- Tsela e teng e bonahalang
e lokile ho monga yona,
empa e qetella ka ho isa lefung. - Morena ke yena moahlodi wa rona,
Morena ke yena
ya re beelang molao,
Morena ke yena kgosi ya rona,
Morena ke yena ya tla re pholosa. - Ke tla thabela Morena
ka pelo ya ka yohle,
moya wa ka
o thabele Modimo wa ka haholo,
hobane o nkapesitse kobo
ya ho pholoswa,
a nkwahela ka seaparo sa ho loka,
jwalokaha monyadi
a ikgabisa ka moqhaka,
a ikgabisa
jwaloka moprista a ikgabisa,
monyaduwa a tlatlapela
mabenyane a hae. - Ya lokileng
o bua puo tse thabisang,
athe ya kgopo
o tseba ho sokamisa ditaba. - Ke tshabela ho wena Morena;
ke se ke ka hlajwa ke dihlong
le ka mohla.
Ako nnamolele
ka baka la ho loka ha hao. - Yena, ka mmele wa hae, o ile a isa dibe tsa rona sefapanong, hore re tle re shwe ka nqeng ya sebe, mme re phele ka nqeng ya ho loka. Ke yena eo le fodisitsweng ke maqeba a hae.
- Eyang, le ithute hore na ke ho reng ha ho thwe: ‘Ke thabela mohau, e seng sehlabelo.’ Ke tlile ho bitsa baetsadibe, e seng ba lokileng.
- E mong o re: “Ke dumeletswe ka dintho tsohle,” empa hase ho re tsohle di na le molemo. E, ke dumeletswe ka dintho tsohle, empa ha nka ke ka laolwa le ke e le nngwe ya tsona.
- Morena wa mabotho o bua tjena: ‘Ahlolelanang ka toka, le be mosa, mme le utlwelane bohloko. Le se ke la hatella mohlolohadi, leha e le kgutsana, moditjhaba kapa mofutsana. Motho a se ke a rerela ngwanabo bokgopo.’
- Le lesedi la lefatshe. Motse o hahilweng hodima thaba o sitwa ho pateha.
- Morena o lokile
ho tsohle tseo a di etsang,
mesebetsing yohle ya hae
o mohau. - Empa Morena o rata ho le hauhela,
o labalabela ho tla le rekolohela,
hobane Morena
ke Modimo wa toka,
ho lehlohonolo bohle
ba mo lebeletseng. - Se kgahlwe ke motho
ya kgantshang bohanka,
se latele le e nngwe ya tsela tsa hae.
Morena o hloile ya sothang nnete,
empa ya lokileng
yena o a mo tshepa. - Mahlohonolo a aparela ba lokileng,
polelo tsa ya kgopo
di kwetlile bosoro. - Petrose a bua, a re: “Kannete ke a hlokomela hore Modimo ha a ye ka tshobotsi, empa, ditjhabeng tsohle, ya mo tshabang, ya etsang toka, o a amoheleha ho yena.”
- Morena o molemo, o lokile;
kahoo o busetsa baetsadibe tseleng.
Ba eisehang o ba tsamaisa ho lokeng,
o ruta ba eisehang tsela ya hae. - Jwalokaha ba bangata ba entswe baetsadibe ka ho se mamele ha motho a le mong, ka mokgwa o jwalo ba bangata ba tla etswa ba lokileng ka ho mamela ha motho a le mong.
- Jwale, erekaha re lokafaditswe ka tumelo, re na le kgotso le Modimo ka Morena wa rona Jesu Kreste.
- Ho lehlohonolo
ba metsamao e se nang kodi,
ba tsamayang ka Molao wa Morena. - Ruta ngwana tsela ya ho phela,
ha a hodile a ke ke be a fapoha. - O hlokomela metsamao
ya ba lokileng,
ke thebe ho ba hlokang kodi. - Ahlolelang mofokodi ka toka,
ahlolelang le kgutsana ka toka;
etsetsang mohlophehi toka,
le mohloki le mo etsetse yona. - Morena, ako utlwe thapelo ya ka,
o sekehele thapedi ya ka tsebe;
o nkarabe
ka baka la botshepehi ba hao,
le ka baka la ho loka ha hao. - Athe ha e le ya ileng a etsa tse lokelwang ke kotlo a sa ka a tseba thato ya monga hae, o tla shapuwa hanyenyane. Mang le mang ya neilweng haholo, ho tla batlwa tse ngata ho yena, mme ya tshepetsweng tse ngata o tla botswa ho feta.
- Ha e le lona ba hlomphang lebitso la ka, letsatsi la ho loka le tla le tjhabela ka mahlasedi a lona a fodisang. Lona le tla tswa, le thale jwaloka manamane a buletsweng ka sakeng.
Dihlogotaba tša go tswalana
Molao
Mantswe ana ao ke...
Sebe
Kapa na ha le...
Tumelo
Ka baka leo, ke...
Bophelo
Morena o tla o...
Potego
Empa Morena o a...
Kahlolo
Ka baka leo, wena...
Temana ya Bibele ya lehono
Motho wa nneteo tsamaya a sireletsehile,
ya se nang nnete, yena o tla senolwa.