2014 Juni 30, Mvulo
Ububele bakho mandibuve kwakusasa;kaloku mna ndikholosa ngawe.
Ndifundise indlela endifaneleyo;
kaloku mna ndizibika kuwe.
2014 Juni 29, Cawe
Wathi uPetros kubo: “Guqukani ezonweni zenu nonke ngabanye, nibhaptizwe egameni likaYesu Krestu, ukuze nixolelwe izono zenu, nize namkele isipho soMoya oyiNgcwele.”2014 Juni 28, Mgqibelo
Thembela kuNdikhoyo wena, wenze okulungileyo;uya kuba sisima-mhlaba, ube nekamva.
2014 Juni 27, Lwesihlanu
Thina noMoya oyiNgcwele osisipho sikaThixo kwabo bamthobelayo, singamangqina azo ezi zinto.2014 Juni 26, Lwesine
Waphendula uYesu wathi kuye: “Lowo undithandayo uyawagcina amazwi am. Wothi uBawo amthande, size siye kuye, sihlale kunye naye.”2014 Juni 25, Lwesithathu
Ukuxhalela abantu kusenokuba ngumgibe;kambe ke othembela kuNdikhoyo ukhuselekile.
2014 Juni 24, Lwesibini
Kaloku abo bakhokelwa nguMoya kaThixo, bangoonyana bakaThixo.2014 Juni 23, Mvulo
Yaz'ba ngubani na umphembi wale ntlekele?Ngubani owasimiselayo esi sishiqi?
Mna Ndikhoyo, yaba ndim kwasekuqaleni;
ewe, yoba isendim nasekugqibeleni.
2014 Juni 22, Cawe
Kuyintsikelelo ukukhumbula amalungisa,kambe ke lona igama lezikhohlakali liyaphutha.
2014 Juni 21, Mgqibelo
UMoya enimamkeleyo akanenzi amakhoboka, wona aphakuzelayo. Kaloku namkele uMoya onenza oonyana abathi: “Tata!” kuThixo.2014 Juni 20, Lwesihlanu
Obo buncinanana linabo ilungisa,bungcono kunentaphane ezinayo izikrelemnqa,
kuba uya kuzaphul' iimpondo uNdikhoyo izikrelemnqa,
awenzelelele wona amalungisa.
2014 Juni 19, Lwesine
Ndigqiba kwelithi ezi ntlungu zangoku azinakufaniswa nobuncwane esiza kubuxhamla.2014 Juni 18, Lwesithathu
Ngoku ke, kulowo unako ukwenza ngaphezu kokuba sicela nokuba siqiqa, ngamandla akhe asebenza ngaphakathi kuthi: Makubekho udumo kuThixo ebandleni, nakuKrestu Yesu, kuse kuzo zonke izizukulwana ngonaphakade kanaphakade. Amen.2014 Juni 17, Lwesibini
Ndiza kwenza bubonwe ubungcwele begama lam elilodwa eniligqwalisileyo ezizweni. Izizwe ke ziya kuqonda ukuba ndinguNdikhoyo, itsho iNgangalala uNdikhoyo, xa zindibona ndingoyedwa ngento endinenzela yona.2014 Juni 16, Mvulo
Kambe ke uNdikhoyo usanilindele,usazungula ukunibabala ngesisa.
Kaloku yena nguThixo ongajika-jikiyo;
hayi ithamsanqa labo bakholosa ngaye!
2014 Juni 15, Cawe
Ngoko ke masikhathalelane, sivuselelane uthando, ngokunjalo nokwenza imisebenzi emihle. Kananjalo masikuxabise ukudibana namanye amakholwa, siphefumlelane, singabi njengâbo bawutyeshelayo lo mkhwa. Ewe, masikhuthazane ngakumbi nangakumbi, kuba nani niyabona ukuba imini leyo iyasondela.2014 Juni 14, Mgqibelo
UNdikhoyo uyalifezekisa icebo lakhe ngam.Kambe ke, Ndikhoyo, izibele zakho zisisimakade;
ungabi sawushiya umsebenzi wezandla zakho.
2014 Juni 13, Lwesihlanu
Wanga angakuthi jize ngamathamsanqa uNdikhoyo,akulondoloze.
Wanga angayindlezane kuwe uNdikhoyo,
usixhamle isisa sakhe.
Wanga angakwazelelela uNdikhoyo,
akwambathise uxolo.
2014 Juni 12, Lwesine
Mna ndinguNdikhoyo, uThixo wakho;ndokugcina ndikomeleze,
ndithi kuwe: ‘Sukuphaphazela, ndiza kukunceda.’
2014 Juni 11, Lwesithathu
Kulungile ukuzuza ubulumko kunokufumana igolide;kungcono ukukhetha ulwazi kunokwamkela isiliva.
2014 Juni 10, Lwesibini
Ngenene uThixo uyasithamsanqela;ngamana lamthobela ihlabathi jikelele.
2014 Juni 9, Mvulo
Nalu ke udaba endaluva ngoNyana kaThixo, nendinixelela lona: UThixo ukukukhanya; abukho konke kuye ubumnyama.2014 Juni 8, Cawe
Kwabonakala amadangatye angathi ziilwimi, laza lalelo idangatye lahlala kumntu ngamnye kubo. Bazaliswa ke bonke nguMoya oyiNgcwele, baza bathetha ngalwimi zimbi, njengoko uMoya wabaphayo.2014 Juni 7, Mgqibelo
Síthini na ke ngoko? Sóne na, kuba singekho phantsi kwawo umthetho, siphantsi kobabalo? Nakanye!2014 Juni 6, Lwesihlanu
Kuba apho bathe bahlangana khona egameni lam ababini nokuba ngabathathu, nam ndikho phakathi kwabo.2014 Juni 5, Lwesine
Umntu onengqondo uthetha amazwi afanelekileyo;kambe ke sona isikhohlakali sithetha amazwi akrwempayo.
2014 Juni 4, Lwesithathu
Nalowo uthe akawuthwala umnqamlezo wakhe andilandele, akandifanelanga.2014 Juni 3, Lwesibini
Ndenze isigqibo sokuba ndinyaniseke;ndizimisele ukusithobela isigwebo sakho.
2014 Juni 2, Mvulo
Kodwa ke ukuba sihleli ekukhanyeni njengaye uThixo, siba nobudlelane. Ke lona igazi likaYesu uNyana wakhe lisihlambulula kuso sonke isono.2014 Juni 1, Cawe
Umntu onobugwenxa udala ingxabano;umntu ohlebayo wahlukanisa izihlobo.
Izihloko ezinxulumeneyo
Uthando
Uthando lunomonde, lunobubele. Uthando...
Ithemba
“Kaloku zisekuhleni kum izicwangciso...
Ukholo
Ngenxa yoko ndithi kuni...
Usapho
Le miyalelo ndikunika yona...
Unqulo
Ndikhoyo, wena unguThixo wam...
Umthandazo
Vuyani maxa onke, nithandaze...