Gcina (Novemba 2021)

2021 Novemba 30, Lwesibini

Ithembekile yona kambe iNkosi. Yonikhusela inigcine kuhlaselo lwendoda enobuqhokolo.

2 KWABASETESALONIKA 3:3 ukuthembeka ukhuseleko amandla

2021 Novemba 29, Mvulo

Yaz'ba ngubani na umphembi wale ntlekele?
Ngubani owasimiselayo esi sishiqi?
Mna Ndikhoyo, yaba ndim kwasekuqaleni;
ewe, yoba isendim nasekugqibeleni.

UISAYA 41:4 uThixo amandla

2021 Novemba 28, Cawe

Nazi ke zona iziqhamo zoMoya: luthando, novuyo, noxolo; umonde, ububele, ukulunga, nentembeko; ubulali, nokuzeyisa. Awukho ke umthetho ochasa izinto ezinjengezi.

KUMAGALATI 5:22-23 umthetho Umoya intsikelelo

2021 Novemba 27, Mgqibelo

Ngoko ke, mawethu athandekayo, yomelelani ningathandabuzi. Yisebenzeleni ngenkuthalo iNkosi ngalo lonke ixesha, kuba kakade ukubulaleka kwenu ngenxa yeNkosi akunakulambatha.

1 KWABASEKORINTE 15:58 ukuthobela ibuyiselo ukhuthazo

2021 Novemba 26, Lwesihlanu

Izikrelemnqa ziboleka zingabuyisi,
ke lona ilungisa lipha ngesisa.

INdumiso 37:21 ityala imali ubulungisa

Kufanelekile ukuba simbulele uThixo ngawo onke amaxesha ngenxa yenu, mawethu. Ewe, kulunge kanye ukuba simbulele ngenxa yokuba ukholo lwenu luya lusanda ngokwanda. Yaye nokuthandana kwenu kuya kukhula ngakumbi nangakumbi.

2 KWABASETESALONIKA 1:3 ukholo uthando umbulelo

2021 Novemba 24, Lwesithathu

Ke yena wathi: “Yithi kanye: unoyolo lowo ulivayo ilizwi likaThixo alenze.”

ULUKA 11:28 ILizwi likaThixo ubomi ukuphulaphula

2021 Novemba 23, Lwesibini

Zonke iindlela zomntu zibonakala zilungile kwawakhe amehlo,
kanti ke nguNdikhoyo oyibeka esikalini intliziyo yomntu.

IZAFOBE 21:2 ubulungisa umgwebo ukuqonda

2021 Novemba 22, Mvulo

Umyalelo endiniyala ngawo ngowokuba nithandane njengoko mna ndanithandayo.

UYOHANE 15:12 umthetho uthando UYesu

2021 Novemba 21, Cawe

Kodwa ke, ukuba siyazivuma izono zethu, uThixo uthembekile, ulilungisa; wosixolela izono zethu, asihlambulule kuko konke ukungalungisi.

1 KAYOHANE 1:9 isono ukusulungekiswa ububi

2021 Novemba 20, Mgqibelo

Uncedo lwethu luvela kuNdikhoyo
ongumdali wamazulu nehlabathi.

INdumiso 124:8 indalo uThixo izulu

2021 Novemba 19, Lwesihlanu

Hoyina, Sirayeli! UNdikhoyo nguThixo wethu, uNdikhoyo yedwa qwaba! Ngoko ke mthande uNdikhoyo uThixo wakho ngomxhelo wakho wonke, nangomoya wakho wonke, ngokunjalo nangamandla akho onke.

UHLAZIYO-MNQOPHISO 6:4-5 umthetho uthando uThixo

2021 Novemba 18, Lwesine

Andizanga kubiza malungisa, ndize kubiza aboni, ukuba baguquke.

ULUKA 5:32 isono inguquko uguqulo

2021 Novemba 17, Lwesithathu

Hayi bo, zigqibelele izinto azenzayo lo Thixo!
Hayi ukuthembeka kwelizwi lakhe!
Uyabakhusela bonke abo bathembela ngaye.

2 KASAMWELI 22:31 ngokungenatyala ILizwi likaThixo ukukhuselwa

2021 Novemba 16, Lwesibini

Musani ukumdakumbisa uMoya oyiNgcwele kaThixo, kuba uniphawulele umhla wokugqibela wenkululeko.

