2 Timoty

Andin-teny ao amin'ny Baiboly malaza indrindra

MG1865

Fa tsy nomen'Andriamanitra fanahy osa isika, fa fanahy mahery sy fitiavana ary fahononan-tena.
2 Timoty 1:7 fitiavana fifehezan-tena tanjaka
Izay soratra rehetra nomen'ny tsindrimandrin'Andriamanitra dia mahasoa koa ho fampianarana, ho fandresen-dahatra, ho fanitsiana izay diso, ho fitaizana amin'ny fahamarinana, mba ho tanteraka ny olon'Andriamanitra, ho vonona tsara ho amin'ny asa tsara rehetra.
2 Timoty 3:16-17 Tenin'Andriamanitra fiainana fitaovana
Izay namonjy antsika sy niantso antsika tamin'ny fiantsoana masina, tsy araka ny asantsika, fa araka ny fikasany sy ny fahasoavany izay nomena antsika tao amin'i Kristy Jesosy hatry ny fony fahagola.
2 Timoty 1:9 fahasoavana fahamasinana famonjena
Mazotoa manolotra ny tenanao amin'Andriamanitra ho olona voazaha toetra, dia mpiasa tsy mahazo henatra, mizara tsara ny teny fahamarinana.
2 Timoty 2:15 fanaovana ny marina fahamarinana asa
Eny, izay rehetra te-ho velona amin'ny toe-panahy araka an'Andriamanitra, izay ao amin'i Kristy Jesosy, dia henjehina.
2 Timoty 3:12 fiainana fanenjehana Jesosy
Ary ny Tompo hanafaka ahy amin'ny asa ratsy rehetra ka hamonjy ahy ho any amin'ny fanjakany any an-danitra; ho Azy anie ny voninahitra mandrakizay mandrakizay. Amena.
2 Timoty 4:18 fiarovana faharatsiana lanitra
Mitoria ny teny, mazotoa, na amin'ny fotoana, na tsy amin'ny fotoana, mandrese lahatra, mamporisiha, mananara mafy amin'ny fahari-po sy ny fampianarana rehetra.
2 Timoty 4:2 fitoriana ny filazantsara sazy faharetana
Mahatoky izao teny izao:
Fa raha miara-maty aminy isika,
dia hiara-belona aminy koa.
2 Timoty 2:11 Tenin'Andriamanitra fahafatesana fiainana mandrakizay
Fa mandosira ny filan'ny tanora fanahy; ary miezaha mitady fahamarinana, finoana, fitiavana, fihavanana amin'izay miantso ny Tompo amin'ny fo madio.
2 Timoty 2:22 faniriana fakam-panahy faharatsiana
Efa niady ny ady tsara aho; nahatanteraka ny fihazakazahana aho; nitahiry ny finoana aho; hatrizao dia tehirizina ho ahy ny satro-boninahitry ny fahamarinana, izay homen ny Tompo, Mpitsara marina, ho ahy amin izay andro izay; ary tsy ho ahy ihany, fa ho an'izay rehetra tia ny fisehoany koa.
2 Timoty 4:7-8 finoana rariny valisoa