Intsikelelo (4/4)

Yonke imimiselo nemiyalelo yakhe endininike yona namhlanje yithobeleni, khon' ukuze liqaqambe ikamva… UHLAZIYO-MNQOPHISO 4:40

XHO96

Yonke imimiselo nemiyalelo yakhe endininike yona namhlanje yithobeleni, khon' ukuze liqaqambe ikamva lenu nezizukulwana zenu. Ngaloo ndlela ke niya kuma ngonaphakade kweli lizwe aniphe lona uNdikhoyo uThixo wenu.
UHLAZIYO-MNQOPHISO 4:40 umthetho ukuthobela ubomi
Akwaba bebeya kusoloko benezimvo ezinje! Akwaba bebeya kuhlala bendihlonipha bayithobele imiyalelo yam, khon' ukuze balungelwe bona nezizukulwana zabo naphakade.
UHLAZIYO-MNQOPHISO 5:29 umthetho ukuthobela abantwana
Wawuthamsanqelisa umhla wesixhenxe, wawumisa wangumhla okhethekileyo, kuba ngaloo mhla wayeselegqibile ukudala.
EYEZIQALO 2:3 indalo isabatha
Ngoko ke bazila ukutya bathandaza, bababeka izandla, baza babandulula.
UMSEBENZI WABATHUNYWA 13:3 umthandazo ukuzila ukutya
Ninoyolo nina xa bathe abantu baningcikiva ngenxa yam, benitshutshisa, bethetha zonke izinto ezikhohlakeleyo ngani bexoka.
UMATEWU 5:11 intshutshiso ububi ukuhleba
UThixo ke esimisele isiCaka sakhe wasithumela kuni kuqala, ukuze anenzele inceba niguquke kwinkohlakalo yenu.
UMSEBENZI WABATHUNYWA 3:26 uvuko UYesu uguqulo
Kodwa ukuba niyayilungisa ngenene ihambo yenu, ngokunjalo nezenzo zenu, naza nenza ubulungisa omnye komnye, ningabacinezeli abangeneleli, okanye iinkedama nabahlolokazi, ningaphalazi igazi elimsulwa apha, ningazenzakalisi ngokunqula izithixo, mna ndonizinzisa kule ndawo ingumhlaba endawabela ooyihlo ukuba bawume ngonaphakade.
UJEREMIYA 7:5-7 uguqulo abahlolokazi iinkedama
Wabathamsanqelisa uThixo wathi: “Yandani, inzala yenu ilizalise ilizwe, nilongamele. Ndininika igunya phezu kweentlanzi, iintaka, nazo zonke izilo elizweni.”
EYEZIQALO 1:28 indalo umhlaba ukuba nesiqhamo
Hayi, ndabayalela ndisithi: ‘Liphulaphuleni ilizwi lam, khon' ukuze ndibe nguThixo wenu, nina nibe ngabantu bam. Ewe, hambani ngendlela yonke endinimisele yona, nize nilungelwe.’
UJEREMIYA 7:23 ukuthobela
Ngokwenjenjalo ke uNdikhoyo uThixo wethu wasiyalela ukuba siyithobele le mimiselo simhlonele, size ke silungelwe bonke ubomi bethu, siphile njengokuba kunjalo namhlanje.
UHLAZIYO-MNQOPHISO 6:24 ukuthobela umthetho
Banoyolo abo bazilahlela kuThixo, kuba balawulwa nguThixo bona!
UMATEWU 5:3 ukuthobeka ubukumkani izulu