Ditemana tša Bibele tša go bolela ka Kwešišo
- Ipiletse ho nna, mme ke tla o araba, ke o bolelle dintho tse kgolo, tse matla, tseo wena o sa di tsebeng.
- Jwalokaha tsela ya moya
o sa e tsebe,
kapa popeho ya ngwana
ka popelong,
o ke ke wa tseba
mesebetsi ya Modimo,
e leng yena ya entseng tsohle. - Ya diehang ho halefa
o na le kutlwisiso,
athe sefelapelwana
se bontsha bothoto. - Bo kahodimo ho tsohle,
iphumanele bona,
ka tsohle tseo o nang le tsona,
o bo reke, o iphumanele kutlwisiso. - Ke tla o ruta, ke o bontshe tsela;
ke tla o eletsa, ke o bee leihlo. - Motho o bona tsela tsohle tsa hae,
o di bona di nepahetse,
empa Morena ke yena
ya lekolang pelo. - Re habile tse sa bonweng, e seng tse bonwang, hobane tse bonwang ke tsa mehla ya jwale, empa tse sa bonweng ke tsa mehla e sa feleng.
- Ke kopa Modimo wa Morena wa rona Jesu Kreste, Ntate ya tlotlehang, hore a ke a le fe moya wa bohlale o le senolelang yena, le tle le mo tsebe.
- Merero e mengata
ka pelong ya motho,
empa wa Morena
wona o hlola kamehla. - Hlahlobang tsohle, le boloke tse ntle, mme le sesefe bobe ba mofuta ofe kapa ofe.
- Qaqiso ya mantswe a hao e a edisa,
ba hlokang mano
e ba nea kutlwisiso. - Jesu a ba tadima, a re ho bona: “Hona ho sita batho, empa Modimo ha a sitwe ke letho.”
- Jwalokaha lehodimo
le phahametse lefatshe,
tsela tsa ka le tsona
di phahametse tsa lona,
le mehopolo ya ka
e phahametse ya lona. - Na ha le tsebe,
kapa ha le eso utlwe?
Morena ke Modimo
wa kamehla yohle,
ke yena Mmopi wa lefatshe lohle.
A ke ke a kgathala kapa a tepella,
mehopolo ya hae
e ke ke be ya fihlelwa. - Le hoja re le batho, ha re lwanele tsa botho.
- Le mpe le hole mohaung le tsebong ya Jesu Kreste, Morena le Mopholosi wa rona. Ho yena e be tlotla jwale le kamehla yohle. A ho be jwalo!
- Ho madimabe
ya tsekisanang le Mmopi wa hae,
yena e leng lengetana
hara mangetana!
Na letsopa
le ka re ho sebopi sa lona:
‘O etsang?’
Na mosebetsi wa hao o ka re:
‘Ha o na tsebo’? - Borui, le bohlale,
le tsebo ya Modimo
di kaakang!
Dikahlolo tsa hae
di ka hlaloswa jwang!
Ditsela tsa hae
di ka utlwisiswa jwang! - Ho lehlohonolo
ya iphumanetseng bohlale,
ya bileng a fihletseng kutlwisiso. - Iphumanele bohlale,
iphumanele kutlwisiso,
se lebale polelo tsa ka,
o se di kgelohe. - Ho se be motho, eo ekareng ha a le molekong, a re: “Ke lekwa ke Modimo.” Modimo ha a lekwe ke bobe, mme le yena ha a leke motho le ya mong.
- Ke entse jwalo hore dipelo tsa bona di tshedisehe, di kopane mmoho ka lerato, ba tle ba rue tsebo e tletseng, e tlisang kutlwisiso ya sephiri sa Modimo, e leng Kreste.
- Jesu a araba, a re ho yena: “Kannetenete, ke a o bolella, ha motho a sa tswalwe botjha, a ke ke a bona Mmuso wa Modimo.”
- Mahlong a hao dilemo tse sekete
di ka letsatsi la maobane
le seng le fetile,
di ka nakwana ya bosiu. - Jwale ha ho sa le Mojuda kapa moditjhaba, ha ho sa le lekgoba kapa molokollwa, ha ho sa le monna kapa mosadi, hobane lona bohle le ntho e le nngwe ho Kreste Jesu.
Dihlogotaba tša go tswalana
Bohlale
Ke Morena ya fanang...
Modimo
Morena Modimo wa hao...
Tlholo
Tshimolohong Modimo o ne...
Jesu
Jesu a ba tadima...
Boloki
Ya thahasellang ho loka...
Dikgopolo
Ntlhahlobe, Modimo, o tsebe...
Temana ya Bibele ya lehono
Tloong,a re itiheleng maotong a hae,
re itihele ka hlompho,
re weng ka mangwele
kapele ho Morena,
Morena, Mmopi wa rona.