Saturday, October 31, 2015
Se ke wa re:“Ke hobaneng ha tshiu tsa kgale
di bile molemo ho feta tsa kajeno?”
Ho botsa potso ena
ke ho hloka bohlale.
Friday, October 30, 2015
Leha fate sa feiyese ke ke sa fupa,
kapa fate sa morara sa se ke sa beha;
leha mohlwaare
o ke ke wa beha ditholwana,
kapa kotulo ya eba siyo masimong;
leha masaka a dikgutswane a ka oma,
kapa masaka a dikgomo
a mela mohlwa,
nna ke tla nne ke ithabelle Morena,
ke nyakallele Modimo,
Mopholosi wa ka.
Thursday, October 29, 2015
Lona bana ba ka, le ba Modimo, mme le hlotse baporofeta bao, hobane ya nang le lona o moholo ho feta ya nang le lona o moholo ho feta ya nang le ba lefatshe.Wednesday, October 28, 2015
Tshepo e sa phethahalenge nyahamisa pelo,
takatso tse phethahatswang
di ka fate sa bophelo.
Tuesday, October 27, 2015
Tsoha, phatsima,hobane sedi la hao le tlile,
tlotla ya Morena
e phatsima hodima hao.
Monday, October 26, 2015
Ha ho le jwalo, mang le mang ya utlwang dipolelo tsena tsa ka, a di phetha, o tla tshwantshwa le motho ya bohlale, ya ileng a haha ntlo ya hae hodima letlapa.Sunday, October 25, 2015
Motho o itherela tsela ya hae,empa ke Morena ya mo tataisang.
Saturday, October 24, 2015
Ka boikokobetso bohle, le bonolo, le boiphapanyo, le ka ho mamellana ka lerato.Friday, October 23, 2015
Ho madimabeya tsekisanang le Mmopi wa hae,
yena e leng lengetana
hara mangetana!
Na letsopa
le ka re ho sebopi sa lona:
‘O etsang?’
Na mosebetsi wa hao o ka re:
‘Ha o na tsebo’?
Thursday, October 22, 2015
Ke Morena ya fanang ka bohlale,tsebo le kutlwisiso di tswa ho yena.
Wednesday, October 21, 2015
Hlokomelang hore ho se be ya busetsang bobe ka bobe, mme kamehla le pheelle ho etsetsana tse molemo, le ho di etsetsa bohle.Tuesday, October 20, 2015
Eyang ke hona le ditjhaba tsohle, le di etse barutuwa, le ba kolobetse ka lebitso la Ntate, le la Mora, le la Moya o Halalelang, le ba rute ho boloka tsohle tseo ke le laetseng tsona. Bonang, ke na le lona kamehla yohle ho isa bofelong ba lefatshe.Monday, October 19, 2015
Ke o batla ka pelo ya ka yohle;se ntumelle ho kgeloha,
ho kgeloha melao ya hao.
Sunday, October 18, 2015
Rona bohle, jwaloka seiponeng, re bonahatsa tlotla ya Morena ka difahleho tse kgurumolotsweng, mme yona tlotla eo, e tswang ho Morena e leng Moya, e re fetola hore re tshwane le yena; re ntse re atelwa ke tlotla hoyahoile.Saturday, October 17, 2015
Jesu a boela a bua le bona, a re: “Ke nna lesedi la lefatshe; ya ntatelang ha a ka ke a tsamaya lefifing, empa o tla ba le lesedi la bophelo.”Friday, October 16, 2015
Ke phahamisa matsoho a ka,ke a phahamisetsa ho wena,
moya wa ka o o nyoretswe
jwaloka lefatshe le omeletseng.
Thursday, October 15, 2015
Ke di fa bophelo bo sa feleng, mme ha di ka ke tsa timela le ka mohla. Ha ho ya tla di hlwibila matsohong a ka. Ntate ya nneileng tsona o moholo ho bohle, mme ha ho ya ka tsebang ho di hlwibila matsohong a Ntate. Rona le Ntate re ntho e le nngwe.Wednesday, October 14, 2015
Ho fihlela boqhekung ba lonaha ke eso fetohe,
ke tla nne ke le pepe
ho fihlela le eba bo-raputswe.
Ke nna ya le bopileng,
mme ke tla nne ke le sike,
ke tla nne ke le pepe,
ke le namolele.
Tuesday, October 13, 2015
Morena, mohau wa haoo ke o be le rona,
hobane re tshepile wena.
Monday, October 12, 2015
Bana ba ka, itlhokomeleng medimong ya bohata.Sunday, October 11, 2015
Molaetsa ona o senola kamoo Modimo a lokafatsang batho kateng; feela ho hlokahala tumelo ho tloha qalong ho isa qetellong, jwalokaha ho ngotswe, ho thwe: “Ya lokileng o tla phela ka tumelo.”Saturday, October 10, 2015
Maruo a bolotsana a tla fela hang,a kolletswang kahanyane
wona a a eketseha.
Friday, October 9, 2015
Hobane ha ho letho leha le le leng le ka sitang Modimo.Thursday, October 8, 2015
Ho feta tsohle le ratane ka lerato le mofuthu, hobane lerato le tlosa dibe tse ngata.Wednesday, October 7, 2015
Hlohonolo la Morenale entsha motho,
ha ho maswabi ao le a tlisang.
Tuesday, October 6, 2015
Ka baka lena o moholo, wena Morena Modimo, hobane ha ho ya kang wena; ebile hape ha ho Modimo e mong ntle ho wena, ho ya ka tsohle tseo re di utlwileng ka ditsebe tsa rona.Monday, October 5, 2015
Le lona bo-ntata bana, le se ke la kgentsha bana ba lona, empa le ba hodisetse Morena ka ho ba kgalemela le ho ba ruta hantle.Sunday, October 4, 2015
Morena o haufile bohle ba mo rapelang,
ba mo rapelang kannete.
Saturday, October 3, 2015
Lona le filwe lehlohonolo, e seng feela la ho dumela ho Kreste, empa le la ho mamella mahloko ka baka la hae.Friday, October 2, 2015
Mme tsohle tseo le di kopang ka thapelo, le dumela, le tla di fumana.Thursday, October 1, 2015
Kgosi eo e tlotlehang ke mang?Ke Morena wa mabotho,
ke yena Kgosi e tlotlehang.
Dihlogotaba tša go tswalana
Lerato
Lerato le na le...
Kholofelo
‘Ke tseba merero eo...
Tumelo
Ka baka leo, ke...
Lapa
Mantswe ana ao ke...
Go direla/hlankela
Oho, Morena, ke wena...
Thapelo
Thabang kamehla, se phetseng...