Umthandazo (3/3)

Ngoko ke bazila ukutya bathandaza, bababeka izandla, baza babandulula. UMSEBENZI WABATHUNYWA 13:3

XHO96

IBHAYIBHILE

Ngoko ke bazila ukutya bathandaza, bababeka izandla, baza babandulula.
UMSEBENZI WABATHUNYWA 13:3 intsikelelo ukuzila ukutya
Lamla, Ndikhoyo; caca ukuba unguThixo!
Sukubalibal' abantw' abahlelelekileyo!
INdumiso 10:12 ummelwane ubuhlwempu
Bawo, njengoko ubanike mna nje, ndithanda ukuba babe lapho ndikhoyo, babubone ubungangamsha ondinike bona, kuba wandithanda lingekadalwa nokudalwa ihlabathi.
UYOHANE 17:24 UYesu UTata
Ndikhoyo, wubazel' iindlebe umthandazo wam;
ndive, ndakuzibika kuwe.
Ungàthi cwaka xa ndikhala kuwe,
kuba ndiselugcinweni lwakho,
nam ndisisibhadu-bhadu njengookhokho.
INdumiso 39:12 usizi ukuthobeka
Ndibazisile ngawe, ndaye ndisaya kwenjenjalo, ukuze uthando ondithanda ngalo mna lumile kubo, nam ndihlale ndimanyene nabo.
UYOHANE 17:26 uthando UYesu
Usixolele amatyala ethu,
njengokuba nathi sibaxolela abasonayo.
UMATEWU 6:12 ityala uxolelo
Babehlangana rhoqo, bedlelana ngokuphulaphula iimfundiso zabathunywa, nangokuqhekeza isonka, nangokuthandaza.
UMSEBENZI WABATHUNYWA 2:42 uluntu ukuthobela isonka
Ungasiyekeli ekulingweni,
koko sihlangule kumtyholi;
kuba ngenene nguwe olawulayo,
namandla ngawakho, nodumo, kude kube ngunaphakade! Amen.
UMATEWU 6:13 isilingo iminqweno ububi
Sibonelele kwiintswelo zethu zemihla ngemihla.
UMATEWU 6:11 isonka ukuxhomekeka
Ekuyikhonzeni kwabo iNkosi, bezila ukutya, uMoya oyiNgcwele wathi kubo: “Ndikhetheleni uBharnabha noSawule, ukuze benze umsebenzi endibabizele wona.”
UMSEBENZI WABATHUNYWA 13:2 unqulo ukuzila ukutya Umoya
Mna ke ngoko ndithi kuni: Celani, nophiwa; funani, nofumana; nkqonkqozani, novulelwa.
ULUKA 11:9 ukufuna ukuthembeka
Umntu ozivalayo iindlebe zakhe kuwo umthetho kaThixo
kwaumthandazo wakhe uyanyanyeka kuThixo.
IZAFOBE 28:9 ukuthobela ukuphulaphula umthetho
Amadoda ngokunjalo makahlalisane kakuhle namakhosikazi awo. Naxa ingabantu ababuthathaka amakhosikazi la, makahlonitshwe; aziindlamafa zesisa sikaThixo ngokulinganayo namadoda. Xa nenjenjalo ke akukho nto iya kuwuphazamisa umthandazo wenu.
1 KAPETROS 3:7 umtshato ubabalo ngesondo
Ke ekubhaptizweni kwento eninzi yabantu, noYesu ebhaptiziwe, kwathi ethandaza, lavuleka izulu, wehlela phezu kwakhe uMoya oyiNgcwele enembonakalo yehobe. Kwavakala nezwi livela ezulwini, lisithi: “UnguNyana wam endimthandayo wena; ndikholisiwe nguwe!”
ULUKA 3:21-22 ubhaptizo Umoya UYesu
Ndiza kuyomeleza indlu kaJuda,
ndiyihlangule indlu kaJosefu.
Ewe, ndoba nebuyambo ngakubo;
kaloku mna ndinenceba ngabo.
Boba ngathi zange ndibalahle.
Kaloku mna ndinguNdikhoyo uThixo wabo,
ndaye ke ndobaphendula.
UZAKARIYA 10:6 amandla ukuphulaphula uvelwano
Ezithathile ezo zonka zihlanu nezo ntlanzi zimbini, ukhangele ezulwini, wabulela, waziqhekeza, wamana enika abafundi bakhe ukuba babele isihlwele. Badla ke bahlutha bonke, kwaza kwaqokelelwa iingobozi ezilishumi elinambini zokutya okuseleyo.
ULUKA 9:16-17 imimangaliso ukutya isonka