Ingobo yomlando (Meyi 2014)

UMgqibelo, Meyi 31, 2014

Ngiyakubonga, ngikudumise wena Nkulunkulu wawobaba
ongiphile ukuhlakanipha namandla,
wangazisa esasikucela kuwe,
ngokuba usazisile indaba yenkosi.

UDaniyeli 2:23 khulekela inhlakanipho umkhuleko

ULwesihlanu, Meyi 30, 2014

Olinda umlomo wakhe ugcina ukuphila kwakhe;
okhamisa izindebe zakhe uyakuba nencithakalo.

IzAga 13:3 ukukhuluma inhlakanipho ukuphila

ULwesine, Meyi 29, 2014

Kwathi eseshilo lokho, wakhushulwa bebuka; ifu lamsusa emehlweni abo.

IzEnzo 1:9 izimangaliso UJesu izulu

Kepha kanazi yini ukuthi abangalungile abayikulidla ifa lombuso kaNkulunkulu na? Ningadukiswa. Nazifebe, nabakhonza isithombe, naziphingi, nazihlobongi, nabesilisa abalalanayo, namasela, nabahahayo, nazidakwa, nazithuki, nabaphangi abayikulidla ifa lombuso kaNkulunkulu.

1 kwabaseKorinte 6:9-10 isibi insindiso umbuso

ULwesibili, Meyi 27, 2014

Ngakho-ke bulalani amalungu enu asemhlabeni, ubufebe, nokungcola, nokuhuheka, nokukhanuka, nesangabe, okungukukhonza izithombe.

KwabaseKolose 3:5 isibi izifiso ukuthanda izinto ezibambekayo

UMsombuluko, Meyi 26, 2014

Omubi uthola inzuzo yenkohliso,
kepha ohlwanyela ukulunga unomvuzo oqinisekileyo.

IzAga 11:18 isibi ukulunga umvuzo

ISonto, Meyi 25, 2014

Celani, khona nizakuphiwa; funani, khona nizakufumana; ngqongqothani, khona nizakuvulelwa.

NgokukaMathewu 7:7 umvuzo ukufuna ukwamukela

UMgqibelo, Meyi 24, 2014

Isiwula asithokozi ngokuqonda,
kuphela ngokuveza okusenhliziyweni yakhe.

IzAga 18:2 ukukhuluma inhlakanipho ubugovu

ULwesihlanu, Meyi 23, 2014

Babusisiwe abaqotho endleleni,
abahamba ngemithetho kaJehova.

AmaHubo 119:1 umthetho ukulunga ukuphila

ULwesine, Meyi 22, 2014

Ukufa nokuphila kusemandleni olimi,
nabaluthandayo bayakudla izithelo zalo.

IzAga 18:21 ukukhuluma isibusiso ukuzithiba

ULwesithathu, Meyi 21, 2014

Kepha wathi: “Okungenzeki kubantu kungenzeka kuNkulunkulu.”

NgokukaLuka 18:27 izimangaliso insindiso UJesu

ULwesibili, Meyi 20, 2014

Kepha ukwahlulela makugobhoze njengamanzi,
nokulunga njengomfula onganqamukiyo.

U-Amose 5:24 umthetho ukulunga

UMsombuluko, Meyi 19, 2014

Kepha wena muntu kaNkulunkulu, balekela lezo zinto; jonga ukulunga, nokumesaba uNkulunkulu, nokukholwa, nothando, nokubekezela, nobumnene.

1 kuThimothewu 6:11 inkolo uthando ukulunga

ISonto, Meyi 18, 2014

Insizwa iyakuyihlanza kanjani indlela yayo na?
Ngokuqaphela okwezwi lakho.

AmaHubo 119:9 ubungcwele IZwi likaNkulunkulu izisetshenziswa

UMgqibelo, Meyi 17, 2014

Kodwa nxa nikhuleka, ningathemelezi njengabezizwe, ngokuba bathi bayakuzwiwa ngokukhuluma kwabo okuningi.

NgokukaMathewu 6:7 ukukhuluma umkhuleko imicabango

ULwesihlanu, Meyi 16, 2014

Babusisiwe abakhalayo,
ngokuba bayakududuzwa.

