Pundungwane 2021

Empa Morena o a tshepahala, o tla le matlafatsa, a le sireletse ho E Mobe.

2 BATHESALONIKA 3:3 potego polokego maatla

2021 Pundungwane 29, Mmantaha

Ya entseng hore tsee di etsahale
ke mang?
ya bitsitseng meloko
ho tloha tshimolohong
ke mang?
Ke nna Morena,
ebile ke nna wa ho qala,
ke nna Morena
ya tla ba le ba ho qetela.

ESAEA 41:4 Modimo maatla

2021 Pundungwane 28, Sontaha

Empa se bewang ke Moya ke lerato, thabo, kgotso, mamello, mosa, molemo, botshepehi, bonolo le boitshwaro. Tse kang tsena, ha ho molao o ka di thibelang.

BAGALATA 5:22-23 molao Moya wa Modimo tšhegofatšo

Ka baka leo, bana beso ba ratehang, le tiye, le se ke la thekesela, le nne le sebeletse Morena ka mesebetsi e mengatangata kamehla, le ntse le tseba hore mofufutso wa lona hase wa lefeela pela Morena.

1 BAKORINTHE 15:58 boikobo moputso tlhohleletšo

2021 Pundungwane 26, Labohlane

Ya kgopo o a adima,
empa ha a busetse;
ya lokileng o na le mohau, o a fana.

PESALEMA 37:21 sekoloto tšhelete boloki

2021 Pundungwane 25, Labone

Bana beso, re tshwanetse ho leboha Modimo kamehla ka baka la lona, jwalokaha ho lokela, hobane tumelo ya lona e hola ka matla, le lerato leo le ratanang ka lona le eketseha ho e mong le e mong wa lona.

2 BATHESALONIKA 1:3 tumelo lerato tebogo

2021 Pundungwane 24, Laboraru

Empa Jesu a re: “E, empa haholo ho lehlohonolo ba utlwang lentswe la Modimo, ba le boloke.”

LUKA 11:28 Lentšu la Modimo bophelo go theeletša

2021 Pundungwane 23, Labobedi

Motho o bona tsela tsohle tsa hae,
o di bona di nepahetse,
empa Morena ke yena
ya lekolang pelo.

MAELE 21:2 boloki kahlolo kwešišo

2021 Pundungwane 22, Mmantaha

Ena ke taelo ya ka, hore le ratane jwalokaha ke le ratile.

JOHANNE 15:12 molao lerato Jesu

2021 Pundungwane 21, Sontaha

Ha re ipolela dibe tsa rona, Modimo o tla re tshwarela tsona, mme a re hlwekise bokgopo bohle, kaha o a tshepahala, mme o lokile.

1 JOHANNE 1:9 sebe tlhwekišo mpe

2021 Pundungwane 20, Moqebelo

Thuso ya rona e tswa ho Morena,
ya entseng mahodimo le lefatshe.

PESALEMA 124:8 tlholo Modimo legodimo

2021 Pundungwane 19, Labohlane

Mamela, Iseraele! Morena ke Modimo wa rona, ke yena Morena a le mong feela. O tla rata Morena Modimo wa hao, ka pelo ya hao yohle, le ka moya wa hao wohle, le ka matla a hao wohle.

LIPOLELO 6:4-5 molao lerato Modimo

2021 Pundungwane 18, Labone

Ha ke a tla ho biletsa ba lokileng pakong, empa baetsadibe.

LUKA 5:32 sebe boitsholo tshokologo

2021 Pundungwane 17, Laboraru

Tsela tsa Modimo di phethehile,
tshepiso tsa Modimo ke tsa nnete,
yena ke thebe ya bohle
ba tshabelang ho yena.

2 SAMUELE 22:31 go hloka bosodi Lentšu la Modimo tšhireletšo

2021 Pundungwane 16, Labobedi

Le se ke la swabisa Moya o Halalelang wa Modimo, oo ka wona le tshwaetsweng letsatsi la topollo.

BAEFESE 4:30 Moya Mokgethwa manyami go boya la bobedi

2021 Pundungwane 15, Mmantaha

Ha ho le jwalo, baratuwa, kaha re etseditswe ditshepiso tse jwalo, a re itlhwekiseng ditshileng tsohle tsa nama le tsa moya, ka ho phethahatsa kgalaletso ya rona, re ntse re tshaba Modimo.

