Tahirin-kevitra (Oktobra 2015)

Asabotsy 31 Oktobra 2015

Aza manao hoe: Ahoana no nahatsara ny andro taloha noho ny ankehitriny? fa tsy avy amin'ny fahendrena no anontanianao izany.

Mpitoriteny 7:10 fahendresena fiainana

Fa na dia tsy mamontsina aza ny aviavy,
Ary tsy misy voany ny voaloboka,
Na dia mahadiso fanantenana aza ny oliva,
Ary tsy mahavokatra hohanina ny saha,
Na dia vonoina aza ny ondry ao amin'ny vala,
Ary tsy misy omby ao am-pahitra,
Nefa izaho dia mbola hifaly amin'i Jehovah ihany
Sy hiravoravo amin'Andriamanitry ny famonjena ahy.

Habakoka 3:17-18 fifaliana famonjena fiankohofana

Alakamisy 29 Oktobra 2015

Anaka, ianareo dia avy amin'Andriamanitra ary efa naharesy ireny, satria lehibe Izay ao aminareo noho izay ao amin'izao tontolo izao.

1 Jaona 4:4 famonjena fandresena andriamanitra lehibe

Alarobia 28 Oktobra 2015

Ny fanantenana tsy azo vetivety dia mankarary am-bavafo;
Fa hazon'aina ny faniriana tanteraka.

Ohabolana 13:12 fanantenana fiainana fo

Talata 27 Oktobra 2015

Mitsangàna, mihazavà, fa tonga ny fahazavanao,
ary ny voninahitr'i Jehovah efa miposaka aminao.

Isaia 60:1 sarobidy Andriamanitra hatsàra

Alatsinainy 26 Oktobra 2015

Koa amin'izany na zovy na zovy no mandre izany teniko izany ka mankatò azy, dia hoharina amin'ny lehilahy manan-tsaina izy, izay nanorina ny tranony teo ambonin'ny vatolampy.

Matio 7:24 Tenin'Andriamanitra fahendresena mihaino

Alahady 25 Oktobra 2015

Ny fon'ny olona mihevitra tsara ny halehany;
Fa Jehovah ihany no mahalavorary ny diany.

Ohabolana 16:9 fandrindrana fanambadiana fiankinan-doha

Asabotsy 24 Oktobra 2015

Amin'ny fanetren-tena rehetra sy ny fahalemem-panahy, amin'ny fahari-po mifandefitra amin'ny fitiavana.

Efesiana 4:2 fitiavana fanetren-tena faharetana

Zoma 23 Oktobra 2015

Lozan'izay miady amin'ny namorona azy! Tavim-bilany isan'ny tavim-bilany amin'ny tany ihany ireny! Ny tanimanga va hilaza amin'ny mpanefy azy hoe: Inona no ataonao? Na ny asanao va hanao hoe: Tsy manan-tanana izy?

Isaia 45:9 famoroana izao tontolo izao fanetren-tena mahatakatra

Alakamisy 22 Oktobra 2015

Fa Jehovah no manome fahendrena;
Avy amin'ny vavany no ihavian'ny fahalalana sy ny fahazavan-tsaina.

Ohabolana 2:6 Tenin'Andriamanitra fahendresena

Alarobia 21 Oktobra 2015

Tandremo mba tsy hisy hamaly ratsy olona; fa miezaha mandrakariva hitady izay tsara, na amin'ny namanareo na amin'ny olona rehetra.

1 Tesaloniana 5:15 lafatra rariny faharatsiana

Talata 20 Oktobra 2015

Koa mandehana ianareo, dia ataovy mpianatra ny firenena rehetra, manao batisa azy ho amin'ny anaran'ny Ray sy ny Zanaka ary ny Fanahy Masina sady mampianatra azy hitandrina izay rehetra nandidiako anareo; ary, indro, Izaho momba anareo mandrakariva ambara-pahatongan'ny fahataperan'izao tontolo izao.

