Boloka (May 2014)

Saturday, May 31, 2014

Wena Modimo
wa baholoholo ba heso,
ke a o leboha, ke bile ke a o tlotla,
wena ya nneileng bohlale le matla,
wa ntshenolela
seo re se kopileng ho wena,
wa re senolela
seo kgosi e se batlang.

DANIELE 2:23 go direla/hlankela bohlale thapelo

Friday, May 30, 2014

Ya tshwarang leme la hae
o baballa bophelo ba hae,
ya phasolohang feela
yena o tla timela.

MAELE 13:3 go bolela bohlale bophelo

Thursday, May 29, 2014

Yare hoba a bue tsena, a nyollelwa hodimo ba ntse ba mo shebile, mme leru la mo tlosa mahlong a bona.

DIKETSO 1:9 mehlolo Jesu legodimo

Kapa na ha le tsebe hore ba kgopo ba ke ke ba eja lefa la Mmuso wa Modimo? Le se ke la ithetsa: dihlola, le basebeletsi ba medimo ya bohata, le difebe, le ba janang maotwana, le mashodu, le ditlofa, le matahwa, le ba ditlhapa, le dinokwane, ba ke ke ba eja lefa la Mmuso wa Modimo.

1 BAKORINTHE 6:9-10 sebe phološo mmušo

Tuesday, May 27, 2014

Ha ho le jwalo, bolayang ditakatso tsa lona tsa lefatshe, e leng bohlola, tse ditshila, ditakatso tse mpe, tsa bokgopo, le meharo, hobane meharo ke ho sebeletsa modimo wa bohata.

BAKOLOSE 3:5 sebe ditumo mahumo a lefase

Monday, May 26, 2014

Motho ya kgopo
o amohela moputso wa bolotsana,
ya jalang ho loka
o kotula moputso wa nnete.

MAELE 11:18 sebe boloki moputso

Sunday, May 25, 2014

Kopang, le tla fuwa; batlang, le tla fumana; kokotang, le tla bulelwa.

MATHEU 7:7 moputso go nyaka go amogela

Saturday, May 24, 2014

Sethoto ha se thabele
ho ba le kutlwisiso,
se thabela
ho pepesa mehopolo ya sona.

MAELE 18:2 go bolela bohlale go inaganela o le tee

Friday, May 23, 2014

Ho lehlohonolo
ba metsamao e se nang kodi,
ba tsamayang ka Molao wa Morena.

PESALEMA 119:1 molao boloki bophelo

Thursday, May 22, 2014

Leleme le ka phedisa,
hape le ka bolaya,
ba ratang ho hehla
ba tla kotula tholwana tsa hona.

MAELE 18:21 go bolela tšhegofatšo boitshwaro

Wednesday, May 21, 2014

Jesu a re: “Tse sitang batho ha di site Modimo.”

LUKA 18:27 mehlolo phološo Jesu

Tuesday, May 20, 2014

Empa toka e ke e phalle,
e phalle jwaloka noka,
ho loka ho ke ho be
jwaloka molatswana,
ho ke molatswana
o phallang kamehla.

AMOSE 5:24 molao boloki

Monday, May 19, 2014

Wena motho wa Modimo, baleha tsena, o habe ho loka, borapedi, tumelo, lerato, tiisetso, mosa.

1 TIMOTHEA 6:11 tumelo lerato boloki

Sunday, May 18, 2014

Mohlankana a ka hlwekisa
metsamao ya hae jwang?
Ka ho hahela lentswe la hao lesaka.

PESALEMA 119:9 kgalalelo Lentšu la Modimo setlabelo

Saturday, May 17, 2014

Jwale ha le rapela le se ke la ya lolololo jwaloka bahedene, ba hopolang hore ba tla utluwa ka baka la mantswe a bona a mangata.

MATHEU 6:7 go bolela thapelo dikgopolo

Friday, May 16, 2014

Ho lehlohonolo ba mahlomoleng,
hobane ba tla tshediswa.

MATHEU 5:4 tšhegofatšo manyami mohomotši

Thursday, May 15, 2014

Ke Modimo ofe
ya tshwanang le wena?
Ya tshwarelang dibe, a leballe ditlolo
tsa masalla a setjhaba sa hae?
Wena o Modimo
ya sa halefeleng ruri,
wena o Modimo
ya thabelang ho hauhela.

'MIKIEA 7:18 sebe mohau tshwarelo

Wednesday, May 14, 2014

Ho lehlohonolo
ba lapetseng ho loka,
ba ho nyoretsweng,
hobane ba tla kgotsofatswa.

MATHEU 5:6 boloki tšhegofatšo go amogela

Tuesday, May 13, 2014

Boikakaso bo etella timelo pele,
boikokobetso bona
bo tla pele ho tlotla.

MAELE 18:12 boikokobetšo boikgokgomošo

Monday, May 12, 2014

Kamehla thabang ka ho ba ho Morena; ke boela ke re: Thabang!

BAFILIPI 4:4 Modimo lethabo

Sunday, May 11, 2014

Yena eo le mo ratang le hoja le sa ka la mmona, mme le hona jwale le dumelang ho yena le hoja le eso mmone. Jwale le nyakaletse ka thabo e ke keng ya bolelwa, e tlotlehang, hobane le tla amohela moputso wa tumelo ya lona, e leng pholoho ya lona.

1 PETROSE 1:8-9 tumelo lethabo phološo

Saturday, May 10, 2014

Empa ha ba mmona a tsamaya hodima letsha, ba hopola hore ke sethotsela, mme ba bokolla, hobane ba ne ba mmona bohle, mme ba tshoha. Empa a phakisa a bua le bona, a re: “Kgobang matshwafo, ke nna; se tshabeng!”

MAREKA 6:49-50 mehlolo Jesu letšhogo

Friday, May 9, 2014

Feela le ele hloko, le boloke taelo le molao oo Moshe mohlanka wa Morena, a le laetseng wona: Le rate Morena Modimo wa lona, le tsamaye ditseleng tsohle tsa hae, le boloke melao ya hae, le mo kgomarele, le mo sebeletse ka dipelo tsa lona tsohle, le ka moya wa lona wohle.

JOSHUA 22:5 molao pelo moya