Boloka (Tshitwe 2016)

2016 Tshitwe 31, Moqebelo

Jwale Modimo ya re fang tshepo a ke a le tlatse ka thabo yohle le ka kgotso ka baka la ho dumelo ho yena, hore le tle le atelwe ke tshepo ka matla a Moya o Halalelang.

BAROMA 15:13 tumelo Moya wa Modimo kholofelo

2016 Tshitwe 30, Labohlane

Modimo o itebaditse dinako tsa ho se tsebe ha batho, empa jwale o laela hore kahohle batho bohle ba bake.

DIKETSO 17:30 boitsholo tshokologo tshwarelo

2016 Tshitwe 29, Labone

Motho wa nnete
o tsamaya a sireletsehile,
ya se nang nnete, yena o tla senolwa.

MAELE 10:9 sebe polokego bophelo

2016 Tshitwe 28, Laboraru

Hoba a dule, a bitsa ba leshome le metso e mmedi, a re ho bona: “Haeba mang kapa mang a rata ho ba wa pele, e be wa ho qetela ho bohle le mosebeletsi wa bohle.”

MAREKA 9:35 boikokobetšo Jesu kwešišo

2016 Tshitwe 27, Labobedi

Rona re na le lerato, hobane yena o re ratile pele.

1 JOHANNE 4:19 lerato Modimo

2016 Tshitwe 26, Mmantaha

Jwalokaha botjhabela
bo le hole le bophirimela,
le ditlolo tsa rona o a di suthisa,
o di suthisetsa hole le yena hakaalo.

PESALEMA 103:12 sebe phološo

2016 Tshitwe 25, Sontaha

Tlotla e be ho Modimo
mahodimong a hodimodimo,
kgotso e be lefatsheng
ho batho ba mo kgahlang!

LUKA 2:14 keresemose khutšo mangeloi

Le Josefa a nyoloha Galelea, motseng wa Nasaretha, a ya Judea, motseng wa Davida o bitswang Betlelehema, hobane yena e ne e le wa ntlo ya Davida le wa leloko la hae. A ingodisa le Maria, eo a mo lebeleditseng, eo e neng e le moimana.

LUKA 2:4-5 keresemose

2016 Tshitwe 23, Labohlane

Ako bontshe mohlanka wa hao,
o mmontshe sefahleho,
sefahleho se kganyang kgotso,
o mpholose ka mohau wa hao.

PESALEMA 31:17 tšhegofatšo lerato phološo

2016 Tshitwe 22, Labone

Wena o tla sebeletsa Morena Modimo wa hao; yena o tla hlohonolofatsa bohobe ba hao le metsi ao o a nwang, mme nna ke tla fedisa malwetse hara lona.

PHALLO 23:25 go direla/hlankela tšhegofatšo bolwetši

2016 Tshitwe 21, Laboraru

Lentswe la Kreste le ahe ka ho lona ka menono yohle ya lona. Rutanang, mme le eletsane ka bohlale bohle. Ka dipelo tse tletseng teboho, binelang Modimo dipesalema, difela le dipina tse halalelang.

BAKOLOSE 3:16 Lentšu la Modimo go ithuta go direla/hlankela

2016 Tshitwe 20, Labobedi

Morena, ke o boka
ka pelo ya ka yohle,
ke bolela dimakatso tsohle tsa hao.

PESALEMA 9:2 go direla/hlankela tebogo mehlolo

2016 Tshitwe 19, Mmantaha

Etsang tsohle ntle ho pelaelo kapa ngangisano, e le hore le tle le hloke molato, le se ke la nyatseha, le be bana ba Modimo ba hlokang kodi, hara moloko ona o kgopo, o bolotsana, oo ho wona le kganyang jwaloka dinaledi sebakeng, ka ho o tlisetsa lentswe la bophelo.

