14:5fahamarinanafitokisana
• Ny mpivadibadika mamafy ady;
  Ary ny mpibitsibitsika mampisaraka ny tena mpisakaiza.
  Ohabolana 16:28fanaovana ny marinafitabatabananamana
• Hianareo avy tamin'ny devoly rainareo, ka izay sitraky ny rainareo no tianareo hatao. Izy dia mpamono olona hatramin'ny taloha, ary tsy nitoetra tamin'ny marina, satria tsy misy marina aminy. Raha mandainga izy, dia ny azy no lazainy, satria mpandainga izy sady rain'ny lainga.
  Jaona 8:44satanafanirianafahamarinana
• Aza mamono olona, Aza mijangajanga, Aza mangalatra, Aza mety ho vavolombelona mandainga, Manajà ny rainao sy ny reninao, ary: Tiava ny namanao tahaka ny tenanao.
  Matio 19:18b-19lalànafitiavanaankohonana
• Ampanalaviro ahy ny zava-poana sy ny lainga;
  Aza manome ahy alahelo na harena;
  Fahano aho amin'izay anjara-hanina sahaza ho ahy.
  Ohabolana 30:8fitiavan-karenahaninavola
• Sambatra ianareo, raha haratsin'ny olona sy enjehiny ary asiany izay teny ratsy rehetra hitenenany lainga anareo noho ny amiko.
  Matio 5:11fitahianafanenjehanafaharatsiana
• Ny fankahalana ny ratsy no fahatahorana an'i Jehovah.
  Ny fiavonavonana sy ny fireharehana sy ny lalana ratsy
  Ary ny vava fandainga dia samy halako avokoa.
  Ohabolana 8:13fanajanafiavonavonanafaharatsiana
• Ary hoy Petera: Ry Ananiasy, nahoana Satana no nameno ny fonao handainga amin'ny Fanahy Masina ka hanafina ny vola sasany vidin'ny tany? Fony tsy namidy, tsy anao ihany va izy? Ary rehefa namidy, tsy anao hanaovanao izay sitraponao koa va? Nahoana no nisaina izany tao am-ponao ianao? Tsy nandainga tamin'olona ianao, fa tamin'Andriamanitra.
  Asan'ny Apostoly 5:3-4volafanaovana ny marinasatana
• Ny teny malemy dia hazon'aina;
  Fa ny vava ratsy mandratra ny fanahy.
  Ohabolana 15:4lahatenyFanahyfitabatabana
• Esory aminao ny vava mandainga,
  Ary ampanalaviro anao ny molotra mamitaka.
  Ohabolana 4:24lahatenyfahamarinana
• Ny teny jadona tsy tandrifiny halahatry ny adala,
  Koa mainka fa tsy tokony ho an'ny zanak'andriana ny molotra mandainga.
  Ohabolana 17:7fahendresenalahateny
• Ny molotry ny marina mahalala izay ankasitrahana;
  Fa ny vavan'ny ratsy fanahy dia feno fitaka.
  Ohabolana 10:32fahamarinanararinylahateny
• Izay mandehandeha manaratsy dia manambara ny hevitra afenina;
  Fa ny olona mahatoky tsy mba tia lazalaza.
  Ohabolana 11:13fitokisanalahatenyfitabatabana
• Andriamanitra tsy mba olona ka handainga, na zanak'olombelona ka hanenina; moa efa nilaza va Izy, ka tsy hefainy? na efa niteny va Izy, ka tsy hotoviny?
  Nomery 23:19Andriamanitrafitokisanafampanantenana
• Ka fantany fa tsy ny olona marina no nanaovana ny lalàna, fa ny mpandika lalàna sy ny maditra, dia ny tsy matahotra an'Andriamanitra sy ny mpanota, ny olona tsy manaja izay masina sy ny olona vetaveta, ny mpamono ray sy ny mpamono reny, ny mpamono olona, ny mpijangajanga, ny sodomita, ny mpangalatra olona, ny mpandainga, ny mpianian-tsy tò, ary na inona na inona manohitra ny fampianarana tsy misy kilema, araka ny filazantsaran'ny voninahitr'Andriamanitra finaritra, izay natolotra ho adidiko.
  1 Timoty 1:9-11lalànafahotanafiraisana ara-nofo