Tahirin-kevitra (Mey 2014)

Asabotsy 31 Mey 2014

Hianao, ry Andriamanitry ny razako ô, no deraiko sy isaorako,
satria nomenao fahendrena sy hery aho,
ary ankehitriny efa nampahafantarinao ahy izay nangatahinay taminao;
fa nampahafantarinao anay ilay nofin'ny mpanjaka.

Daniela 2:23 fiankohofana fahendresena fivavahana

Zoma 30 Mey 2014

Izay mahambim-bava no miaro ny ainy;
Fa izay vavàna dia haringana.

Ohabolana 13:3 lahateny fahendresena fiainana

Alakamisy 29 Mey 2014

Ary rehefa nilaza izany Jesosy, dia nakarina Izy, raha mbola nijery izy ireo; ary nisy rahona nitondra Azy, ka tsy hitan'ny masony intsony Izy.

Asan'ny Apostoly 1:9 fahagagana Jesosy lanitra

Alarobia 28 Mey 2014

Moa tsy fantatrareo va fa ny olona tsy marina tsy mba handova ny fanjakan'Andriamanitra? Aza mety hofitahina ianareo: fa ny mpijangajanga sy ny mpanompo sampy sy ny mpaka vadin'olona sy ny sodomita sy ny mpangalatra sy ny mpierina sy ny mpimamo sy ny mpanaratsy ary ny mpanao an-keriny dia tsy mba handova ny fanjakan'Andriamanitra.

1 Korintiana 6:9-10 fahotana famonjena fanjakana

Talata 27 Mey 2014

Koa vonoy ny momba ny tenanareo izay etỳ an-tany, dia fijangajangana, fahalotoana, firehetam-po, fanirian-dratsy ary fieremana, dia fanompoan-tsampy izany.

Kolosiana 3:5 fahotana faniriana fitiavan-karena

Alatsinainy 26 Mey 2014

Ny ratsy fanahy dia mahazo valiny tsy mahasoa;
Fa izay mamafy fahamarinana no mahazo izay tena tambiny tokoa.

Ohabolana 11:18 fahotana rariny valisoa

Alahady 25 Mey 2014

Mangataha, dia homena ianareo; mitadiava, dia hahita ianareo; dondony, dia hovohana ianareo.

Matio 7:7 valisoa mitady fahazoana

Asabotsy 24 Mey 2014

Ny adala tsy mba finaritra amin'ny fahalalana,
Fa ta-haneho izay ao am-pony.

Ohabolana 18:2 lahateny fahendresena fitiavan-tena

Zoma 23 Mey 2014

Sambatra ny mahitsy lalana,
Izay mandeha araka ny lalàn'i Jehovah.

Salamo 119:1 lalàna rariny fiainana

Alakamisy 22 Mey 2014

Ny mahafaty sy ny mahavelona samy hain'ny lela,
Koa izay manarana azy dia hihinana ny vokany.

Ohabolana 18:21 lahateny fitahiana fifehezan-tena

Alarobia 21 Mey 2014

Fa hoy Jesosy: Izay zavatra tsy hain'ny olona dia hain'Andriamanitra.

Lioka 18:27 fahagagana famonjena Jesosy

Talata 20 Mey 2014

Ary aoka ny fitsarana hanalonalona toy ny rano,
ary ny fahamarinana toy ny renirano tsy mety ritra.

Amosa 5:24 lalàna rariny

Alatsinainy 19 Mey 2014

Fa ianao kosa, sy lehilahin'Andriamanitra, mandosira izany zavatra izany, ka miezaha mitady fahamarinana, toe-panahy araka an'Andriamanitra, finoana, fitiavana, faharetana, fahalemem-panahy.

1 Timoty 6:11 finoana fitiavana rariny

Alahady 18 Mey 2014

Inona no hiarovan'ny zatovo ny lalan-kalehany tsy ho voaloto?
Ny fitandremana araka ny teninao.

Salamo 119:9 fahamasinana Tenin'Andriamanitra fitaovana

Asabotsy 17 Mey 2014

Ary raha mivavaka ianareo, dia aza mba manao teny maro foana tahaka ny jentilisa; Fa ataony ho ny hamaroan'ny teniny no hihainoana azy.

