UNkulunkulu (3/4)

Ngubani okusebenzileyo, wakwenza, na? Nguye owazibiza izizukulwane kwasekuqaleni: mina Jehova engingowokuqala nenginguye nakwabokuphela. U-Isaya 41:4

ZUL59

Ngubani okusebenzileyo, wakwenza, na?
Nguye owazibiza izizukulwane kwasekuqaleni:
mina Jehova engingowokuqala
nenginguye nakwabokuphela.
U-Isaya 41:4 amandla
Yebo, nina nangisongozela okubi, kepha uNkulunkulu wakuceba kwaba kuhle ukuba akwenze kube njenganamuhla, asindise abantu abaningi.
UGenesise 50:20 ukuphila okubi
UJehova uyakuba yiNkosi emhlabeni wonke; ngalolo suku uJehova uyakuba munye, negama lakhe libe linye.
UZakariya 14:9 umbuso
Thulani, niqonde ukuthi mina nginguNkulunkulu;
ngiyakuphakama phakathi kwabezizwe,
ngiphakame emhlabeni.
AmaHubo 46:10 ukuthula
UNkulunkulu uyasibusisa;
imikhawulo yonke yomhlaba iyakumesaba.
AmaHubo 67:7 mangala isibusiso
Amabhongo ezingonyama ayaswela, alambe,
kepha abafuna uJehova abayikuswela lutho oluhle.
AmaHubo 34:10 ukufuna
Nezilimi zonke zivume ngokuthi UJESU KRISTU UYINKOSI, kube yinkazimulo kuNkulunkulu uYise.
KwabaseFilipi 2:11 ukulalela umthetho ukuvuma
Elokugcina, qinani eNkosini nasemandleni ayo amakhulu.
Kwabase-Efesu 6:10 amandla ukufuna usomandla
Nanti izwi esalizwa kuye, sinishumayeza lona lokuthi uNkulunkulu ungukukhanya, ubumnyama abukho kuye nakanye.
1 kaJohane 1:5 isibi inkazimulo
Ukuphila okuphakade yilokhu ukuba bazi wena Nkulunkulu wedwa oqinisileyo, nomthumileyo, uJesu Kristu.
NgokukaJohane 17:3 ukuphila okungunaphakade UJesu
Ngalokho siyazi ukuthi sihlala kuye, naye kithi, ngokuba usiphile okukaMoya wakhe.
1 kaJohane 4:13 UMoya ukusondela
Bheka, iso likaJehova liphezu kwabamesabayo,
abathemba umusa wakhe.
AmaHubo 33:18 thembekile mangala
Yeka ukujula kwengcebo, nokuhlakanipha, nokwazi kukaNkulunkulu! Yeka izahlulelo zakhe ezingaphenyekiyo, nezindlela zakhe ezingaqondakaliyo!
KwabaseRoma 11:33 inhlakanipho ukuqonda
Waphendula uJesu, wathi kubo: “Umsebenzi kaNkulunkulu yilowo ukuba nikholwe nguye amthumileyo.”
NgokukaJohane 6:29 inkolo UJesu
Ngalokho anogcina imiyalo yami, niyenze; nginguJehova.
ULevitikusi 22:31 umthetho ukulalela umthetho
Njengendluzele ilangazelela amanzi emifula,
kanjalo umphefumulo wami ulangazelela wena Nkulunkulu.
AmaHubo 42:1 izifiso
Ogcina imiyalo yakhe uhlala kuye, naye uqobo uhlala kuye; siyazi ngalokho ukuthi uhlala kithi ngaye uMoya asinike yena.
1 kaJohane 3:24 umthetho UMoya
Wena Jehova umi phakade;
isihlalo sakho sobukhosi
sikhona ezizukulwaneni ngezizukulwane.
IsiLilo 5:19 thembekile umbuso
Yena lowo Moya ufakaza kanye nomoya wethu ukuthi singabantwana bakaNkulunkulu.
KwabaseRoma 8:16 UMoya izingane
UNkulunkulu akasiye umuntu ukuba
aqambe amanga,
nandodana yomuntu ukuba azisole;
ushilo, angayikukwenza, na?
Ukhulumile, angayikukuphelelisa, na?
UNumeri 23:19 thembekile izethembiso ukuqamba amanga
Ngokuba kithina uNkulunkulu ukwambulile ngoMoya; ngokuba uMoya uhlolisisa konke, yebo, nokujulileyo kukaNkulunkulu.
1 kwabaseKorinte 2:10 UMoya ukuhlela ukuqonda
Kepha kukho konke lokho siyanqoba nokunqoba ngowasithandayo.
KwabaseRoma 8:37 ukunqoba uthando
Bathandekayo, uma uNkulunkulu wasithanda kanjalo, nathi simelwe ukuthandana.
1 kaJohane 4:11 uthando umphakathi
“Ukhona ongacasha ezindaweni ezisithekileyo
ukuze ngingamboni na?” usho uJehova.
“Angithi ngiyagcwalisa izulu nomhlaba na?” usho uJehova.
UJeremiya 23:24 izulu
Yizwa, Israyeli: uJehova uNkulunkulu wethu, uJehova, munye; wothanda uJehova uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho.
UDuteronomi 6:4-5 umthetho uthando