Iivesi zeBhayibhile malunga nobudlelwane

«»

• Oyedwa uyagaganyelwa, kodwa ababini banako ukumelana nohlaselo. Intsontelo ephindwe kathathu iqhawuka nzima.
  AMAVA ENGQONDI 4:12ubuhloboamandla
• Awu, akanqabe ngako umfazi onesidima!
  Lingaphezulu lee nakumatye anqabileyo ixabiso lakhe!
  IZAFOBE 31:10ixabisekileumtshato
• Kaloku xa omnye ethe wawa omnye unokuphakamisa ugxa wakhe. Mawoo ke lowo uyedwa xa athe wawa! Akukho bani unokumphakamisa.
  AMAVA ENGQONDI 4:10ubuhloboummelwane
• Awumhle ngako, sithandwa sam!
  Umhle ngenene, awunasiphako!
  UNCUTHU LWENGOMA 4:7ubuhleumtshato
• Ngenxa yaloo nto ke kufuneka nenze unako-nako ukongezelela ukholo ngesidima, nesidima ngengqiqo, ingqiqo ngokuzeyisa, nokuzeyisa ngonyamezelo, unyamezelo ngembeko, nembeko ngokuhlobana, nokuhlobana ngokuthanda abantu bonke.
  2 KAPETROS 1:5-7ukholoukulungaukuzibamba
• Kungcono abasebenzi babe babini kunokuba abe mnye, kuba baba nengeniso eyiyo ngomsebenzi wabo.
  AMAVA ENGQONDI 4:9ubuhloboumsebenzi
• Nina madoda, bathandeni abafazi benu, kanye ngale ndlela alithande ngayo uKrestu ibandla, waza wanikela ngobomi bakhe ngenxa yalo. Le nto uyenze ukuze libe libango lakhe ibandla. Ulicocile walihlamba ngamanzi ngamandla elizwi lakhe.
  KWABASE-EFESE 5:25-26uthandoukusulungekiswaumtshato
• Yanga ingalukhulisa iNkosi uthando eninalo luphuphume, nithandane, nithande naye wonke ubani, kanye ngale ndlela ndinithanda ngayo mna.
  1 KWABASETESALONIKA 3:12uthandoummelwane
• Zonke izinto ke enifuna ukuba abantu bazenze kuni, yenzani ezikwanjalo nani kubo. Yiyo leyo ke intsingiselo yomthetho kaMosis nomyalelo wabashumayeli bamandulo.
  UMATEWU 7:12umthethoummelwaneisiprofeto
• Nina makhosikazi, bathobeleni ngokuzinikela abayeni benu, kuba yimfanelo yenu yobuKrestu leyo.
  Nina madoda, bathandeni abafazi benu, ningabi ngqwabalala.
  KWABASEKOLOSE 3:18-19ukuthobekaumtshato
• Musani ukuzilinganisa nizifanise nabantu abangakholwayo, kuba àyenziwa loo nto. Ingádibana njani into elungileyo nengalunganga? Kungahlala njani ukukhanya ndawonye nobumnyama?
  2 KWABASEKORINTE 6:14umthethoubulungisaukukhanya
• Indlu nobutyebi lilifa looyise,
  kodwa umfazi onengqondo uvela kuNdikhoyo.
  IZAFOBE 19:14imali
• Uthe ke uNdikhoyo uThixo emva koko: “Akukuhle ukuba le ndoda ihlale ililolo. Kuhle ndiyenzele umlingane onokuncedisana nayo.”
  EYEZIQALO 2:18indaloumtshato
• Kodwa ukuphepha ukurheletya elowo makabe nowakhe umfazi, aze elowo umfazi abe neyakhe indoda.
  1 KWABASEKORINTE 7:2iminqwenoumtshatongesondo
• Iintsimbi ziyalolana;
  ngokunjalo ke nezihlobo ziyakhuthazana.
  IZAFOBE 27:17ubuhloboingqondo
• Ngaba ndivakala ngathi ndifuna abantu babe ngakwicala lam na? Hayi, nguThixo kuphela endifuna abe ngakum. Niba ngaba ndizicengezela ebantwini? Ukuba bendizicengezela ebantwini, ngendingesiso isicaka sikaKrestu.
  KUMAGALATI 1:10ukuthobelaibuyiselo
• Umntu ongazikhathaleleyo izizalwane zakhe, ingakumbi ezihlala naye, selelulahlile ukholo, ungcole ngaphezu kwabangakholwayo.
  1 KUTIMOTI 5:8usaphoabantwana
• Umhlobo unothando ngamaxesha onke;
  ke yena umntakwenu uzalelwe ukuba nawe kwiimbandezelo.
  IZAFOBE 17:17ubuhlobousapho
• Nina makhosikazi, bathobeleni ngokuzinikela abayeni benu, kanye ngale ndlela niyithobela ngayo iNkosi. Kaloku indoda iyintloko yomfazi, kanye njengokuba noKrestu eyintloko yebandla. Ke yena uKrestu ukwanguMhlanguli walo ibandla elingumzimba wakhe.
  KWABASE-EFESE 5:22-23umtshatoUYesuusindiso
• Ngoko ke amadoda afanele ukuba nebhongo lokubathanda abafazi bawo, kanye ngale ndlela azithanda ngayo iziqu zawo. Indoda emthandayo umfazi wayo iyazithanda.
  KWABASE-EFESE 5:28umtshatoumzimba
• Igama elihle lilungile ngaphezu kwentabalala yobutyebi;
  ukuba nesidima kungaphezu kwayo isiliva negolide.
  IZAFOBE 22:1imaliukuthanda izinto eziphathekayo
• Kambe ke ikwasingisele nakuni. Ngoko ke yonke indoda mayimthande umfazi wayo, kanye ngale ndlela izithanda ngayo nayo. Ngokukwanjalo ke wonke umfazi makayihlonele indoda yakhe.
  KWABASE-EFESE 5:33umtshato
• Uze ungabulali, uze ungakrexezi, uze ungebi, uze ungangqini buxoki, beka uyihlo nonyoko, uze umthande ummelwane wakho kanye ngale ndlela uzithanda ngayo nawe.
  UMATEWU 19:18b-19umthethouthandousapho