UNkulunkulu (3/4)

Igama likaJehova lingumbhoshongo onamandla; olungileyo ugijimela kuwo, alondeke. IzAga 18:10

ZUL59

Igama likaJehova lingumbhoshongo onamandla;
olungileyo ugijimela kuwo, alondeke.
IzAga 18:10 ukuphepha ukuvikela
Sesiyakuthini ngalokho na? Uma uNkulunkulu emi ngakithi, ngubani ongamelana nathi na?
KwabaseRoma 8:31 isikhuthazo ukuvikela
Yebo, nina nangisongozela okubi, kepha uNkulunkulu wakuceba kwaba kuhle ukuba akwenze kube njenganamuhla, asindise abantu abaningi.
UGenesise 50:20 ukuphila okubi
Siyazi ukuthi kwabamthandayo uNkulunkulu konke kusebenzelana kube ngokuhle, kulabo ababiziweyo ngecebo lakhe.
KwabaseRoma 8:28 uthando ubizo
UJehova uyakuba yiNkosi emhlabeni wonke; ngalolo suku uJehova uyakuba munye, negama lakhe libe linye.
UZakariya 14:9 umbuso
Uma uJehova engayakhi indlu,
basebenzela ize abayakhayo;
uma uJehova engalondolozi umuzi,
umlindi wawo ulindela ize.
AmaHubo 127:1 ukuncika
Elokugcina, qinani eNkosini nasemandleni ayo amakhulu.
Kwabase-Efesu 6:10 amandla ukufuna usomandla
Yeka ukujula kwengcebo, nokuhlakanipha, nokwazi kukaNkulunkulu! Yeka izahlulelo zakhe ezingaphenyekiyo, nezindlela zakhe ezingaqondakaliyo!
KwabaseRoma 11:33 inhlakanipho ukuqonda
UNkulunkulu uyasibusisa;
imikhawulo yonke yomhlaba iyakumesaba.
AmaHubo 67:7 mangala isibusiso
Kuyo iNkosi yaphakade engabhubhiyo, engenakubonwa, uNkulunkulu yedwa, makube ludumo nenkazimulo kuze kube phakade naphakade. Amen.
1 kuThimothewu 1:17 khulekela usomandla umbuso
Waphendula uJesu, wathi kubo: “Umsebenzi kaNkulunkulu yilowo ukuba nikholwe nguye amthumileyo.”
NgokukaJohane 6:29 inkolo UJesu
Ngiyakuzenza mkhulu, ngizingcwelise, ngizazise emehlweni ezizwe eziningi, zazi ukuthi nginguJehova.
UHezekeli 38:23 ubungcwele ukuvangela
Esakhuluma, bheka ifu elikhanyayo labasithibeza; bheka, kwavela izwi efwini, lathi: “Lo uyiNdodana yami ethandekayo engithokozile ngayo; yizweni.”
NgokukaMathewu 17:5 injabulo UJesu
Sibusisiwe isizwe esiNkulunkulu waso nguJehova,
isizwe asikhethileyo sibe yifa lakhe.
AmaHubo 33:12 umvuzo isibusiso
Wena Jehova umi phakade;
isihlalo sakho sobukhosi
sikhona ezizukulwaneni ngezizukulwane.
IsiLilo 5:19 thembekile umbuso
Ogcina imiyalo yakhe uhlala kuye, naye uqobo uhlala kuye; siyazi ngalokho ukuthi uhlala kithi ngaye uMoya asinike yena.
1 kaJohane 3:24 umthetho UMoya
Nokho nginguJehova uNkulunkulu wakho
kwasezweni laseGibithe;
ngaphandle kwami awazi Nkulunkulu,
nomsindisi akakho ngaphandle kwami.
UHoseya 13:4 UMsindisi izithombe ezibaziweyo
Bathandekayo, uma uNkulunkulu wasithanda kanjalo, nathi simelwe ukuthandana.
1 kaJohane 4:11 uthando umphakathi
Ngokuba ngubani onguNkulunkulu ngaphandle kukaJehova,
ngubani oyidwala ngaphandle kukaNkulunkulu wethu na?
AmaHubo 18:31 thembekile amandla
Njengendluzele ilangazelela amanzi emifula,
kanjalo umphefumulo wami ulangazelela wena Nkulunkulu.
AmaHubo 42:1 izifiso
Ngubani okusebenzileyo, wakwenza, na?
Nguye owazibiza izizukulwane kwasekuqaleni:
mina Jehova engingowokuqala
nenginguye nakwabokuphela.
U-Isaya 41:4 amandla
Umusa weNkosi uJesu Kristu, nothando lukaNkulunkulu, nokuhlangana kukaMoya oNgcwele makube nani nonke. Amen.
2 kwabaseKorinte 13:14 umusa isibusiso UMoya Oyingcele
UNkulunkulu akasiye umuntu ukuba
aqambe amanga,
nandodana yomuntu ukuba azisole;
ushilo, angayikukwenza, na?
Ukhulumile, angayikukuphelelisa, na?
UNumeri 23:19 thembekile izethembiso ukuqamba amanga
Amabhongo ezingonyama ayaswela, alambe,
kepha abafuna uJehova abayikuswela lutho oluhle.
AmaHubo 34:10 ukufuna
Yizwa, Israyeli: uJehova uNkulunkulu wethu, uJehova, munye; wothanda uJehova uNkulunkulu wakho ngayo yonke inhliziyo yakho, nangawo wonke umphefumulo wakho, nangawo onke amandla akho.
UDuteronomi 6:4-5 umthetho uthando