Uthando (3/5)

UJehova unobubele nesihawu; wephuza ukuthukuthela, kuvama umusa. AmaHubo 103:8

ZUL59

UJehova unobubele nesihawu;
wephuza ukuthukuthela, kuvama umusa.
AmaHubo 103:8 umusa ukubekezela
Emini uJehova uyaleza umusa wakhe;
ebusuku isihlabelelo sakhe sikimi,
ngikhuleke kuNkulunkulu wokuphila kwami.
AmaHubo 42:8 khulekela umkhuleko
Ngalokho nengezela inkuthalo yonke nelekele ubuhle ekukholweni, nasebuhleni ukwazi, nasekwazini ukuzithiba, nasekuzithibeni ukukhuthazela, nasekukhuthazeleni ukumesaba uNkulunkulu, nasekumesabeni uNkulunkulu ukuthanda abazalwane, nasekuthandeni abazalwane uthando.
2 kaPetru 1:5-7 inkolo okuhle ukuzithiba
Noma ngabela abampofu konke enginakho, noma nginikela umzimba wami ukuba ushiswe, kepha ngingenalo uthando, akungisizi ngalutho.
1 kwabaseKorinte 13:3 inhlupheko ukupha ukuziqhenya
Ungazondi umfowenu enhliziyweni yakho; ungamkhuza nokumkhuza umakhelwane wakho, kepha ungabi nasono ngaye.
Ungaphindisi, ungabi namagqubu nabantwana babantu bakho, kepha wothanda umakhelwane wakho njengalokhu uzithanda wena; nginguJehova.
ULevitikusi 19:17-18 ubumnene intukuthelo umakhelwane
Ngokuba umusa wakho umnandi kunokuphila;
izindebe zami ziyakukudumisa.
Ngiyakukubonga ngisaphila;
ngiyakuphakamisa izandla zami egameni lakho.
AmaHubo 63:3-4 ukuphila khulekela indumiso
Kepha wena muntu kaNkulunkulu, balekela lezo zinto; jonga ukulunga, nokumesaba uNkulunkulu, nokukholwa, nothando, nokubekezela, nobumnene.
1 kuThimothewu 6:11 inkolo ukulunga
Nihambe othandweni, njengalokho uKristu wanithanda, wazinikela ngenxa yethu, abe ngumnikelo nomhlatshelo, abe yiphunga elimnandi kuNkulunkulu.
Kwabase-Efesu 5:2 umhlatshelo UJesu
Nanti izwi enalizwayo kwasekuqaleni lokuba sithandane.
1 kaJohane 3:11 umthetho umakhelwane
Lapho ngithe unyawo lwami luyashelela,
umusa wakho, Jehova, wangiphasa.
AmaHubo 94:18 thembekile ukuncika
Bathandekayo, uma uNkulunkulu wasithanda kanjalo, nathi simelwe ukuthandana.
1 kaJohane 4:11 UNkulunkulu umphakathi
Malume njalo uthando lobuzalwane. Ningakhohlwa ukungenisa izihambi ngokuba ngalokho abanye bangenisa izingelosi bengazi.
KumaHeberu 13:1-2 ubumnene umakhelwane izingelosi
Saphendula sathi: “Woyithanda iNkosi uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho, nangayo yonke ingqondo yakho, nomakhelwane wakho njengalokhu uzithanda wena.”
NgokukaLuka 10:27 umthetho ukulalela umthetho
“Yebo, izintaba zingamuka, namagquma angasuswa,
kepha umusa wami awuyikumuka kuwe,
nesivumelwano sami sokuthula asiyikususwa,”
usho uJehova okuhawukelayo.
U-Isaya 54:10 ukuthula thembekile isivumelwano
Bathandekayo, masithandane, ngokuba uthando luvela kuNkulunkulu, nabo bonke abathandayo bazelwe nguNkulunkulu, bayamazi uNkulunkulu.
1 kaJohane 4:7 umakhelwane ubungani ukuzalwa kabusha
Ningathandi izwe nezinto ezisezweni. Uma umuntu ethanda izwe, uthando lukaYise alukho kuye.
1 kaJohane 2:15 isibi UBaba umhlaba
Ngininika umyalo omusha wokuba nithandane; njengalokhu nginithandile, nani nithandane.
NgokukaJohane 13:34 umthetho umakhelwane
Uma ningithanda, niyakugcina imiyalo yami.
NgokukaJohane 14:15 umthetho UJesu
Ngokuba umusa wakho mkhulu kuze kube sezulwini,
nokuthembeka kwakho kuze kube semafwini.
AmaHubo 57:10 thembekile
Kepha kukho konke lokho siyanqoba nokunqoba ngowasithandayo.
KwabaseRoma 8:37 ukunqoba UNkulunkulu
Ngokuba wena, Nkosi, umuhle, ungothethelelayo,
unomusa omkhulu kubo bonke abakhala kuwe.
AmaHubo 86:5 thembekile intethelelo
Onemiyalo yami ayigcine, nguyena ongithandayo; ongithandayo uyakuthandwa nguBaba, nami ngiyakumthanda, ngizibonakalise kuye.
NgokukaJohane 14:21 umthetho UBaba
Siyazi ukuthi kwabamthandayo uNkulunkulu konke kusebenzelana kube ngokuhle, kulabo ababiziweyo ngecebo lakhe.
KwabaseRoma 8:28 UNkulunkulu ubizo
Kepha uNkulunkulu ecebile ngesihawu, ngenxa yothando lwakhe olukhulu asithanda ngalo, sesifile ngeziphambeko, wenza siphile kanye noKristu – kungomusa nisindisiwe.
Kwabase-Efesu 2:4-5 isihe UJesu umusa
Uthando lukaNkulunkulu lwabonakaliswa kithi ngalokho ukuthi uNkulunkulu wathumela ezweni iNdodana yakhe ezelwe yodwa ukuba siphile ngayo.
1 kaJohane 4:9 UJesu ukuphila umhlaba