IZwi likaNkulunkulu (2/3)

Wena unginikile isihlangu sensindiso yakho, isandla sakho sokunene singisekele, nobumnene bakho bungikhulisile… AmaHubo 18:35-36

ZUL59

Wena unginikile isihlangu sensindiso yakho,
isandla sakho sokunene singisekele,
nobumnene bakho bungikhulisile.
Amabanga okunyathela kwami uwandisile;
amaqakala ami awaxegi.
AmaHubo 18:35-36 insindiso ukuvikela
Uma nihlala kimi, namazwi ami ehlala kini, niyakucela enikuthandayo, nikwenzelwe.
NgokukaJohane 15:7 umvuzo UJesu
Yona ethi ingukumenyezela kwenkazimulo yakhe, ifuze yena uqobo, iphasa konke ngezwi lamandla ayo, isiyenzile ukuhlanzwa kwezono, yahlala ngakwesokunene soMkhulu kweliphezulu.
KumaHeberu 1:3 isibi ukuhlanzwa
Onke amazwi kaNkulunkulu acwebile;
uyisihlangu kwabaphephela kuye.
IzAga 30:5 iqiniso ukuvikela
Ndodana yami, lalela amazwi ami,
ubeke indlebe yakho kukho ukukhuluma kwami.
Makungachezuki emehlweni akho,
ukugcine phakathi kwenhliziyo yakho.
IzAga 4:20-21 ukulalela inhliziyo ukulalela umthetho
Izwi likaKristu alihlale phakathi kwenu, livame, nifundisane ngokuhlakanipha konke, niyalane ngamahubo, nangezihlabelelo, nangamaculo okomoya, nimhubele uNkulunkulu ezinhliziyweni zenu ngokubonga.
KwabaseKolose 3:16 ukufunda khulekela ukubonga
Indlela kaNkulunkulu iphelele;
izwi likaJehova lihlanzekile;
yena uyisihlangu kubo bonke abaphephela kuye.
2 uSamuweli 22:31 ongenasici ukuvikela
Enhliziyweni yami ngiyalonda izwi lakho,
ukuze ngingoni kuwe.
AmaHubo 119:11 inhliziyo isibi
Ngokuba umbhalo uthi: “Lowo okholwayo akayikujabhiswa.”
KwabaseRoma 10:11 inkolo thembekile
Amazwi akho onke ayiqiniso;
zonke izahlulelo zakho ezilungileyo
zimi kuze kube phakade.
AmaHubo 119:160 thembekile umthetho
Senizelwe kabusha kungengambewu ephelayo kodwa ngengapheliyo, ngezwi eliphilileyo nelimiyo likaNkulunkulu.
1 kaPetru 1:23 ukuzalwa kabusha
Ngiyalindela uJehova,
umphefumulo wami uyalinda;
ngiyalethemba izwi lakhe.
AmaHubo 130:5 ngiyethemba umphefumulo
Wathuma izwi lakhe, wabaphilisa,
wabakhulula emathuneni abo.
AmaHubo 107:20 ukuphulukisa
Umthetho kaJehova uphelele,
uvusa umphefumulo;
ukufakaza kukaJehova kuqinisile,
kuhlakaniphisa oyisiwula.
AmaHubo 19:7 umthetho umphefumulo inhlakanipho
Ngalokho thana kubo: ‘Isho kanje iNkosi uJehova, ithi: Akusayikulitshaziswa zwi, kepha izwi engiyakulikhuluma liyakwenzeka, isho iNkosi uJehova.’
UHezekeli 12:28 thembekile ukulalela umthetho
Futhi-ke ohlwanyelwe emeveni nguye olizwa izwi, kepha iminako yalesi sikhathi nokukhohlisa kwengcebo kuminyanisa izwi, abe ngongatheliyo.
NgokukaMathewu 13:22 ukukhathazeka imali isilingo
Zuza ukuhlakanipha, zuza ukuqonda;
ungakhohlwa, ungachezuki emazwini omlomo wami.
IzAga 4:5 inhlakanipho ukuqonda ukulalela umthetho
Uthembekile yena onibizayo, oyakukwenza futhi.
1 kwabaseThesalonika 5:24 ubizo ukwethembeka izethembiso
Yizwa, ndodana yami,
wamukele izwi lami;
kuyakuthi iminyaka yokuphila kwakho ibe miningi.
IzAga 4:10 ukulalela umthetho umthetho ukuphila
Nina senihlanzekile ngezwi engilikhulume kinina.
NgokukaJohane 15:3 ukuhlanzwa ukukhuluma okubi
Konke kwavela ngaye; ngaphandle kwakhe akuvelanga lutho kukho konke okuvelileyo.
NgokukaJohane 1:3 indalo ukuphila
Ngokuba ngiqinisile ngithi kini: Kuze kudlule izulu nomhlaba, akusoze kwadlula gamana linye nasicashana sinye somthetho, kuze kufezeke konke.
NgokukaMathewu 5:18 thembekile umthetho izulu
Khona uJesu wabaphendula wathi: “Imfundiso yami akusiyo eyami kodwa ngeyongithumileyo.”
NgokukaJohane 7:16 UJesu ukufunda
Likholekile leli zwi lokuthi: Ngokuba uma safa naye, siyakuphila naye futhi.
2 kuThimothewu 2:11 ukufa ukuphila okungunaphakade thembekile
Angichezukanga emyalweni wezindebe zakhe;
ngizibekele amazwi akhe kunezimiso zami.
UJobe 23:12 umthetho ukukhuluma ukulalela umthetho