- Isithunywa ke sathi kuye: “Musa ukoyika, Mariya, kuba uThixo ukwenzela isisa. Uyabona, uza kumitha, uzale unyana, umthiye igama elinguYesu.”
- UNdikhoyo utsho ukuthi:
“Mna ndingulowo ukuthuthuzelayo;
ngani ke ukuba woyike umntu –
into evuthuluka njengengca?” - Nokuba ndingade ndingqongwe ngumkhosi,
andiyi kuba naluvalo konke.
Nokuba ndirhawulwe yimfazwe,
ndiya kuthembela ngoNdikhoyo. - Hayi ubuhle bezinto ozigcinele abo bakuhlonelayo, Ndikhoyo;
zintle kambe izinto ozenzela abo bakholose ngawe! - Musani ukuboyika abo banibulala ngokwasenyameni, kodwa bengenako ukubulala umphefumlo. Yoyikani uThixo, yena onako ukutshabalalisa umphefumlo kwanomzimba esihogweni.
- Iintakana ezincinci azithengiswa zibe ntlanu na ngeesenti ezimbini? Kanti akukho nanye kuzo elityelweyo nguThixo. Kwaneenwele ezi zeentloko zenu zibaliwe zonke. Ke musani ukoyika: nixabisekile kuneentakana ezininzi nina.
- Isithunywa ke sathi kubo: “Musani ukoyika; kaloku ndinizisele iindaba ezimnandi zovuyo olukhulu oluya kuba kubo bonke abantu.”
- Kusenokwenzeka ukuba ubutyebi bomntu bube yintlawulo yobomi bakhe;
kanti ke lona ihlwempu alazani nokugrogriswa. - Amasiko eentlanga angamampunge nje.
Bagawula umthi ehlathini,
ziwuqingqe ngesixholo iingcibi,
uhonjiswe ngesiliva nangegolide,
ubethelelwe ngezikhonkwane ukuze ungagungqi.
Oothixo abanjalo bafana nonomgogwana
oxhonywe entsimini yentyabontyi:
abakwazi kuthetha,
bayathwalwa kuba abakwazi kuhamba.
Musani ukuboyika:
akukho nto imbi banganenza yona,
kungekho nanto banokunceda ngayo.
Izihloko ezinxulumeneyo
Thembela
Kholosa ngoNdikhoyo ngomxhelo wakho...
Isibindi
NguNdikhoyo ngokwakhe oza kunikhokela...
Ukhuthazo
NguNdikhoyo ngokwakhe oza kunikhokela...
Ukukhathazeka
Sanukuba naxhala; kodwa iintswelo...
uThixo
UNdikhoyo uThixo wakho unawe...
Ukukhuselwa
Nxibani sonke isikrweqe eninokusifumana...