Wednesday, September 30, 2020
Empa ke le bolella nnete: Ho molemo ho lona hore ke ye, hobane ha ke sa ye, Mothusi a ke ke a tla ho lona; athe ha ke eya, ke tla mo romela ho lona.Tuesday, September 29, 2020
Mohlankana a ka hlwekisametsamao ya hae jwang?
Ka ho hahela lentswe la hao lesaka.
Monday, September 28, 2020
Etsa ka matla ho ba ya amohelehang ho Modimo, mosebeletsi ya ke keng a hlajwa ke dihlong, ya rutang lentswe la nnete ka ho otloloha.Sunday, September 27, 2020
Morena a le hlohonolofatse,a le baballe.
Morena a le bontshe
sefahleho sa hae se kganyang kgotso,
a le hauhele.
Morena a le tadime ka lerato,
a le nee kgotso.
Saturday, September 26, 2020
Tseba hore bohlale bo jwalomoyeng wa hao;
ha o ka bo fumana
o tla ba le katleho kamoso,
tshepo ya hao e ke ke ya fela.
Friday, September 25, 2020
Jwale re a tseba hore ba ratang Modimo, ba bitsitsweng ka morero wa hae, tsohle di ba tlisetsa molemo.Thursday, September 24, 2020
O re ntshitse matleng a lefifi, a re fetisetsa mmusong wa Mora wa hae ya ratehang, eo ka yena re fumanang topollo le tshwarelo ya dibe.Wednesday, September 23, 2020
Morena, mohau wa haoo ke o be le rona,
hobane re tshepile wena.
Tuesday, September 22, 2020
Tshabo ha e yo leratong, empa lerato le phethehileng le qhala tshabo, hobane tshabo e tsamaya le kotlo. Ya nang le tshabo ha a a phetheha leratong.Monday, September 21, 2020
Jesu a re: “Tse sitang batho ha di site Modimo.”Sunday, September 20, 2020
Ka pelong ya ka nna ke re:“Morena ke yena kabelo ya ka,
kahoo ke itshepetse yena feela.”
Saturday, September 19, 2020
Ke nna Morena Modimo wa lona; tsamayang ka ditaelo tsa ka, le hlokomele ho mamela melao ya ka. Halaletsang Disabatha tsa ka, hore e tle e be sesupo pakeng tsa ka le lona. Ka hona le tla tseba hore ke nna Morena Modimo wa lona.Friday, September 18, 2020
Kgalemelo e nngwe le e nngwe ha e etswa ha e thabise, e bohloko, empa hamorao bao e ba thapisitseng, e ba tlisetsa ditholwana tsa kgotso, tsa ho loka.Thursday, September 17, 2020
Dikgang di hlahiswa ke boikakaso,bohlale bo fumanwa
ho ba mamelang dikeletso.
Wednesday, September 16, 2020
Ha lefatshe le le hloya, tsebang hore le ile la ntlhoya pele ho lona.Tuesday, September 15, 2020
Fadimehang, tiyang tumelong, emang senna, matlafalang.Monday, September 14, 2020
Motho wa bathoha a ipiletsa ho Morena,
Morena o a mo utlwa,
o mo pholosa
matshwenyehong wohle a hae.
Sunday, September 13, 2020
Haeba le etsa hantle ba le etsang hantle, le ka lokelwa ke teboho efe? Esita le baetsadibe ba etsa jwalo.Saturday, September 12, 2020
Yena eo le mo ratang le hoja le sa ka la mmona, mme le hona jwale le dumelang ho yena le hoja le eso mmone. Jwale le nyakaletse ka thabo e ke keng ya bolelwa, e tlotlehang, hobane le tla amohela moputso wa tumelo ya lona, e leng pholoho ya lona.Friday, September 11, 2020
Ako bontshe mohlanka wa hao,o mmontshe sefahleho,
sefahleho se kganyang kgotso,
o mpholose ka mohau wa hao.
Thursday, September 10, 2020
Pelo tsa lona di ke di swabe,ho ena le ho hahola
diaparo tsa lona.
Kgutlelang ho Morena,
Morena Modimo wa lona,
hobane o mosa, o mohau,
o dieha ho halefa,
o tletse lerato,
o hauhela ba etsang bokgopo.
Wednesday, September 9, 2020
Le tswa ho ntata lona, Diabolosi, mme le rata ho phetha ditakatso tsa ntata lona. Yena e bile mmolai ho tloha tshimolohong, mme ha a a ka a ema nneteng, hobane ha ho nnete ka ho yena. Ha a bua leshano, o bua tseo e leng tsa hae, kahobane o leshano, ke raleshano.Tuesday, September 8, 2020
Se bue leshano ka molomo wa hao,puo tse thetsang
di se tswe ka hanong la hao.
Monday, September 7, 2020
Ha e le rona ha habo rona ke lehodimong, moo re lebeletseng Mopholosi wa rona ho tswa teng, e leng Morena wa rona Jesu Kreste.Sunday, September 6, 2020
Ho lehlohonoloba lapetseng ho loka,
ba ho nyoretsweng,
hobane ba tla kgotsofatswa.
Saturday, September 5, 2020
Ke ho Modimo feelamoo moya wa ka o ka phomolang,
pholoho ya ka e tswa ho yena.
Friday, September 4, 2020
Nako e fihlile, Mmuso wa Modimo o atametse; bakang, mme le dumele molaetsa o molemo.Thursday, September 3, 2020
Leha nka bua dipuo tsa batho le tsa mangeloi, empa ke se na lerato, ke itshwanela feela le tshepe e llang kapa lekapa le etsang mangenengene.Wednesday, September 2, 2020
Ho lehlohonoloba latelang ditemoso tsa hae,
ba mmatlang
ka pelo tsohle tsa bona.
Tuesday, September 1, 2020
Kamehla thabang ka ho ba ho Morena; ke boela ke re: Thabang!Dihlogotaba tša go tswalana
Lerato
Lerato le na le...
Kholofelo
‘Ke tseba merero eo...
Tumelo
Ka baka leo, ke...
Lapa
Mantswe ana ao ke...
Go direla/hlankela
Oho, Morena, ke wena...
Thapelo
Thabang kamehla, se phetseng...
Temana ya Bibele ya lehono
Sethoto se nyedisathuto ya ntata sona,
athe ya ratang kgalemo
yena o a hlalefa.