Tahirin-kevitra (Jona 2014)

Alatsinainy 30 Jona 2014

Ampandreneso ny famindram-ponao aho nony maraina,
Fa Hianao no itokiako;
Ampahalalao ahy izay lalana tokony halehako,
Fa aminao no ananganako ny fanahiko.

Salamo 143:8 fahatokisana fitiavana fandrindrana

Alahady 29 Jona 2014

Ary hoy Petera taminy: Mibebaha, ary aoka samy hatao batisa amin'ny anaran'i Jesosy Kristy ianareo rehetra mba hahazo famelana ny helokareo; ary ianareo handray ny fanomezana, dia ny Fanahy Masina.

Asan'ny Apostoly 2:38 famelàn-keloka Fanahy batisa

Asabotsy 28 Jona 2014

Matokia an'i Jehovah ianao, ka manaova soa,
dia honina amin'ny tany ianao ka ho faly amin'ny fahamarinana.

Salamo 37:3 fahatokisana filaminana hatsaram-panàhy

Zoma 27 Jona 2014

Ary izahay dia vavolombelon'izany zavatra izany, ary ny Fanahy Masina koa, Izay efa nomen'Andriamanitra ny manaiky Azy.

Asan'ny Apostoly 5:32 fankatoavana Fanahy fahazoana

Alakamisy 26 Jona 2014

Jesosy namaly ka nanao taminy hoe: Raha misy tia Ahy, dia hitandrina ny teniko izy; ary ny Raiko ho tia azy, ary hankao aminy Izahay ka honina ao aminy.

Jaona 14:23 fitiavana fankatoavana Ray

Alarobia 25 Jona 2014

Mamandrika ny tahotra olona;
Fa izay matoky an'i Jehovah no hovonjena.

Ohabolana 29:25 fahatokisana tahotra

Talata 24 Jona 2014

Fa izay tarihin'ny Fanahin'Andriamanitra no zanak'Andriamanitra.

Romana 8:14 fankatoavana Fanahy zaza

Alatsinainy 23 Jona 2014

Iza moa no nanao sy nahavita izany,
sady miantso ny taranaka maro hatramin'ny taloha?
Izaho Jehovah no voalohany,
ary hatramin'ny farany dia mbola Izaho ihany no Izy.

Isaia 41:4 Andriamanitra tanjaka

Alahady 22 Jona 2014

Hankasitrahana ny fahatsiarovana ny marina;
Fa ho lò ny anaran'ny ratsy fanahy.

Ohabolana 10:7 fahotana rariny fitahiana

Asabotsy 21 Jona 2014

Fa tsy nandray ny fanahim-pahandevozana ho amin'ny tahotra indray ianareo, fa nandray ny fanahin'ny zanaka natsangana, izay iantsoantsika hoe: Aba, Ray ô.

Romana 8:15 tahotra Fanahy zaza

Zoma 20 Jona 2014

Tsara lavitra ny kely ananan'ny ratsy fanahy maro.
Fa ny sandrin'ny ratsy fanahy ho tapatapaka;
Fa Jehovah manohana ny marina.

Salamo 37:16-17 fahotana vola rariny

Alakamisy 19 Jona 2014

Fa ataoko fa ny fahoriana amin'izao andro ankehitriny izao dia tsy tokony hoharina amin'ny voninahitra izay haseho amintsika.

Romana 8:18 fiainana mandrakizay famonjena fijaliana

Ary ho an'izay mahay manao mihoatra noho ny zavatra rehetra, eny, mihoatra lavitra noho izay rehetra angatahintsika na heverintsika aza, araka ny hery izay miasa ato amintsika, ho Azy anie ny voninahitra ao amin'ny fiangonana sy ao amin'i Kristy Jesosy hatramin'ny taranaka farany indrindra mandrakizay mandrakizay. Amena.

Efesiana 3:20-21 fanetren-tena fiankohofana tanjaka

Talata 17 Jona 2014

Ary hohamasiniko ny anarako lehibe izay efa nolotoinareo tany amin'ny jentilisa, ka dia ho fantany fa Izaho no Jehovah, hoy Jehovah Tompo, rehefa miseho ho masina eo imasony Aho amin'ny ataoko aminareo.

