Ditemana tša Bibele tša go bolela ka Go ikanya
- Hoba ke nna Morena,
Morena Modimo wa hao,
ya utlang tsoho la hao le letona,
ya reng: ‘Se tshabe,
nna ke tla o thusa.’ - Tshepa Morena
ka pelo ya hao yohle,
o se ke wa tshepa bohlale ba hao.
Kenya Morena mererong ya hao,
mo kenye ho yona yohle,
tsela tsa hao a tla di otlolle. - Motho o itherela tsela ya hae,
empa ke Morena ya mo tataisang. - Leha mmele wa ka
le pelo ya ka di ka fela,
Modimo ke lefika la ka
le kabelo ya ka kamehla. - Mahlo a ka a tadima dithabeng;
ekaba thuso ya ka e tla tswa kae?
Thuso ya ka e tswa ho Morena,
ya entseng mahodimo le lefatshe. - Merero e mengata
ka pelong ya motho,
empa wa Morena
wona o hlola kamehla. - Ke nna sefate sa morara, lona le makala. Ya dulang ka ho nna, le nna ka ho yena, o beha ditholwana tse ngata, hobane ntle ho nna le ke ke la etsa letho.
- O matlafatsa ba tepeletseng,
ba kgathetseng
o ba tsosa molota. - Ha ke rialo ka baka la ho hloka, hobane ke ithutile ho kgotsofalla boemo boo ke leng ho bona.
- Ka baka leo, le se ke la itshwenya ka la hosasane, hobane la hosasane le tla itshwenya ka tsa lona; letsatsi ka leng le lekanwa ke bothata ba lona.
- A ke ke a tlohela leoto la hao,
a le tlohella ho thella,
molebedi wa hao a ke ke a otsela. - Morena ke modisa wa ka,
ha ke hloke letho.
o nkatla makgulong a matala,
o nkisa pela metsi
moo ke tla phomola teng. - Kamehla
ke ntse ke hopotse Morena,
hobane o ka tsohong la ka
le letona,
nke ke ka sisinngwa. - Utlwanang ka ho tlala, le se ke la ikakasa, empa le be metswalle ya ba eisehang. Le se ke la ipona bohlale.
- Haeba e se Morena
ya hahang ntlo,
ba e hahang ba sebeletsa lelea.
Haeba e se Morena
ya lebelang motse,
ya o lebelang o fadimehela lefeela. - Morena o tla le lwanela, lona le ntse le itholetse!
- Hlohonolo la Morena
le entsha motho,
ha ho maswabi ao le a tlisang. - Moo ke reng:
“Leoto la ka le a thella,”
mohau wa hao
o a ntshehetsa, Morena. - Ha ke ne ke patisitswe,
ka ipiletsa ho Morena;
Morena a nkarabela, a ntokolla. - Mohla tsatsi la thabo
nyakalla le wena,
mohla tsatsi la mahlonoko
ako hopole sena:
Matsatsi ana, bobedi,
a entswe ke Modimo;
kahoo tsa kamoso
motho a ke ke a di tseba. - Empa nna ke mang? Tjhaba sa ka sona ke eng, hoo re ka ithaopelang ho fana hakaalekaale? Tsohle ke tsa hao, mme tseo re faneng ka tsona di tswa ho wena.
- Ako mpaballe Modimo,
hobane ke tshabela ho wena. - Ba laolwang ke botho ba sitwa ho kgahlisa Modimo.
- Hase ka sabole ba hapileng naha eo,
leha e le ho hlola
ka matsoho a bona;
empa e bile
ka tsoho la hao le letona,
le ka sefea sa hao,
le ka ho ba phuthollela
fahleho sa hao,
hobane o ne o ba rata. - Oho, Morena, Modimo wa mabotho,
ako boele o re tsose,
o re bontshe sefahleho
se kganyang kgotso,
re tle re pholohe.
Dihlogotaba tša go tswalana
Bophelo
Morena o tla o...
Tšhireletšo
Hlomelang ka dihlomo tsohle...
Tshepo
Tshepa Morena ka pelo...
Setlabelo
A re hlokomelaneng, mme...
Modimo
Morena Modimo wa hao...
Maatla
O se ke wa...
Temana ya Bibele ya lehono
Tloong,a re itiheleng maotong a hae,
re itihele ka hlompho,
re weng ka mangwele
kapele ho Morena,
Morena, Mmopi wa rona.