Insindiso (4/4)

Sisize, Nkulunkulu wensindiso yethu, ngenxa yenkazimulo yegama lakho; usikhulule, usithethelele izono zethu… AmaHubo 79:9

ZUL59

Sisize, Nkulunkulu wensindiso yethu,
ngenxa yenkazimulo yegama lakho;
usikhulule, usithethelele izono zethu
ngenxa yegama lakho.
AmaHubo 79:9 khulekela isibi umhlengi
Izikhathi zami zisesandleni sakho;
ngikhulule esandleni sezitha zami nakwabangizingelayo.
AmaHubo 31:15 ushushiso umhlengi
Mayibongwe iNkosi.
Iyasithwala imihla ngemihla;
uNkulunkulu uyinsindiso yethu. Sela
AmaHubo 68:19 khulekela ukuncika
Njengalokho iNdodana yomuntu ingezelanga ukukhonzwa kepha ukukhonza nokunikela ukuphila kwayo, kube yisihlengo sabaningi.
NgokukaMathewu 20:28 UJesu ukukhonza umhlatshelo
Kepha mina ngiyakukuhlabela ngezwi lokudumisa,
ngigcwalise engikuthembisileyo.
Ukusindiswa kukuye uJehova.
UJona 2:9 ukubonga umhlatshelo ukulalela umthetho
NingabakaNkulunkulu nina bantwanyana, nibahlulile, ngokuba lowo okini mkhulu kunaye osezweni.
1 kaJohane 4:4 ukunqoba usomandla isiprofetho
Nasi isihlupheki esakhala,
uJehova wezwa,
wasikhulula kuzo zonke izinhlupheko zaso.
AmaHubo 34:6 ukulalela umkhuleko ukuhlupheka
INkosi iyakwazi ukuhlangulisa ekulingweni abamesabayo uNkulunkulu, kepha abangalungile iyabagcinela usuku lokwahlulelwa, bajeziswe.
2 kaPetru 2:9 isilingo ukwahlulela isijeziso
Ngokuba ukudabuka okuya ngokukaNkulunkulu kuveza ukuphenduka angezisole ngakho umuntu, kube ngukusindiswa, kepha ukudabuka okuya ngokwezwe kuveza ukufa.
2 kwabaseKorinte 7:10 ukukhathazeka ukudabuka ukuphenduka
Sindisa, Jehova! ngiyakuncenga;
hlahlamelisa, Jehova! ngiyakucela.
Makabusiswe ozayo egameni likaJehova;
siyanibusisa sisendlini kaJehova.
AmaHubo 118:25-26 iphasika isibusiso ukunqoba
Munye ongummisimthetho nomahluleli; nguyena onamandla okusindisa nokubhubhisa; kepha ungubani wena omahlulelayo umakhelwane na?
EkaJakobe 4:12 umthetho ukwahlulela umakhelwane
Khanyisa ubuso bakho phezu kwenceku yakho;
ngisindise ngomusa wakho.
AmaHubo 31:16 isibusiso uthando inkazimulo
Abafazi mabathobele amadoda abo kungathi kukuyo iNkosi, ngokuba indoda iyinhloko yomfazi, njengokuba noKristu uyinhloko yebandla, yena engumsindisi womzimba.
Kwabase-Efesu 5:22-23 umshado UJesu ubudlelwano
Namukele futhi isigqoko sensindiso, nenkemba kaMoya eyizwi likaNkulunkulu.
Kwabase-Efesu 6:17 UMoya IZwi likaNkulunkulu
“Bayakuba ngabami,” usho uJehova Sebawoti, “babe yimfuyo yami ngosuku engiyakulwenza, ngibahawukele, njengalokhu umuntu ehawukela indodana yakhe emkhonzayo.”
UMalaki 3:17 ukukhonza umvuzo ukuphela kwesikhathi
Zihloleni nina, nibone ukuba nisekukholweni yini, nizivivinye nina. Kanti anizazeli yini ukuthi uJesu Kristu ukinina? Uma kungenjalo, ningabokwaliwa.
2 kwabaseKorinte 13:5 inkolo UJesu