Ezekiela 36:23 fahotana Andriamanitra fahamasinana

Alatsinainy 16 Jona 2014

Koa Jehovah dia mbola hiandry mandra-pamindrany fo aminareo, ary mbola hitoetra any amin'ny avo Izy mandra-piantrany anareo, fa Andriamanitry ny fahamarinana Jehovah; Sambatra izay rehetra miandry Azy.

Isaia 30:18 fahasoavana rariny faharetana

Alahady 15 Jona 2014

Ary aoka isika hifampandinika hampandroso ny fitiavana sy ny asa tsara; aza mahafoy ny fiarahantsika miangona, tahaka ny fanaon'ny sasany, fa mifananara kosa, mainka satria hitanareo fa mihantomotra ny andro.

Hebreo 10:24-25 fiverenana fiaraha-monina fankaherezana

Asabotsy 14 Jona 2014

Jehovah no hahatanteraka ny amiko;
Jehovah ô, mandrakizay ny famindram-ponao;
Aza mahafoy ny asan'ny tananao.

Salamo 138:8 fitokisana Andriamanitra filaminana

Zoma 13 Jona 2014

Hitahy anao anie Jehovah ka hiaro anao;
Hampamirapiratra ny tavany aminao anie Jehovah ka hamindra fo aminao;
Hanandratra ny tavany aminao anie Jehovah ka hanome anao fiadanana.

Nomery 6:24-26 fahasoavana fitahiana fiadanana

Alakamisy 12 Jona 2014

Fa Izaho Jehovah Andriamanitrao
no mitantana ny tananao ankavanana,
dia ilay manao aminao hoe:
Aza matahotra, Izaho no hamonjy anao.

Isaia 41:13 Andriamanitra tahotra fiankinan-doha

Alarobia 11 Jona 2014

Tsara ny mahazo fahendrena noho ny volamena,
Ary tsara ny mahazo fahalalana noho ny volafotsy.

Ohabolana 16:16 vola fitiavan-karena fahendresena

Talata 10 Jona 2014

Mitahy antsika Andriamanitra;
ary hatahotra Azy ny vazan-tany rehetra.

Salamo 67:7 Andriamanitra fanajana fitahiana

Alatsinainy 9 Jona 2014

Ary izao no teny renay taminy ka ambaranay aminareo: Andriamanitra dia mazava, ary tsy misy maizina akory ao aminy.

1 Jaona 1:5 fahotana Andriamanitra fahazavana

Alahady 8 Jona 2014

Ary nisy lela maro mitarehin'afo niseho taminy, izay nizarazara; ary nipetraka tamin'izy rehetra isan-olona izany. Ary samy feno ny Fanahy Masina izy rehetra, ka dia niteny tamin'ny fiteny maro samy hafa, araka ny nampitenenan'ny Fanahy Masina azy.

Asan'ny Apostoly 2:3-4 lahateny Fanahy pentekosta

Asabotsy 7 Jona 2014

Ahoana ary? hanota va isika, saingy tsy ambanin'ny lalàna, fa ambanin'ny fahasoavana? Sanatria izany!

Romana 6:15 fahotana fahasoavana lalàna

Zoma 6 Jona 2014

Fa na aiza na aiza no iangonan'ny roa na telo amin'ny anarako, dia ao afovoany Aho.

Matio 18:20 Jesosy fiaraha-monina fivavahana

Alakamisy 5 Jona 2014

Ny molotry ny marina mahalala izay ankasitrahana;
Fa ny vavan'ny ratsy fanahy dia feno fitaka.

Ohabolana 10:32 fahamarinana rariny lahateny

Alarobia 4 Jona 2014

Ary izay tsy mitondra ny hazo fijaliany ka tsy manaraka Ahy dia tsy miendrika ho Ahy.

Matio 10:38 fijaliana Jesosy fanarahana

Talata 3 Jona 2014

Ny lalàn'ny fahamarinanao no fidiko;
Apetrako eo anatrehako ny fitsipikao.

Salamo 119:30 finoana lalàna fahamarinana

Alatsinainy 2 Jona 2014

Fa raha mandeha eo amin'ny mazava isika, tahaka Azy eo amin'ny mazava, dia manana firaisana isika, ary ny ran'i Jesosy Zanany no manadio antsika ho afaka amin'ny ota rehetra.

1 Jaona 1:7 fanadiovana sorona fiaraha-monina