Tuesday, February 28, 2017
Ha e le nnake tla o nyehella ka sehlabelo,
ke ntse ke o binela ka teboho,
ke phetha le tsona dikano tsa ka.
Pholoho e tswa ho Morena!
Monday, February 27, 2017
Haeba e se Morenaya hahang ntlo,
ba e hahang ba sebeletsa lelea.
Haeba e se Morena
ya lebelang motse,
ya o lebelang o fadimehela lefeela.
Sunday, February 26, 2017
Thabang ka baka la tshepo ya lona, mamellang matshwenyehong, tiisetsang thapelong.Saturday, February 25, 2017
Ha ho ntho e nthabisang ho feta ho utlwa hore bana ba ka ba tsamaya nneteng.Friday, February 24, 2017
Ke a o rata Morena,wena matla a ka.
Morena ke lehaha la ka,
ke qhobosheane ya ka,
ke monamoledi wa ka.
Modimo wa ka ke lefika la ka,
leo ke tshabelang ho lona;
Morena ke thebe ya ka,
ke lenaka la ka le ntwanelang,
ke seqhobo sa ka.
Thursday, February 23, 2017
A araba, a re: “Na ha le eso bale hore tshimolohong Mmopi ‘o ile a etsa e motona le e motshehadi?’ Mme a re: ‘Ka baka lena monna o tla tlohela ntatae le mmae, a matahane le mosadi wa hae, mme ba babedi bao ba tla fetoha ntho e le nngwe.’ Kahoo ha ba sa le ba babedi, e se e le ntho e le nngwe. Seo Modimo a se kopantseng se se ke sa arohanngwa ke motho.”Wednesday, February 22, 2017
Morena o bua tjena ho ba ntlo ya Iseraele, o re:“Mpatleng, le tle le phele.”
Tuesday, February 21, 2017
Tsohle jwale di utlwahetse,mme qetello ya taba ke ena:
Tshaba Modimo,
o boloke melao ya hae,
hoba hona
ke tshwanelo yohle ya motho.
Monday, February 20, 2017
Ha ho ya kileng a bona Modimo le ka mohla. Ha re ratana, Modimo o phela ka ho rona, mme lerato la hae le phethehile ka ho rona.Sunday, February 19, 2017
Kaha le le bakgethwa ba Modimo, ba halaleditsweng, ba ratwang ke yena, ebang le kutlwelobohloko, le mosa, le boikokobetso, le bonolo, le boiphapanyo.Saturday, February 18, 2017
A ke a o fese ratwang ke pelo ya hao,
a phethahatse merero yohle ya hao.
Friday, February 17, 2017
Bana beso, ka lebitso la Morena wa rona Jesu Kreste ke ipiletsa ho lona hore bohle le be ntsweleng, dikarohano di be siyo hara lona, le mpe le utlwane, le be le maikutlo a le mang le kgopolo e le nngwe.Thursday, February 16, 2017
“Kgutla, wena Iseraelewa mokwenehi,”
ho rialo Morena.
“Ha nka ke ka hlola
ke o sosobanyetsa sefahleho,
hobane ke mohau,”
ho rialo Morena.
“Ha ke na ho o halefela
kamehla yohle.”
Wednesday, February 15, 2017
Morena o beile leihlo la haeho ba mo tshabang,
bona ba tshepileng mohau wa hae.
Tuesday, February 14, 2017
Le se ke la ba le molato wa letho ho motho, haese wa ho ratana, hobane ya ratang wa habo o phethile Molao ka ho tlala.Monday, February 13, 2017
Itlhokomeleng, esere la lahlehelwa ke tseo le di sebeleditseng, le tle le mpe le amohele moputso o tletseng.Sunday, February 12, 2017
Ba tshepahalangba tataiswa ke botshepehi ba bona,
ba sa tshepahaleng bona ba timela,
ba timetswa
ke ho se tshepahale ha bona.
Saturday, February 11, 2017
Empa ba tshepileng Morenaba tla tsoha molota,
ba fofele hodimo jwaloka ntsu;
ba tla matha,
empa ba ke ke ba kgathala,
ba tsamaye,
ba se ke ba fellwa ke matla.
Friday, February 10, 2017
Ke a le bolella hore, ka baka la moetsadibe a le mong ya bakang, thabo e jwalo e teng hara mangeloi a Modimo.Thursday, February 9, 2017
Oho, Morena, Modimo wa mabotho,ako boele o re tsose,
o re bontshe sefahleho
se kganyang kgotso,
re tle re pholohe.
Wednesday, February 8, 2017
Empa nna ke re ho lona ba mmametseng: Ratang dira tsa lona, etsang ba le hloileng hantle, hlohonolofatsang ba le rohakang, mme le rapelle ba le etsang hampe.Tuesday, February 7, 2017
Morena wa kgotso ka sebele a ke a le fe kgotso kamehla le ka mekgwa yohle. Morena a ke a be le lona bohle.Monday, February 6, 2017
Ruta ngwana tsela ya ho phela,ha a hodile a ke ke be a fapoha.
Sunday, February 5, 2017
Motho ya molemo o ntsha ho molemo letlotlong le molemo la pelo ya hae, mme e mobe o ntsha ho hobe letlotlong le lebe la pelo ya hae, hobane molomo wa hae o bua se tletseng ka pelong ya hae.Friday, February 3, 2017
Motho ya kgopoo amohela moputso wa bolotsana,
ya jalang ho loka
o kotula moputso wa nnete.
Thursday, February 2, 2017
Tloong ho nna, lona bohle ba kgathetseng, ba imetsweng, mme ke tla le kgatholla.Wednesday, February 1, 2017
Ebang le kutlwelobohloko, jwalokaha Ntata lona a ena le kutlwelobohloko.Dihlogotaba tša go tswalana
Lerato
Lerato le na le...
Kholofelo
‘Ke tseba merero eo...
Tumelo
Ka baka leo, ke...
Lapa
Mantswe ana ao ke...
Go direla/hlankela
Oho, Morena, ke wena...
Thapelo
Thabang kamehla, se phetseng...
Temana ya Bibele ya lehono
Sethoto se nyedisathuto ya ntata sona,
athe ya ratang kgalemo
yena o a hlalefa.