Bophelo (2/6)

Ke mang hara lona, ya bohlale, ya nang le tsebo? Ka boitshwaro… JAKOBO 3:13

SSO89

BIBELE

Ke mang hara lona, ya bohlale, ya nang le tsebo? Ka boitshwaro ba hae bo botle, a ke a bontshe hore mesebetsi ya hae e etswa ka boikokobetso bo dumellanang le bohlale.
JAKOBO 3:13 boikokobetšo bohlale mogopolo
Ipee matsohong a Morena;
o mo tshepe, ho tla sebetsa yena.
O tla etsa
hore ho loka ha hao ho kganye,
ho kganye jwaloka lesedi,
le ditokelo tsa hao
di kganye jwaloka letsatsi,
motsheare o moholo.
PESALEMA 37:5-6 tshepo boloki seetša
Ya ipatlelang bohlale
o rata bophelo ba hae,
ya nang le kelello,
katleho ke ya hae.
MAELE 19:8 bohlale mogopolo
Ka baka leo, le se ke la itshwenya ka la hosasane, hobane la hosasane le tla itshwenya ka tsa lona; letsatsi ka leng le lekanwa ke bothata ba lona.
MATHEU 6:34 go belaela go ikanya
Mang le mang ya ratang ho baballa bophelo ba hae bo tla mo senyehela, empa mang le mang ya senyehelwang ke bophelo ba hae ka baka la ka o tla bo rua.
MATHEU 16:25 phološo lehu
Ho se be ya o nyedisang ka baka la botjha ba hao, o mpe o iketse mohlala ho badumedi ka dipolelo, ka metsamao, ka lerato, ka tumelo le ka bohlweki.
1 TIMOTHEA 4:12 tumelo lerato
Etsang tsohle ntle ho pelaelo kapa ngangisano, e le hore le tle le hloke molato, le se ke la nyatseha, le be bana ba Modimo ba hlokang kodi, hara moloko ona o kgopo, o bolotsana, oo ho wona le kganyang jwaloka dinaledi sebakeng, ka ho o tlisetsa lentswe la bophelo.
BAFILIPI 2:14-16a kgalalelo Lentšu la Modimo go hloka bosodi
Lena ke lona letsatsi
le entsweng ke Morena;
a re nyakalleng,
re thabeng ke hona.
PESALEMA 118:24 tlholo lethabo
Ya qenehelang bophelo ba hae bo tla mo senyehela, athe ya senyehelwang ke bophelo ka baka la ka o tla bo fumana.
MATHEU 10:39 bophelo bjo bo sa felego tlaišego
Empa nna Modimo o a nthusa,
Morena ke mmaballi e moholo,
ke mmaballi wa bophelo ba ka.
PESALEMA 54:6 go ikanya setlabelo
Re tseba hore, mohla lephephe leo re phelang ho lona mona lefatseng le qhaqhollwang, lehodimong re na le lehae leo re le lokiseditsweng ke Modimo, ntlo e sa hahwang ke batho.
2 BAKORINTHE 5:1 mmele lehu legodimo
Pelo e tletse mano
ho feta dintho tsohle,
e senyehile
hoo e ke keng ya phekolwa,
ke mang ya ka e utlwisisang?
“Ke nna Morena ya lekolang dipelo,
mohopolo le wona o lekolwa ke nna.
Ke putsa motho
ho ya ka diketso tsa hae,
ho latela tholwana
tsa mesebetsi ya hae.”
JEREMIA 17:9-10 moputso pelo
Mora wa ka,
se lebale thuto ya ka,
pelong ya hao
melao ya ka o e boloke,
o tlo lelefaletswe matsatsi a hao,
lemo tsa kgotso di tle di o atele.
MAELE 3:1-2 molao pelo khutšo
O entse hore ntho e nngwe le e nngwe e lokele nako ya yona; o neile batho takatso ya ho tseba tsa kgale le tse tlang ho tla, empa ha ba na ho fihlela kutlwisiso ya seo Modimo a se entseng ho tloha tshimolohong ho isa qetellong.
MORUTI 3:11 tlholo kwešišo go ikanya
E mong o re: “Ke dumeletswe ka dintho tsohle,” empa hase ho re tsohle di na le molemo. E, ke dumeletswe ka dintho tsohle, empa ha nka ke ka laolwa le ke e le nngwe ya tsona.
1 BAKORINTHE 6:12 boineelo ditumo boloki
Seo lerato la Modimo le bonahaditsweng ka sona ho rona ke sena: Modimo o ile a romela Mora wa hae ya inotshi lefatsheng, hore re tle re phele ka yena.
1 JOHANNE 4:9 lerato Jesu lefase
Ho nna, bophelo ke Kreste, mme lefu le molemo ho feta.
BAFILIPI 1:21 Jesu lehu
Qamaka ka hloko
moo o hatang teng,
tsela tsohle tsa hao di tle di tsitse.
MAELE 4:26 dikgopolo
Mohau wa hao o molemo
ho feta bophelo,
molomo wa ka o tla o rorisa.
Ke tla o boka ha ke ntse ke phela,
ke phahamise matsoho a ka,
ke a phahamisetse ho wena.
PESALEMA 63:4-5 lerato go direla/hlankela tumišo
Ho lehlohonolo motho ya mamellang teko, hobane ha a se a amohelehile, o tla fumana mofapahlooho wa bophelo, oo Morena a o tshepisitseng ba mo ratang.
JAKOBO 1:12 moputso moleko
Haeba re phela ka Moya, a re keng re tsamaiswe ke Moya.
BAGALATA 5:25 Moya wa Modimo go latela
Jesu a re ho yena: “Ke nna tsela, le nnete, le bophelo; ha ho ya ka tlang ho Ntate haese ka nna.”
JOHANNE 14:6 nnete Ntate mmoelanyi
Tshepo e sa phethahaleng
e nyahamisa pelo,
takatso tse phethahatswang
di ka fate sa bophelo.
MAELE 13:12 kholofelo pelo bolwetši
Ka baka leo, ke re ho lona: Le se ke la itshwenya ka bophelo ba lona, hore na le tla jang, kapa le tla nwang, leha e le ka mmele ya lona, hore na le tla aparang. Ana bophelo ha bo fete dijo, le mmele ha o fete diaparo ka bohlokwa na?
MATHEU 6:25 dijo go belaela bobotse
Le lesedi la lefatshe. Motse o hahilweng hodima thaba o sitwa ho pateha.
MATHEU 5:14 boloki boebangedi seetša