Ditemana tša Bibele tša go bolela ka Mpe

«»

• O se ke wa hlolwa ke bobe, o mpe o hlole bobe ka botle.
  BAROMA 12:21botsego hlolamedimo e šele
• Morena o tla o sireletsa,
  a o sireletse bobeng bohle,
  a baballe bophelo ba hao.
  Morena o tla o lebela
  ha o eya le ha o kgutla,
  ho tloha jwale le kamehla yohle.
  PESALEMA 121:7-8kholofelobophelo
• Hlomelang ka dihlomo tsohle tsa Modimo, hore le tle le tsebe ho qhela maraba a Diabolosi.
  BAEFESE 6:11setlabelotšhireletšomedimo e šele
• Ha re lwane le motho wa nama le madi, empa re lwana le meya e busang, le e laolang, le e renang hodima lefatshe lena la lefifi, e leng meya e kgopo, e sebakeng.
  BAEFESE 6:12Moya wa Modimolegodimoboitshwaro
• Bana beso, ke a le rapela hore le fadimehele ba bakang dikarohano, ba le kgelosang thutong eo le ithutileng yona. Le ba sesefe.
  BAROMA 16:17kgalalelosetšhabakereke
• A re: “Se tswang ka ho motho ke sona se mo silafatsang, hobane ke kahare, dipelong tsa batho, moo ho tswang mehopolo e mebe: bohlola, boshodu, dipolao, le bofebe, meharo, bokgopo, thetso, mekgwa e hlabisang dihlong, mona, ketseletso, boikgantsho, le bothoto. Dintho tsena tsohle tse mpe di tswa kahare, mme di silafatsa motho.”
  MAREKA 7:20-23sebetlhwekišomoleko
• Ho tshaba Morena
  ke ho hloya bobe,
  ke hloile boikgohomoso,
  ke hloile le boikakaso,
  boitshwaro bo bobe le leshano
  le tsona ke di hloile.
  MAELE 8:13tlhomphoboikgokgomošogo sekama
• Ke nnete, lona le ne le ntheretse bokgopo, empa Modimo o ile a bo fetola molemo, e le hore a tle a etse jwalokaha a entse kajeno, a pholose setjhaba se sengata.
  TŠIMOLOHO 50:20Modimobophelo
• Hlokomelang hore ho se be ya busetsang bobe ka bobe, mme kamehla le pheelle ho etsetsana tse molemo, le ho di etsetsa bohle.
  1 BATHESALONIKA 5:15go hloka bosodiboloki
• Ha le halefile le se ke la etsa sebe; letsatsi le se ke la le dikella le ntse le halefile. Le se ke la fa Diabolosi monyetla.
  BAEFESE 4:26-27sebepefelodiabolo
• Hlahlobang tsohle, le boloke tse ntle, mme le sesefe bobe ba mofuta ofe kapa ofe.
  1 BATHESALONIKA 5:21-22kwešišoporofeto
• O se ipone o le bohlale,
  tshaba Morena, o sesefe bobe.
  O tla phela hantle mmeleng,
  masapo a hao a tiye.
  MAELE 3:7-8tlhomphotšhegofatšomaphelo
• Lerato le hloke boikaketsi. Hloyang bobe, kgomarelang botle.
  BAROMA 12:9leratobotse
• Lona ba ratang Morena,
  hloyang bokgopo,
  o baballa bophelo
  ba batshepuwa ba hae,
  o ba namolela
  matsohong a ba kgopo.
  PESALEMA 97:10potegomolopoloditokologo
• Furalla bobe, o etse botle;
  batla kgotso, o e pheelle.
  PESALEMA 34:15botsekhutšomedimo e šele
• Ha ke rapele hore o ba tlose lefatsheng, empa e le hore o ba sireletse ho E Mobe.
  JOHANNE 17:15polokegommoelanyilefase
• Lehloyo le fehla moferefere,
  athe lerato lona
  le iphapanyetsa diphoso tsohle.
  MAELE 10:12leratopefelo
• Morena o tla nne a ntopolle mesebetsing yohle e kgopo, a mpholose, a nkise Mmusong wa hae wa lehodimo. Tlotla e ke e be ho yena kamehla le mehla. A ho be jwalo!
  2 TIMOTHEA 4:18tšhireletšolegodimogo direla/hlankela
• Morena wa mabotho o bua tjena: ‘Ahlolelanang ka toka, le be mosa, mme le utlwelane bohloko. Le se ke la hatella mohlolohadi, leha e le kgutsana, moditjhaba kapa mofutsana. Motho a se ke a rerela ngwanabo bokgopo.’
  SAKARIEA 7:9-10bolokimoagišanebonolo
• Matlafatsa mehato ya ka
  ho ya ka tshepiso ya hao,
  o se dumelle hore ke buswe ke bobe.
  PESALEMA 119:133sebego lateladiabolo
• Itlhatsweng, le itlhwekise,
  tlosang ketso tsa lona
  tse kgopo mahlong a ka,
  le kgaotse ho etsa bokgopo.
  ESAEA 1:16sebetlhwekišo
• O re phemise ho kena molekong,
  o mpe o re lopolle bobeng,
  hobane Mmuso ke wa hao,
  le matla, le tlotla,
  kamehla le mehla. Amen.
  MATHEU 6:13molekoditumotšhireletšo
• Lesedi le kganya lefifing, empa lefifi ha le a ka la le hlola.
  JOHANNE 1:5go hlolaseetša
• Sefahleho sa Morena se sosobane,
  se sosobanetse ba etsang bobe,
  hore a ba hlakole lefatsheng,
  ba se hlole ba hopolwa.
  PESALEMA 34:17sebe
• Ka baka leo, le lahle tsohle tse manyala le bokgopo bo fetisisang, mme ka boikokobetso le amohele lentswe la Modimo le jetsweng ka dipelong tsa lona, le nang le matla a ho le pholosa.
  JAKOBO 1:21phološoLentšu la Modimotshokologo