KWABASE-EFESE 4:30 uMoya oyiNgcwele usizi ukuza kwesibini

2021 Novemba 15, Mvulo

Xa ke kanti, mawethu, izithembiso ezinje zenzelwa thina, masizenze sibe nyulu emzimbeni nasemphefumlweni, sibe ngcwele ngokuhlala simoyika uThixo.

2 KWABASEKORINTE 7:1 ukusulungekiswa ubungcwele ukumoyika uthixo

2021 Novemba 14, Cawe

Kodwa ke umncedi wam nguThixo,
umxhasi wam nguMhlekazi.

INdumiso 54:4 ubomi ukuxhomekeka izixhobo

2021 Novemba 13, Mgqibelo

Phakathi kobusuku uPawulos noSilas bathandaza bacula bedumisa uThixo, namanye amabanjwa ebeva.

UMSEBENZI WABATHUNYWA 16:25 unqulo umthandazo ukuphulaphula

2021 Novemba 12, Lwesihlanu

Maluhlale ngokupheleleyo ezintliziyweni zenu udaba lukaKrestu. Fundisanani, niyalane ngobulali. Culani iindumiso, nihlabele amaculo, nivuma iingoma zoMoya, nibulela uThixo ngentliziyo.

KWABASEKOLOSE 3:16 ILizwi likaThixo ukufunda unqulo

2021 Novemba 11, Lwesine

UNdikhoyo utsho ukuthi:
“Mna ndingulowo ukuthuthuzelayo;
ngani ke ukuba woyike umntu –
into evuthuluka njengengca?”

UISAYA 51:12 umthuthuzeli uloyiko ukhuthazo

2021 Novemba 10, Lwesithathu

Kufuneka incwadi yomthetho ikukhokele kuyo yonke into oyithethayo. Uze uyifunde uyigocagoce ubusuku nemini, uzazi uzithobele izinto ezibhaliweyo kuyo. Xa wenjenjalo woba nenkqubela nempumelelo.

UYOSHUWA 1:8 umthetho ukuthobela intsikelelo

2021 Novemba 9, Lwesibini

Kaloku isiqhamo sokumelana nezilingo ngokholo lunyamezelo.

EKAYAKOBI 1:3 ukholo isilingo ukuba likhoboka

2021 Novemba 8, Mvulo

Ndomemelela ngemincili,
ndikuvumel' ingoma, ndibonge wena, Phezukonke.

INdumiso 9:2 unqulo uvuyo uThixo

2021 Novemba 7, Cawe

Kuba kaloku uNdikhoyo uThixo wenu unesisa novelwano. Akasayi kunifulathela ukuba nibuyela kuye.

2 YEZIGANEKO 30:9b ubabalo inguquko uguqulo

2021 Novemba 6, Mgqibelo

Lungekho ke ukholo akukho ukumkholisa uThixo. Kaloku wonke ubani ozayo kuye kufuneka akholwe ukuba ukho uThixo, yaye uyabavuza abo bamlangazelelayo.

KUMAHEBHERE 11:6 ukholo uvuyo ibuyiselo

2021 Novemba 5, Lwesihlanu

Obo bulumko ke buvela kuNdikhoyo uSomandla-onke;
kaloku yena yintshatsheli ngamacebo,
ngenene yena ubalasele ngobulumko.

UISAYA 28:29 uThixo ukucwangcisa ubulumko

2021 Novemba 4, Lwesine

Noko ke sanukuvuyela ukoyisa kwenu iindimoni, vuyani kuba amagama enu ebhaliwe kwaThixo.

ULUKA 10:20 uvuyo izulu ubomi obungunaphakade

2021 Novemba 3, Lwesithathu

Kaloku ndim okuyalelayo. Yomelela ke, ukhaliphe. Uze ungoyiki unkwantye; kaloku mna Ndikhoyo Thixo wakho ndiya kusoloko ndisecaleni kwakho naphi na apho unyathela khona.

UYOSHUWA 1:9 uThixo uloyiko ukhuthazo

2021 Novemba 2, Lwesibini

Awu, Thixo, zimaseka phezulu esibhakabhakeni;
isidima nesihomo sakho masibe phezu kwehlabathi jikelele.

INdumiso 57:5 izulu umhlaba unqulo

2021 Novemba 1, Mvulo

Uze ungabulali, uze ungakrexezi, uze ungebi, uze ungangqini buxoki, beka uyihlo nonyoko, uze umthande ummelwane wakho kanye ngale ndlela uzithanda ngayo nawe.

UMATEWU 19:18b-19 umthetho uthando usapho