2 BAKORINTHE 7:1 tlhwekišo kgalalelo tlhompho

2021 Pundungwane 14, Sontaha

Empa nna Modimo o a nthusa,
Morena ke mmaballi e moholo,
ke mmaballi wa bophelo ba ka.

PESALEMA 54:6 bophelo go ikanya setlabelo

2021 Pundungwane 13, Moqebelo

Ka seroko, Paulosi le Silase ba rapela, ba tlotlisa Modimo ka difela, mme batshwaruwa ba ba mamela.

DIKETSO 16:25 go direla/hlankela thapelo go theeletša

2021 Pundungwane 12, Labohlane

Lentswe la Kreste le ahe ka ho lona ka menono yohle ya lona. Rutanang, mme le eletsane ka bohlale bohle. Ka dipelo tse tletseng teboho, binelang Modimo dipesalema, difela le dipina tse halalelang.

BAKOLOSE 3:16 Lentšu la Modimo go ithuta go direla/hlankela

2021 Pundungwane 11, Labone

Nna, nna ke inotshi,
ke nna ya le tshedisang.
O mang wena o tshabang batho,
dibopuwa tse shwang?
O tshabang batho
ba itshwanelang le jwang feela?

ESAEA 51:12 mohomotši letšhogo tlhohleletšo

2021 Pundungwane 10, Laboraru

Kamehla o bue ka Molao ona, o o nahane motsheare le bosiu, e le hore o tle o hlokomele ho phetha tsohle tse ngotsweng ho wona, o tle o atlehe mesebetsing ya hao, mme o hlohonolofale ho tsohle tseo o di etsang.

JOSHUA 1:8 molao boikobo tšhegofatšo

2021 Pundungwane 9, Labobedi

Hobane le a tseba hore ho lekwa ha tumelo ya lona ho tswala mamello.

JAKOBO 1:3 tumelo moleko boineelo

2021 Pundungwane 8, Mmantaha

Ke a o thabela,
ke nyakallela ho wena;
ke roka lebitso la hao,
wena Ya Hodimodimo.

PESALEMA 9:3 go direla/hlankela lethabo Modimo

2021 Pundungwane 7, Sontaha

Hobane Morena Modimo wa lona, o mosa, o mohau. A ke ke a le furalla, ha le kgutlela ho yena.

2 LIKETSAHALO 30:9b kgaugelo boitsholo tshokologo

2021 Pundungwane 6, Moqebelo

Jwale kantle ho tumelo ha ho kamoo motho a ka kgahlisang Modimo kateng. Ya atamelang pela Modimo eka kgona a dumele hore Modimo o teng, le hore ke yena ya putsang ba mmatlang.

BAHEBERU 11:6 tumelo lethabo moputso

2021 Pundungwane 5, Labohlane

Tsena tsohle
di tswa ho Morena wa mabotho,
keletso tsa hae ke tse makatsang,
bohlale ba hae ke bo tebileng.

ESAEA 28:29 Modimo peakanyo bohlale

2021 Pundungwane 4, Labone

Leha ho le jwalo le se ke la thabela hobane meya e ditshila e ikokobeletsa lona, empa le thabele hobane mabitso a lona a ngotswe mahodimong.

LUKA 10:20 lethabo legodimo bophelo bjo bo sa felego

2021 Pundungwane 3, Laboraru

Ke se ke o laetse: Tsoha molota, o be sebete! O se ke wa tshaba, kapa wa nyahama pelo, hobane Morena Modimo wa hao, o na le wena hohle moo o yang teng.

JOSHUA 1:9 Modimo letšhogo tlhohleletšo

2021 Pundungwane 2, Labobedi

Modimo, bontsha hore
o okametse mahodimo,
tlotla ya hao
e phahamele lefatshe lohle.

PESALEMA 57:6 legodimo lefase go direla/hlankela

2021 Pundungwane 1, Mmantaha

O se ke wa bolaya; o se ke wa feba; o se ke wa utswa; o se ke wa etseletsa motho e mong; hlompha ntatao le mmao, mme o rate wa heno jwalokaha o ithata.

MATHEU 19:18b-19 molao lerato lapa