BAFILIPI 2:14-16a kgalalelo Lentšu la Modimo bophelo

2016 Tshitwe 18, Sontaha

Oho, Morena,
ke wena Modimo wa ka,
ke tla o tlotla,
ke rorise lebitso la hao,
hobane wena o entse dimakatso,
merero ya hao ya kgale
e a tshepeha, ke ya nnete.

ESAEA 25:1 potego Modimo go direla/hlankela

2016 Tshitwe 17, Moqebelo

Ha o re maruo hedi!
o tla bona a sa nyametse,
hobane a tla fela a mele mapheo,
a fofele hodimo sa ntsu,
sa ntsu e le sepakapakeng.

MAELE 23:5 tšhelete ditumo mahumo a lefase

2016 Tshitwe 16, Labohlane

Jwalokaha ya le bitsitseng a halalela, le lona le halalele metsamaong yohle ya lona,
hobane ho ngotswe, ho thwe: “Le halalele, hobane le nna ke a halalela.”

1 PETROSE 1:15-16 kgalalelo bophelo pitšo

2016 Tshitwe 15, Labone

Morena o na le lona haeba le lona le ena le yena. Ha le mmatla le tla mo fumana, empa haeba le mo furalla le yena o tla le furalla.

2 LIKETSAHALO 15:2b go nyaka bokgauswi potego

2016 Tshitwe 14, Laboraru

Morena o rata ho loka,
mme a ke ke
a furalla batshepuwa ba hae.
Ba kgopo ba tla timella ruri,
ditloholo tsa bona di tla fediswa.

PESALEMA 37:28 bophelo bjo bo sa felego potego boloki

2016 Tshitwe 13, Labobedi

Lerato le na le mamello, lerato le mosa; ha le na mohono, ha le na boikakaso, ha le na boikgohomoso, ha le na mekgwa e mebe, ha le ikgopolele, ha le halefe, ha le na disuwa.

1 BAKORINTHE 13:4-5 lerato bopelotelele pefelo

2016 Tshitwe 12, Mmantaha

Ha motho a ntshebeletsa, a ntatele, mme moo ke leng teng, le mosebeletsi wa ka o tla ba hona teng; ha motho a ntshebeletsa, Ntate o tla mo hlompha.

JOHANNE 12:26 go hlankela go latela Ntate

2016 Tshitwe 11, Sontaha

O se ipone o le bohlale,
tshaba Morena, o sesefe bobe.
O tla phela hantle mmeleng,
masapo a hao a tiye.

MAELE 3:7-8 tlhompho tšhegofatšo mpe

2016 Tshitwe 10, Moqebelo

Mme mang le mang
ya tla rapela Morena
o tla pholoswa!

DIKETSO 2:21 phološo go direla/hlankela thapelo

2016 Tshitwe 9, Labohlane

Morena o tla nne a ntopolle mesebetsing yohle e kgopo, a mpholose, a nkise Mmusong wa hae wa lehodimo. Tlotla e ke e be ho yena kamehla le mehla. A ho be jwalo!

2 TIMOTHEA 4:18 tšhireletšo mpe legodimo

2016 Tshitwe 8, Labone

Ruri lehlohonolo le mohau
di tla ba le nna,
ka matsatsi wohle a bophelo ba ka;
mme ke tla phela ka tlung ya Morena,
ke phele kateng kamehla yohle.

PESALEMA 23:6 kgaugelo bophelo bokgauswi

2016 Tshitwe 7, Laboraru

Ho se be ya ipatlelang tse molemo, empa e mong a batlele e mong tse molemo.

1 BAKORINTHE 10:24 go inaganela o le tee lerato moagišane

2016 Tshitwe 6, Labobedi

Bonang, kajeno le nna ke ya boyabatho. Botebong ba dipelo tsa lona, le maikutlong a lona, le tseba hantle hore ha ho ntho le e nngwe ya dintho tsohle tse molemo, tseo Morena Modimo wa lona, a le tshepisitseng tsona, e sa kang ya phethahala. Tsohle di phethahetse, ha ho le e nngwe e sa kang ya phethahala.

JOSHUA 23:14 potego pelo moya