Matio 6:7 lahateny fivavahana eritreritra

Zoma 16 Mey 2014

Sambatra ny ory;
fa izy no hampifalina.

Matio 5:4 fitahiana fisaonana mpampionona

Alakamisy 15 Mey 2014

Iza no Andriamanitra tahaka Anao,
Izay mamela heloka
Sady mandalo ny fahadisoan'ny sisa amin'ny lovany?
Tsy mitana ny fahatezerany ho mandrakizay Izy,
Fa tia famindram-po.

Mika 7:18 fahotana famindram-po famelàn-keloka

Alarobia 14 Mey 2014

Sambatra ny noana sy mangetaheta ny fahamarinana;
fa izy no hovokisana.

Matio 5:6 rariny fitahiana fahazoana

Talata 13 Mey 2014

Ny fireharehan'ny fon'ny olona mialoha ny fahasimbana;
Fa ny fanetren-tena kosa mialoha ny voninahitra.

Ohabolana 18:12 fanetren-tena fiavonavonana

Alatsinainy 12 Mey 2014

Mifalia mandrakariva amin'ny Tompo; hoy izaho indray: Mifalia.

Filipiana 4:4 Andriamanitra fifaliana

Alahady 11 Mey 2014

Izay, na dia tsy mbola hitanareo aza, dia tianareo, ary na dia tsy hitanareo ankehitriny aza, anefa, satria inoanareo, dia iravoravoanareo amin'ny fifaliana tsy azo tononina sady be voninahitra, mandray ny anton'ny finoanareo, dia ny famonjena ny fanahy.

1 Petera 1:8-9 finoana fifaliana famonjena

Asabotsy 10 Mey 2014

Ary rehefa hitany nitsangantsangana tambonin'ny ranomasina Izy, dia nataony ho matoatoa, ka niantso mafy izy ireo. Fa izy rehetra samy nahita Azy avokoa, ka dia raiki-tahotra. Ary Izy niteny taminy niaraka tamin'izay ka nanao taminy hoe: Matokia, fa Izaho ihany; aza matahotra.

Marka 6:49-50 fahagagana Jesosy tahotra

Zoma 9 Mey 2014

Kanefa mitandrema tsara mba hanaraka ny didy sy ny lalàna izay nandidian'i Mosesy, mpanompon'i Jehovah, anareo, hitiavanareo an'i Jehovah Andriamanitrareo sy handehananareo amin'ny lalany rehetra sy hitandremanareo ny didiny sy hifikiranareo aminy ary hanompoanareo Azy amin'ny fonareo rehetra sy ny fanahinareo rehetra.

Josoa 22:5 lalàna fo aina

Alakamisy 8 Mey 2014

Tezera, fa aza manota; ary aoka tsy ho tratry ny masoandro milentika ny fahatezeranareo. Aza manome fitoerana ho an'ny devoly.

Efesiana 4:26-27 fahotana hatezerana faharatsiana

Alarobia 7 Mey 2014

Andriamanitra tokoa no iantombenan'ny fanahiko;
avy aminy ny famonjena ahy.

Salamo 62:1 famonjena fitsaharana aina

Talata 6 Mey 2014

Raha mihaino tsara ny feon'i Jehovah Andriamanitrao ianao ka mitandrina hanaraka ny didiny rehetra, izay andidiako anao anio, dia hasandratr'i Jehovah Andriamanitrao ho ambonin'ny firenena rehetra amin'ny tany ianao.

Deotoronomia 28:1 lalàna fankatoavana fitahiana

Alatsinainy 5 Mey 2014

Ary ny iva razana amin'izao tontolo izao sy izay fanevateva no nofidin'Andriamanitra, dia ny atao ho tsy misy aza, mba hahafoana ny misy, mba tsy hisy nofo hahazo mirehareha eo anatrehan'Andriamanitra.

1 Korintiana 1:28-29 fanetren-tena fiantsoana izao tontolo izao

Alahady 4 Mey 2014

Toy ny nivoahany mitanjaka avy tany an-kibon-dreniny, dia toy izay nihaviany ihany no hiverenany; ary tsy hisy na inona na inona ho entin'ny tànany ho valin'ny fisasarany.

Mpitoriteny 5:14 fitiavan-bola fitiavan-karena lanitra