Gcina (Februwari 2017)

2017 Februwari 28, Lwesibini

Ke mna ndonikela kuwe ngedini,
ndihlabele iculo lokukudumisa.
Ndosifezekisa isibhambathiso sam.
Usindiso lukuNdikhoyo.

2017 Februwari 27, Mvulo

Ukuba uNdikhoyo akayakhi indlu,
bafumana bebulaleka abayakhayo.
Ukuba asaluswa nguNdikhoyo isixeko,
ancam' ubuthongo ngelize amajoni alindayo.

INdumiso 127:1 uThixo ukuxhomekeka

2017 Februwari 26, Cawe

Vuyani, ninethemba nje, ninyamezele ezimbandezelweni zenu, nithandaze ningayeki.

KWABASEROMA 12:12 uvuyo umthandazo umonde

2017 Februwari 25, Mgqibelo

Akukho nto indonwabisa njengokuva ukuba abantwana bam bahlala bethe ngcembe enyanisweni.

3 KAYOHANE 1:4 uvuyo inyaniso abantwana

2017 Februwari 24, Lwesihlanu

Ndiyakuthanda, Ndikhoyo, mandla am.
NguNdikhoyo iliwa lam; nguye inqaba yam; nguye umkhuseli wam.
Xa ndizimele ngoThixo wam ndihlala ndikhuselekile.
Nguye ikhaka lam, nguye ondigcina ndifihlakele.

INdumiso 18:1-2 usindiso amandla umhlawuleli

Wabaphendula wathi: “Aniyifundanga na eziBhalweni le ndawo ithi: ‘UMdali wabadala kwasekuqalekeni bayindoda nomfazi. Yiyo ke loo nto indoda ishiya uyise nonina nje, inamathele kumkayo, baze bamanyane’? Ke ngoko àbasebabini, koko banye. Abo ke uThixo abamanyileyo mabangahlulwa mntu.”

UMATEWU 19:4-6 umtshato ngesondo indalo

2017 Februwari 22, Lwesithathu

Utsho ke uNdikhoyo kwindlu kaSirayeli ukuthi:
“Quqelani kum, niphile.”

UAMOS 5:4 ukufuna ubomi

2017 Februwari 21, Lwesibini

Ngoko ke ngoku nasi isishwankathelo salo mbandela: Mhlonele uThixo, uyithobele imimiselo yakhe, kuba oko luxanduva lomntu ngamnye.

AMAVA ENGQONDI 12:13 ukumoyika uthixo umthetho ubomi

2017 Februwari 20, Mvulo

Nangona uThixo engazanga wabonwa mntu nje, uhlala emanyene nathi ukuba siyathandana, luthi nothando lwakhe luyondelelane kuthi.

1 KAYOHANE 4:12 uthando uThixo ummelwane

2017 Februwari 19, Cawe

Ningabantu bakaThixo abanyuliweyo abathandiweyo nina, abakhe ngenkqu. Ngoko ke nxibani ezifanele abakhe: inceba, ububele, ukuthobeka, ubulali, nomonde.

KWABASEKOLOSE 3:12 ukuthobeka ubulali umonde

2017 Februwari 18, Mgqibelo

Wanga angakunika umnqweno wentliziyo yakho,
aziphumelelise zonk' iinquleqhu zakho.

INdumiso 20:4 ukucwangcisa intsikelelo intliziyo

2017 Februwari 17, Lwesihlanu

Egameni leNkosi yethu uYesu Krestu ndiyanibongoza, mawethu, ukuba nivane, nithethe nto-nye, kungabikho zimbambano phakathi kwenu. Manyanani nibe luqilima, nimxhelo mnye, ninazimvo zinye.

1 KWABASEKORINTE 1:10 uluntu usapho inguqu

2017 Februwari 16, Lwesine

‘Guquka, mkreqikazindini Sirayeli!’
Lowo ngumlomo kaNdikhoyo.
‘Andizi kuba sakukhangela ngobuso obusangeneyo,
kuba ndinenceba.’
Lowo ngumlomo kaNdikhoyo.
Úthi: ‘Andiyi kuhlala ndiniqumbele.’

UJEREMIYA 3:12b inceba umsindo uxolelo

2017 Februwari 15, Lwesithathu

UNdikhoyo uyabanakekela abo bamhlonelayo
nabo bathembe izibele zenceba yakhe.

INdumiso 33:18 ukuthembeka uThixo ukumoyika uthixo

2017 Februwari 14, Lwesibini

Musani ukuba natyala lanto mntwini, lingelilo elokuthandana. Kaloku omthandayo omnye uwuthobele ngokupheleleyo umthetho.

KWABASEROMA 13:8 umthetho uthando ityala

2017 Februwari 13, Mvulo

Ngoko ke zilumkeleni, hleze niphulukane nayo into ebeniyisebenzela. Zabalazani, khon' ukuze nilifumane linjengoko linjalo ibhaso lenu.

2 KAYOHANE 1:8 ibuyiselo ukuzibamba umsebenzi

2017 Februwari 12, Cawe

Ukunyaniseka kuyamalusa umntu othe ngqo,
kodwa ke bona ubuqhokolo buyawabhangisa amaqhophololo.

IZAFOBE 11:3 ukuthembeka ukunyaniseka

2017 Februwari 11, Mgqibelo

Kambe ke bona abakholosa ngoNdikhoyo
bosuka bahlaziyeke bomelele.
Bosuka bantinge baxel' ukhozi;
noba sebebaleka, soze badinwe;
ewe, baya kuhamba bangaze batyhafe.

UISAYA 40:31 ithemba ukhuthazo amandla

2017 Februwari 10, Lwesihlanu

Ngokunjalo ndithi kuni kuya kubakho uvuyo kwizithunywa zikaThixo ngomoni omnye oguqukayo.

ULUKA 15:10 uvuyo iingelosi inguquko

2017 Februwari 9, Lwesine

Awu, Thixo Somandla, yiba nebuyambo;
velana nathi usisindise!

INdumiso 80:19 usindiso ukuxhomekeka usomandla

2017 Februwari 8, Lwesithathu

Ke mna ndithi kuni, nina nindivayo: Zithandeni iintshaba zenu, nibenzele okulungileyo abo banithiyileyo. Basikeleleni abo baniqalekisayo, nibathandazele abo banigxekayo.

ULUKA 6:27-28 ukuthobela intsikelelo umthandazo

2017 Februwari 7, Lwesibini

Ngamana iNkosi, ekuvela kuyo yonke inzolo, ingamana inipha uxolo njalo-njalo, ngeendlela zonke. INkosi mayibe nani.

2 KWABASETESALONIKA 3:16 uxolo ukusondela

2017 Februwari 6, Mvulo

Ukuba umntwana umqeqeshile ngendlela yokuziphatha,
soze ahlukane nayo naxa selekhulile.

IZAFOBE 22:6 ubulungisa usapho abantwana

2017 Februwari 5, Cawe

Umntu olungileyo uvelisa ukulunga okuphuma entliziyweni yakhe. Ke okhohlakeleyo uvelisa inkohlakalo ephuma entliziyweni yakhe. Kaloku loo nto intliziyo iphuphuma yiyo iphuma ngomlomo.

ULUKA 6:45 isono ukuthetha intsikelelo