Ditemana tša Bibele tša go bolela ka Manyami
- Ha ba lokileng ba lla,
Morena o a ba utlwa;
o ba lopolla
matshwenyehong wohle a bona.
Morena o haufi
le ba feletsweng ke tshepo,
o pholosa ba meya e tetebetseng. - Ke Morena ya tla o etella pele. O tla ba le wena; a ke ke a o lahla kapa a o furalla. O se ke wa tshaba kapa wa tsieleha.
- Ho lehlohonolo ba mahlomoleng,
hobane ba tla tshediswa. - Ditsietsi tsohle tsa lona le di rolele ho yena, hobane ke yena ya le baballang.
- Bohlale bo bongata
bo tlisa mahlomola a mangata,
ya eketsang tsebo
o ikekeletsa maswabi. - Kgalefo ya hae
ke ya motsotswana feela,
lerato la hae
ke la bophelo bohle ba motho.
Leha nka robala ka meokgo,
ha bo esa e se e le nyakallo. - Morena, o tseba tsohle
tseo ke di lakatsang,
ho fehelwa ha ka
ha ho a pateha ho wena. - Re le ba swabileng, empa re thabile; re le ba futsanehileng, empa re ruisa ba bangata; re le ba se nang letho, empa re ruile tsohle.
- Ka utlwa lentswe le phahameng, le tswang teroneng, le re: “Bona, leaho la Modimo ke leo hara batho. O tla aha le bona; bona e tla ba setjhaba sa hae, mme Modimo ka sebele a be le bona, e le Modimo wa bona. O tla hlakola meokgo yohle mahlong a bona, mme lefu ha le sa tla hlola le eba teng, esita le mahlomola, kapa dillo, kapa bohloko, hobane tsa kgale di fetile.”
- Kahoo fedisa matshwenyeho
a pelo ya hao,
o hlohlolle tsietsi tsa mmele wa hao,
hoba bongwana le botjha
ke mafeelafeelane. - Ha ba ka ke ba hlola ba lapa
kapa ba nyorwa;
ha ba sa tla tjheswa ke letsatsi,
kapa lebatama lefe kapa lefe,
hobane Konyana
e bohareng ba terone
e tla ba disa,
e ba ise didibeng
tsa metsi a bophelo.
Modimo o tla hlakola
meokgo yohle mahlong a bona. - Thabang le ba thabileng, llang le ba llang.
- Morena, ako utlwe thapelo ya ka,
o sekehele thapedi ya ka tsebe,
o se hane ho mamela sello sa ka.
Ke mojaki naheng ya hao,
ke mofeti jwaloka bo-ntate. - “Hona jwale,” ho rialo Morena,
“kgutlelang ho nna
ka pelo tsa lona tsohle,
ka ho itima dijo,
ka meokgo le ka dillo.” - Yaba Jobo o a ema, o hahola seaparo sa hae, o beola hlooho ya hae, o itahlela fatshe ho rapela,
o re:
“Ke tswetswe ke mme ke le feela,
ke tla ya lebitleng
ke ntse ke le feela.
Morena o na fane,
Morena o amohile,
ho ke ho roriswe lebitso la hae.” - Ho swaba ka mokgwa oo Modimo a o ratang ho hlahisa pako e se nang boikwahlayo, e isang pholohong; athe ho swaba ka mokgwa oo lefatshe le o ratang ho tlisa lefu.
- Morena o tutubolla mahlo a difofu.
Morena o phahamisa
ba kgokgopaneng;
Morena o rata ba lokileng. - Ngwana ya bohlale
o thabisa ntatae,
ngwana ya sethoto
ke masisapelo ho mmae. - Kgutla, o yo bolella Hesekiya, moetapele wa setjhaba sa ka, o re ho yena: ‘Morena Modimo wa ntataomoholo, Davida, o bua tjena: Ke utlwile thapelo ya hao, mme ke bone meokgo ya hao. Bona, ke tla o fodisa. Ka letsatsi la boraro o tle o nyolohele ka Tempeleng ya Morena.’
- Le se ke la swabisa Moya o Halalelang wa Modimo, oo ka wona le tshwaetsweng letsatsi la topollo.
- Fate tsa morara di se di omeletse,
fate tsa feiye tsona di ponne,
fate tsa kgarenate,
tsa palema le tsa diapole:
Difate tsohle tsa naha di omeletse.
Ruri batho ba feletswe ke monyaka. - Bodiba bo arabela bodiba
ka ho hwasa ha diphororo tsa hao,
maqhubu le merallo yohle ya hao
e fetile hodima ka.
Dihlogotaba tša go tswalana
Go belaela
Se ngongoreheng ka letho...
Lethabo
Thabang kamehla, se phetseng...
Phološo
Ha ho e mong...
Letšhogo
O se ke wa...
Tlhohleletšo
Ke Morena ya tla...
Mohomotši
Ho bokwe Modimo, Ntata...