Gcina (Matshi 2017)

2017 Matshi 31, Lwesihlanu

Ekuqaleni uThixo wadala izulu nomhlaba. Kwakuselubala nje emhlabeni, kungekho nto ikhoyo. Inzonzobila yamanzi eyayigubungele konke yayithiwe gqume sisithokothoko sobumnyama. UMoya kaThixo wafukama phezu kwaloo manzi.

EYEZIQALO 1:1-2 indalo Umoya izulu

2017 Matshi 30, Lwesine

Lifikile ngoku ixesha. Luthwasile ulawulo lukaThixo. Guqukani, nikholwe kuzo ezi ndaba zimnandi.

UMARKO 1:15 ubukumkani uguqulo inguquko

2017 Matshi 29, Lwesithathu

Umntu onengqondo uthetha amazwi afanelekileyo;
kambe ke sona isikhohlakali sithetha amazwi akrwempayo.

IZAFOBE 10:32 inyaniso ubulungisa ukuthetha

2017 Matshi 28, Lwesibini

Ndingade ndibe naso nesiphiwo sokushumayela ngefuthe, ndinalo lonke ulwazi, ndizazi nezinto ezingàziwa mntu, ndinalo nokholo olugungqisa iintaba, kodwa ndingenalo uthando, andinto konke!

1 KWABASEKORINTE 13:2 ukholo uthando isiprofeto

2017 Matshi 27, Mvulo

Jika uxelele inkokheli yabantu bam uHezekiya, uthi: ‘Nali ilizwi elithethwa nguNdikhoyo uThixo kayihlo uDavide: Ndiwuvile umthandazo wakho, ndazibona neenyembezi zakho. Ndiza kukuphilisa. Ngosuku lwesithathu ukusuka ngoku uya kuya endlwini kaNdikhoyo.’

2 YOOKUMKANI 20:5 umthandazo usizi ukuphilisa

2017 Matshi 26, Cawe

NguNdikhoyo ixhadi lakho lakubhek' umoya;
ewe, uya kukwalusa ungachukunyiswa nto.
Ngenene, uNdikhoyo uya kukwalusa,
xa uhambayo naxa ubuyayo,
kuqalela ngoku kude kube nini-nini.

INdumiso 121:7-8 ithemba ubomi ububi

2017 Matshi 25, Mgqibelo

UThixo unguMoya; abo ke bamnqulayo kufuneka bamnqule ngoMoya benyanisekile.

UYOHANE 4:24 inyaniso unqulo Umoya

2017 Matshi 24, Lwesihlanu

Nabu ke obo bungqina: bukukuba uThixo usinike ubomi obungenasiphelo, bomi obo sibuzuza ngokumanywa noNyana.

1 KAYOHANE 5:11 ubomi obungunaphakade UYesu

2017 Matshi 23, Lwesine

Ukuba uyazithoba, umhlonela uNdikhoyo,
uya kuxhamla ubutyebi, isidima, nobomi.

IZAFOBE 22:4 ukuthobeka ibuyiselo ukumoyika uthixo

2017 Matshi 22, Lwesithathu

Liya kudlula izulu nehlabathi; ke wona amazwi am akasayi kuze adlule.

UMATEWU 24:35 ukuthembeka ILizwi likaThixo izulu

2017 Matshi 21, Lwesibini

Kuba kaloku uNdikhoyo uThixo wenu unesisa novelwano. Akasayi kunifulathela ukuba nibuyela kuye.

2 YEZIGANEKO 30:9b ubabalo inguquko uguqulo

2017 Matshi 20, Mvulo

Njengenxala elikhothekileyo kukunxanwa
nam ndikwanjalo ukukulangazelela wena, Thixo.

INdumiso 42:1 uThixo iminqweno

2017 Matshi 19, Cawe

Nguye umtyhili weentsonkotha ezifihlakeleyo;
nezisemnyameni izinto yena uyazazi.
Ngenene yena ulikhaya lokukhanya.

UDANIYELI 2:22 usomandla isono ububi

2017 Matshi 18, Mgqibelo

Ndiyambongoza ukuba ngobubele bakhe uSosidima anomeleze imo yenu entsha ngoMoya wakhe, khon' ukuze ngokholo uKrestu ahlale ngaphakathi kuni. Nanga ningasekelwa eluthandweni nendele.

KWABASE-EFESE 3:16-17 ukholo uthando Umoya

2017 Matshi 17, Lwesihlanu

Linjengemini enye iwaka leminyaka kuwe,
lona liyafana nemini yezolo,
lifutshane okwexesha labalindi ebusuku.

