Fahotana (3/6)

Avia ary hifandahatra isika, hoy Jehovah: Na dia tahaka ny jaky aza… Isaia 1:18

Avia ary hifandahatra isika, hoy Jehovah:
Na dia tahaka ny jaky aza ny fahotanareo,
Dia ho fotsy tahaka ny oram-panala,
Na dia mangatrakatraka tahaka ny sily aza,
Dia ho tahaka ny volon'ondry fotsy.
Isaia 1:18 famelàn-keloka fanadiovana rà
Ny fahamarinana manandratra ny firenena;
Fa ny ota kosa dia fahafaham-baraka amin'ny olona.
Ohabolana 14:34 rariny
Ny teny maro tsy ilaozan'izay ota;
Fa izay mahatana ny molony no hendry.
Ohabolana 10:19 lahateny
Ato am-poko no iraketako ny teninao,
Mba tsy hanotako aminao.
Salamo 119:11 Tenin'Andriamanitra fo
Ny fahotako nambarako taminao,
ary ny heloko tsy mba nafeniko.
Hoy izaho: hiaiky ny fahadisoako amin'i Jehovah aho;
ary Hianao dia namela ny heloky ny fahotako.
Salamo 32:5 fibabohana famelàn-keloka manaiky
Tsy avy hiantso ny marina Aho, fa ny mpanota mba hibebaka.
Lioka 5:32 famerim-berenana fiovam-po Jesosy
Fa ny ota tsy hanan-kery aminareo; fa tsy mba ambanin'ny lalàna ianareo, fa ambanin'ny fahasoavana.
Romana 6:14 fahasoavana lalàna
Fa izay misy fialonana sy fifampiandaniana dia misy fikorontanana mbamin izay asa ratsy rehetra.
Jakoba 3:16 fitiavan-tena faharatsiana
Nefa Izy dia voalefona noho ny fahadisoantsika
sy notorotoroina noho ny helotsika,
ny fampijaliana nahazoantsika fihavanana no namelezana Azy;
ary ny dian-kapoka taminy no nahasitranana antsika.
Isaia 53:5 Jesosy fahasitranana
Misasà ianareo, diovy ny tenanareo,
Esory tsy ho eo anoloan'ny masoko ny ratsy fanaonareo;
Mitsahara, fa aza manao ratsy.
Isaia 1:16 fanadiovana faharatsiana
Fa raha ny ratsy fanahy miala amin'ny fahotana rehetra izay nataony ka mitandrina ny didiko rehetra ary manao izay marina sy mahitsy, dia ho velona tokoa izy, fa tsy ho faty.
Ezekiela 18:21 fiovam-po lalàna fankatoavana
Ny lalan'i Jehovah dia fiarovana mafy ho an'izay tsy misy tsiny,
Fa fandringanana kosa ho an'ny mpanao ratsy.
Ohabolana 10:29 fitokisana lalàna
Ary aza manolotra ny momba ny tenanareo ho amin'ny ota ho fiadian'ny tsi-fahamarinana; fa atolory ny tenanareo ho an'Andriamanitra, toy ny efa maty nefa velona, ary ny momba ny tenanareo ho fiadian'ny fahamarinana ho an'Andriamanitra.
Romana 6:13 rariny sorona fiovam-po
Koa satria niaritra tamin'ny nofo Kristy, dia alao mba ho fiadianareo izany saina izany; fa izay niaritra tamin'ny nofo dia efa afaka tamin'ny ny ota.
1 Petera 4:1 fijaliana
Ary izao no teny renay taminy ka ambaranay aminareo: Andriamanitra dia mazava, ary tsy misy maizina akory ao aminy.
1 Jaona 1:5 Andriamanitra fahazavana
Izay mitandrina ny didy mitandrina ny ainy;
Fa izay tsy mihevitra ny alehany dia ho faty.
Ohabolana 19:16 lalàna fiainana mandrakizay
Dia nahiratra ny mason'izy mivady, ka fantany fa mitanjaka izy; ary nanjaitra ravin'aviavy izy, ka nataony sikina ho azy.
Genesisy 3:7 fitafiana
Izaho efa nandevona ny fahadisoanao tahaka ny fandevona ny zavona,
ary ny fahotanao tahaka ny rahona;
Koa miverena amiko, fa efa nanavotra anao Aho.
Isaia 44:22 famonjena fiovam-po mpanafaka
Andriamanitra ao amin'i Kristy no nampihavana izao tontolo izao taminy ka tsy nanisa ny fahadisoany; ary efa napetrany aminay ny teny fampihavanana.
2 Korintiana 5:19 famonjena Jesosy izao tontolo izao
Izao no fitiavana: tsy ny nitiavantsika an'Andriamanitra fa ny nitiavany antsika, ka nirahiny ny Zanany ho avotra'noho ny fahotantsika.
1 Jaona 4:10 fitiavana Mpamonjy fampihavanana
Mila ianareo, nefa tsy manana ihany; mamono sy mitsiriritra ianareo, nefa tsy mahazo ihany; mifanditra sy miady ianareo; tsy manana ianareo, satria tsy mangataka.
Jakoba 4:2 faniriana fivavahana
Raha nangina aho, dia nihalany ny taolako rehetra,
noho ny fitarainako mandrakariva.
Salamo 32:3 fibabohana lahateny aretina
Koa amin'izany, satria misy vavolombelona maro be toy izany manodidina antsika toy ny rahona, dia aoka isika koa hanaisotra izay rehetra mitambesatra amintsika mbamin'ny ota izay malaky mahazo antsika, ary aoka isika hihazakazaka amin'ny faharetana amin'izao fihazakazahana filokana napetraka eo anoloantsika izao.
Hebreo 12:1 fiainana fandresena
Fa raha tsy mamela ny fahadisoan'ny olona ianareo, dia tsy hamela ny fahadisoanareo ny Rainareo.
Matio 6:15 famelàn-keloka Ray
Tahaka ny halavitry ny atsinanana amin'ny andrefana
No halavitry ny anesorany ny fahotantsika amintsika.
Salamo 103:12 famonjena

