Gcina (Juni 2014)

2014 Juni 30, Mvulo

Ububele bakho mandibuve kwakusasa;
kaloku mna ndikholosa ngawe.
Ndifundise indlela endifaneleyo;
kaloku mna ndizibika kuwe.

INdumiso 143:8 thembela uthando ukucwangcisa

2014 Juni 29, Cawe

Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”

UMSEBENZI WABATHUNYWA 2:38 uxolelo Umoya ubhaptizo

2014 Juni 28, Mgqibelo

Thembela kuNdikhoyo wena, wenze okulungileyo;
uya kuba sisima-mhlaba, ube nekamva.

INdumiso 37:3 thembela ukhuseleko ukulunga

2014 Juni 27, Lwesihlanu

Thina noMoya oyiNgcwele osisipho sikaThixo kwabo bamthobelayo, singamangqina azo ezi zinto.

UMSEBENZI WABATHUNYWA 5:32 ukuthobela Umoya ukwamkela

2014 Juni 26, Lwesine

Waphendula uYesu wathi kuye: “Lowo undithandayo uyawagcina amazwi am. Wothi uBawo amthande, size siye kuye, sihlale kunye naye.”

UYOHANE 14:23 uthando ukuthobela UTata

2014 Juni 25, Lwesithathu

Ukuxhalela abantu kusenokuba ngumgibe;
kambe ke othembela kuNdikhoyo ukhuselekile.

IZAFOBE 29:25 thembela uloyiko

2014 Juni 24, Lwesibini

Kaloku abo bakhokelwa nguMoya kaThixo, bangoonyana bakaThixo.

KWABASEROMA 8:14 ukuthobela Umoya abantwana

2014 Juni 23, Mvulo

Yaz'ba ngubani na umphembi wale ntlekele?
Ngubani owasimiselayo esi sishiqi?
Mna Ndikhoyo, yaba ndim kwasekuqaleni;
ewe, yoba isendim nasekugqibeleni.

UISAYA 41:4 uThixo amandla

2014 Juni 22, Cawe

Kuyintsikelelo ukukhumbula amalungisa,
kambe ke lona igama lezikhohlakali liyaphutha.

IZAFOBE 10:7 isono ubulungisa intsikelelo

2014 Juni 21, Mgqibelo

UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.

KWABASEROMA 8:15 uloyiko Umoya abantwana

2014 Juni 20, Lwesihlanu

Obo buncinanana linabo ilungisa,
bungcono kunentaphane ezinayo izikrelemnqa,
kuba uya kuzaphul' iimpondo uNdikhoyo izikrelemnqa,
awenzelelele wona amalungisa.

INdumiso 37:16-17 isono imali ubulungisa

2014 Juni 19, Lwesine

Ndigqiba kwelithi ezi ntlungu zangoku azinakufaniswa nobuncwane esiza kubuxhamla.

KWABASEROMA 8:18 ubomi obungunaphakade usindiso ukubandezeleka

Ngoku ke, kulowo unako ukwenza ngaphezu kokuba sicela nokuba siqiqa, ngamandla akhe asebenza ngaphakathi kuthi: Makubekho udumo kuThixo ebandleni, nakuKrestu Yesu, kuse kuzo zonke izizukulwana ngonaphakade kanaphakade. Amen.

KWABASE-EFESE 3:20-21 ukuthobeka unqulo amandla

2014 Juni 17, Lwesibini

Ndiza kwenza bubonwe ubungcwele begama lam elilodwa eniligqwalisileyo ezizweni. Izizwe ke ziya kuqonda ukuba ndinguNdikhoyo, itsho iNgangalala uNdikhoyo, xa zindibona ndingoyedwa ngento endinenzela yona.

UHEZEKILE 36:23 isono uThixo ubungcwele

2014 Juni 16, Mvulo

Kambe ke uNdikhoyo usanilindele,
usazungula ukunibabala ngesisa.
Kaloku yena nguThixo ongajika-jikiyo;
hayi ithamsanqa labo bakholosa ngaye!

UISAYA 30:18 ubabalo ubulungisa umonde

2014 Juni 15, Cawe

Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.

KUMAHEBHERE 10:24-25 ukuza kwesibini uluntu ukhuthazo