INdumiso 90:4 uThixo ubomi ukuqonda

2017 Matshi 16, Lwesine

Kufuneka incwadi yomthetho ikukhokele kuyo yonke into oyithethayo. Uze uyifunde uyigocagoce ubusuku nemini, uzazi uzithobele izinto ezibhaliweyo kuyo. Xa wenjenjalo woba nenkqubela nempumelelo.

UYOSHUWA 1:8 umthetho ukuthobela intsikelelo

2017 Matshi 15, Lwesithathu

Zihlobo zam ezithandekayo, xa ke uThixo asithande ngolu hlobo nathi simelwe kukuthandana.

1 KAYOHANE 4:11 uthando uThixo uluntu

2017 Matshi 14, Lwesibini

Ndikhoyo, ndizifihla kuwe, mandingadani konke!
Wena lungisa, uzundihlangule!

INdumiso 31:1 ubulungisa umhlawuleli ukuxhomekeka

2017 Matshi 13, Mvulo

Nokuba ke nenza ntoni na, nokuba niyatya, nokuba niyasela, yenzelani udumo lukaThixo.

1 KWABASEKORINTE 10:31 ukutya ubomi unqulo

2017 Matshi 12, Cawe

Ngoko ke zivumeni izono omnye komnye, nithandazelane, khon' ukuze ninyangeke. Kaloku umthandazo womntu olungileyo unamandla angummangaliso.

EKAYAKOBI 5:16 ubulungisa ukuphilisa umthandazo

2017 Matshi 11, Mgqibelo

Ndomemelela ngemincili,
ndikuvumel' ingoma, ndibonge wena, Phezukonke.

INdumiso 9:2 unqulo uvuyo uThixo

2017 Matshi 10, Lwesihlanu

Waphendula ke esithi:
“Ngaba umfazi angalulibala na usana lwakhe,
ade angavakalelwa ngowakhe umntwana?
Noba ke yena angade amlibale,
okokwam ke mna soze ndikufulathele,
kuba igama lakho ndilivambile,
ndilithe tyaba esandleni sam;
iindonga zakho zihlala zisemehlweni am.”

UISAYA 49:15-16 uthando usapho abantwana

2017 Matshi 9, Lwesine

Kufanelekile ukuba simbulele uThixo ngawo onke amaxesha ngenxa yenu, mawethu. Ewe, kulunge kanye ukuba simbulele ngenxa yokuba ukholo lwenu luya lusanda ngokwanda. Yaye nokuthandana kwenu kuya kukhula ngakumbi nangakumbi.

2 KWABASETESALONIKA 1:3 ukholo uthando umbulelo

2017 Matshi 8, Lwesithathu

Izikrelemnqa ziboleka zingabuyisi,
ke lona ilungisa lipha ngesisa.

INdumiso 37:21 ityala imali ubulungisa

2017 Matshi 7, Lwesibini

Ewe, Ndikhoyo, bobakho bonke ubukhulu ndawonye namandla;
naso isidima sikwasesakho, ubungangamsha nobunewu-newu.
Kaloku zezakho zonke ezisezulwini,
kanti nezisemhlabeni ikwazezakho.
Ewe, Ndikhoyo, lolwakho ulawulo;
uyingqanga-ngqanga evelele konke jikelele.

1 YEZIGANEKO 29:11 unqulo ubukumkani amandla

2017 Matshi 6, Mvulo

Kodwa ndinixelela inyaniso; kunilungele ukuba ndimke. Ukuba andithanga ndemka, akayi kuza kuni uMmeli; kodwa ukuba ndithe ndemka, ndiya kumthumela kuni.

UYOHANE 16:7 umthuthuzeli Umoya ukwamkela

2017 Matshi 5, Cawe

Zingekadalwa iintaba, ungekalenzi ilizwe nehlabathi,
ubusel' ukade unguThixo wena kwanini-nini.

INdumiso 90:2 indalo uThixo ukuqonda

2017 Matshi 4, Mgqibelo

Ndaweni yaloo nto yenzelanani ububele ninobulali, nixolelane, kwanjengokuba naye uThixo wanixolelayo ngoKrestu.

KWABASE-EFESE 4:32 uxolelo uvelwano ukulunga

2017 Matshi 3, Lwesihlanu

Ukuthanda imali yingcambu yazo zonke iintlobo zobubi. Abanye bathe ngokusukelana nayo bahola elukholweni, baza bayingxwelerha imiphefumlo yabo ngeenzingo.

1 KUTIMOTI 6:10 imali ububi ukubawa

2017 Matshi 2, Lwesine

Mfo wam, sukuyilibala imfundiso yam,
koko mayihlale ihleli imiyalelo yam engqondweni yakho.
Kaloku imfundiso yam iya kukongezela imihla emininzi,
ikwandisele iminyaka noxolo.

IZAFOBE 3:1-2 umthetho ubomi intliziyo