Lazaiko aminareo fa hisy fifaliana toy izany any an-danitra ny amin'ny mpanota iray izay mibebaka noho ny amin'ny olona marina sivy amby sivi-folo, izay tsy misy tokony hibebahany.

Hamantatra bebe kokoa...

Lohahevitra mifandraika amin'izany

Famelàn-keloka

Izay te-ho be fitiavana...

Rariny

Izay fatra-panaraka fahamarinana sy...

Lalàna

Ary aoka ho ao...

Fiovam-po

Raha ny oloko izay...

Fahasoavana

Koa aoka isika hanatona...

Fanadiovana

Koa raha manana ireo...

Lohahevitra hafa...

Andinin-teny ao amin'ny Baiboly androany

Fa mihoatra noho ny zavatra rehetra, ry rahalahiko, aza mianiana, na amin'ny lanitra, na amin'ny tany, na amin'izay fianianana hafa akory aza; fa aoka ny fanaikinareo ho "Eny", ary ny fandànareo ho "Tsia", fandrao hiharan'ny fitsarana ianareo.

Jakoba 5:12 fanaovana ny marina fahamarinana lahateny

Te hahazo andin-teny ao amin'ny Baiboly isan'andro :

Fampandrenesana isan'andro Mailaka Android Ao amin'ny tranonkalanao

Andinin-teny ao amin'ny Baiboly

Aoka tsy handao anao ny famindram-po sy ny fahamarinana;
Afehezo eo am-bozonao izany,
Ary soraty ao amin'ny fonao tahaka ny amin'ny vato fisaka,
Ka dia hahazo fitia sy fahalalana tsara
Eo anatrehan'Andriamanitra sy ny olona ianao.

Ohabolana 3:3-4 fitiavana valisoa fo

Andinin-teny manaraka !

Hamantatra bebe kokoa

Ho fanohanana ny DailyVerses.net

Mba ampio aho hampiely ny Tenin'Andriamanitra :

Fanohanana