NgokukaMathewu 5:4 isibusiso ukudabuka umduduzi

ULwesine, Meyi 15, 2014

Ngubani onguNkulunkulu onjengawe
othethelela insali yefa lakho ububi bayo,
uyiyekele isiphambeko sayo, na?
Akabambeleli entukuthelweni yakhe kuze kube phakade,
ngokuba wenamela umusa.

UMika 7:18 isibi isihe intethelelo

ULwesithathu, Meyi 14, 2014

Babusisiwe abalambele,
bomele ukulunga,
ngokuba bayakusuthiswa.

NgokukaMathewu 5:6 ukulunga isibusiso ukwamukela

ULwesibili, Meyi 13, 2014

Ngaphambi kokubhujiswa inhliziyo yomuntu iyaziqhenya;
ukuthobeka kwandulela udumo.

IzAga 18:12 ukuthobeka ukuziqhenya

UMsombuluko, Meyi 12, 2014

Thokozani eNkosini njalonjalo; ngiyaphinda ngithi: Thokozani!

KwabaseFilipi 4:4 UNkulunkulu injabulo

ISonto, Meyi 11, 2014

Enimthanda ningambonanga, enithi ningamboni manje nikholwa nguye, nithokoza ngentokozo engakhulumekiyo netusekayo, namukela isigcino sokukholwa kwenu esiyinsindiso yemiphefumulo.

1 kaPetru 1:8-9 inkolo injabulo insindiso

UMgqibelo, Meyi 10, 2014

Sebembonile ehamba phezu kolwandle, bacabanga ukuthi yisithunzi; bakhala. Ngokuba bonke bambona, bethuka.
Kepha washesha wakhuluma nabo, wathi kubo: “Yimani isibindi; yimina, ningesabi.”

NgokukaMarku 6:49-50 izimangaliso UJesu uvalo

ULwesihlanu, Meyi 9, 2014

Qaphelisisani kuphela ukwenza imiyalo nomthetho aniyala ngakho uMose inceku kaJehova ukuba nimthande uJehova uNkulunkulu wenu, nihambe kuzo zonke izindlela zakhe, nigcine imiyalo yakhe, ninamathele kuye, nimkhonze ngayo yonke inhliziyo yenu nangawo wonke umphefumulo wenu.

UJoshuwa 22:5 umthetho inhliziyo umphefumulo

ULwesine, Meyi 8, 2014

Thukuthelani ningoni; ilanga malingashoni nisathukuthele. Ningamniki uSathane indawo.

Kwabase-Efesu 4:26-27 isibi intukuthelo okubi

ULwesithathu, Meyi 7, 2014

Umphefumulo wami uzithulele kuNkulunkulu kuphela;
insindiso yami ivela kuye.

AmaHubo 62:1 insindiso ukuphumula umphefumulo

ULwesibili, Meyi 6, 2014

Kuyakuthi uma ulalela nokulalela izwi likaJehova uNkulunkulu wakho, uqaphele ukuyenza yonke imiyalo yakhe engikuyala ngayo namuhla, uJehova uNkulunkulu wakho akuphakamise phezu kwazo zonke izizwe zomhlaba.

UDuteronomi 28:1 umthetho ukulalela umthetho isibusiso

UMsombuluko, Meyi 5, 2014

Nezinto eziphansi zezwe nezinto ezidelelwayo uNkulunkulu wazikhetha, nezinto ezingekho, ukuba achithe ezikhona, ukuze kungabikho nyama ezibongayo phambi kukaNkulunkulu.

1 kwabaseKorinte 1:28-29 ukuthobeka ubizo umhlaba

ISonto, Meyi 4, 2014

Njengalokho aphuma esizalweni sikanina,
uyakubuye amuke,
ahambe ze njengasekufikeni kwakhe,
engatholi lutho ngomshikashika wakhe,
ahambe nalo esandleni sakhe.

UmShumayeli 5:15 ukwemana ukuthanda izinto ezibambekayo izulu

UMgqibelo, Meyi 3, 2014

Ngokuba yilowo nalowo othanda ukusindisa ukuphila kwakhe uyakulahlekelwa yikho; kepha olahlekelwa ngukuphila kwakhe ngenxa yami nangenxa yevangeli uyakukusindisa.

NgokukaMarku 8:35 ukuvangela insindiso ukuphila