Fahotana (2/6)

Tsarovy ny antranao sy ny indrafonao, Jehovah ô, fa hatrizay hatrizay ireny… Salamo 25:6-7

MG1865

Tsarovy ny antranao sy ny indrafonao, Jehovah ô,
fa hatrizay hatrizay ireny.
Aza ny fahotan'ny fahatanorako,
na ny ratsy nataoko, no tsarovanao;
fa aoka ho araka ny famindram-ponao no hahatsiarovanao ahy,
noho ny fahasoavanao Jehovah ô.
Salamo 25:6-7 famindram-po hatsaram-panàhy
Fa raha mamela ny fahadisoan'ny olona ianareo, dia mba hamela ny anareo kosa ny Rainareo Izay any an-danitra.
Matio 6:14 fahasoavana famelàn-keloka famindram-po
Jesosy namaly azy hoe: Lazaiko aminareo marina dia marina tokoa fa izay rehetra manota dia andevon'ny ota.
Jaona 8:34 mpidoroka fanandevozana
Ary izay ao amin'ny nofo dia tsy mahay manao ny sitrapon'Andriamanitra.
Romana 8:8 fiankinan-doha faniriana
Sambatra ny olona izay voavela
ny helony sy voasarona ny fahotany.
Salamo 32:1 famelàn-keloka fitahiana
Fa izay mamafy ho an'ny nofony dia hijinja fahasimbana avy amin'ny nofo; ary izay mamafy ho an'ny Fanahy dia hijinja fiainana mandrakizay avy amin'ny Fanahy.
Galatiana 6:8 fiainana mandrakizay Fanahy fijinjana
Fa fahafatesana no tambin'ny ota; ary fiainana mandrakizay no fanomezam-pahasoavana avy amin'Andriamanitra ao amin'i Kristy Jesosy Tompontsika.
Romana 6:23 fiainana mandrakizay valisoa fitsarana
Koa mibebaha ianareo, ka miverena hamonoana ny fahotanareo, mba ho avy izay andro famelombelomana avy amin'ny fanatrehan'ny Tompo.
Asan'ny Apostoly 3:19 fiovam-po famelàn-keloka famerim-berenana
Hankasitrahana ny fahatsiarovana ny marina;
Fa ho lò ny anaran'ny ratsy fanahy.
Ohabolana 10:7 rariny fitahiana
Tezera, fa aza manota; ary aoka tsy ho tratry ny masoandro milentika ny fahatezeranareo. Aza manome fitoerana ho an'ny devoly.
Efesiana 4:26-27 hatezerana faharatsiana satana
Fa ny ota no fanindronan'ny fahafatesana; ary ny lalàna no herin'ny ota.
1 Korintiana 15:56 lalàna sampy
Mitodiha, ka mibebaha amin'ny fahadisoanareo rehetra, dia tsy ho tonga fahatafintohinana mahameloka anareo intsony izany.
Ezekiela 18:30b fiovam-po sazy
Koa raha meloka amin'ny anankiray amin'ireo izy, dia hiaiky izay zavatra nanotany.
Levitikosy 5:5 fibabohana
Inona ary no holazaintsika? Mbola hitoetra amin'ny ota ihany va isika hitomboan'ny fahasoavana? Sanatria izany! Hataontsika izay efa maty ny amin'ny ota ahoana no ho velona aminy ihany?
Romana 6:1-2 fahasoavana fiainana
Misy lalana ataon'ny olona ho mahitsy,
Kanjo lalana mivarina any amin'ny fahafatesana no iafarany.
Ohabolana 14:12 rariny fiainana eritreritra
Izay manota dia avy amin'ny devoly, satria ny devoly manota hatramin'ny voalohany. Izao no nisehoan'ny Zanak'Andriamanitra, dia ny handrava ny asan'ny devoly.
1 Jaona 3:8 satana
Fa hamindra fo amin'ny tsi-fahamarinany Aho,
Ary tsy hotsarovako intsony ny fahotany.
Hebreo 8:12 famelàn-keloka fahasoavana
Izay tsy nahalala ota dia efa nataony ota hamonjy antsika, mba ho tonga fahamarinan'Andriamanitra ao aminy kosa isika.
2 Korintiana 5:21 rariny mpanelanelana
Fa hoy izaho: Mandehana araka ny Fanahy, dia tsy hahatanteraka ny filan'ny nofo ianareo.
Galatiana 5:16 Fanahy faniriana
Efa nanota izahay sady nanao meloka ary nanao ratsy sy niodina, eny, efa niala tamin'ny didinao sy ny fitsipikao izahay.
Daniela 9:5 fibabohana lalàna
Fa ny Soratra Masina efa nanidy azy rehetra teo amin'ny fahotana, mba homena ny mino ny teny fikasana noho ny finoana an i Jesosy Kristy.
Galatiana 3:22 fahatokisana finoana fampanantenana
Aza tia izao tontolo izao, na izay zavatra eo amin'izao tontolo izao. Raha misy olona tia izao tontolo izao dia tsy ao anatiny ny fitiavana ny Ray.
1 Jaona 2:15 fitiavana Ray izao tontolo izao
Ary raha misy olona manota, satria manao izay tsy tokony hatao ka mandika ny anankiray amin'ny didin'i Jehovah, nefa tsy fantany izany, ka mahameloka azy, ary mitondra ny helony izy.
Levitikosy 5:17 lalàna sazy
Mifohaza tsara, ary aza manota; fa ny sasany tsy manana ny fahalalana an'Andriamanitra; ny hampahamenatra anareo no ilazako izany.
1 Korintiana 15:34 rariny fiovam-po mahatakatra
Izay rehetra manota no mandika ny lalàna; fa ny ota no fandikana ny lalàna.
1 Jaona 3:4 lalàna rariny