Matio 28:19-20 fitoriana ny filazantsara batisa mianatra

Alatsinainy 19 Oktobra 2015

Tamin'ny foko rehetra no nitadiavako Anao;
Aza avela hivily hiala amin'ny didinao aho.

Salamo 119:10 lalàna rariny fo

Alahady 18 Oktobra 2015

Fa isika rehetra kosa amin'ny tava tsy misarona dia mijery ny voninahitry ny Tompo toy ny amin'ny fitaratra, ka ovana hahazo izany endrika izany indrindra avy amin'ny voninahitra ka ho amin'ny voninahitra, toy ny avy amin'ny Tompo, dia ny Fanahy.

2 Korintiana 3:18 Fanahy fiovana

Asabotsy 17 Oktobra 2015

Ary Jesosy niteny tamin'ny olona indray ka nanao hoe: Izaho no fahazavan'izao tontolo izao; izay manaraka Ahy tsy mba handeha amin'ny maizina, fa hanana ny fahazavan'aina.

Jaona 8:12 Jesosy fiainana fanarahana

Zoma 16 Oktobra 2015

Mananty tanana aminao aho;
Ny fanahiko dia tahaka ny tany mangetana eo anatrehanao.

Salamo 143:6 fiankohofana fahazoana fiankinan-doha

Alakamisy 15 Oktobra 2015

Ary Izaho manome azy fiainana mandrakizay, ka tsy ho very izy mandrakizay, ary tsy hisy handrombaka azy amin'ny tanako. Ny Raiko Izay nanome Ahy dia lehibe noho izy rehetra; ary tsy misy mahay mandrombaka amin'ny tanan'ny Ray. Izaho sy ny Ray dia iray ihany.

Jaona 10:28-30 fiainana mandrakizay Jesosy Ray

Alarobia 14 Oktobra 2015

Na dia mandra-pahantitrareo aza, dia tsy miova Aho, ary mandra-pahafotsy volonareo, dia Izaho ihany no hisahirana mitondra anareo. Izaho no nanao, ka Izaho ihany no hitrotro, eny, izaho no hitondra sy hanafaka.

Isaia 46:4 fitokisana fitaovana fiarovana

Talata 13 Oktobra 2015

Jehovah ô, aoka ny famindram-ponao hitoetra aminay
araka ny anantenanay Anao.

Salamo 33:22 fahatokisana fitokisana fanantenana

Alatsinainy 12 Oktobra 2015

Anaka, arovy ny tenanareo amin'ny sampy.

1 Jaona 5:21 zaza sampy

Alahady 11 Oktobra 2015

Fa amin'izany no anehoana fahamarinana avy amin'Andriamanitra avy amin'ny finoana sy ho amin'ny finoana, araka ny voasoratra hoe: Ny marina amin'ny finoana no ho velona.

Romana 1:17 finoana rariny famonjena

Asabotsy 10 Oktobra 2015

Ny harena azoazo foana dia mihena lalandava;
Fa izay mahavatra mitsimpona no mampitombo.

Ohabolana 13:11 vola fitiavan-bola asa

Zoma 9 Oktobra 2015

Fa tsy hisy tsy ho tanteraka ny teny rehetra ataon'Andriamanitra.

Lioka 1:37 fahagagana fandresena andriamanitra lehibe

Alakamisy 8 Oktobra 2015

Ary mihoatra noho ny zavatra rehetra, mifankatiava tsara; fa "ny fitiavana manarona fahotana maro".

1 Petera 4:8 fahotana fitiavana manaraka

Alarobia 7 Oktobra 2015

Ny fitahian'i Jehovah no mampanan-karena,
Ary tsy azon'ny fisasarana ampiana izany.

Ohabolana 10:22 vola fitahiana fiankinan-doha

Talata 6 Oktobra 2015

Koa amin'izany dia lehibe Hianao, Jehovah Andriamanitra; fa tsy misy tahaka Anao, ka tsy misy Andriamanitra afa-tsy Hianao araka izay rehetra ren'ny sofinay.

2 Samoela 7:22 Andriamanitra fiankohofana