Tahirin-kevitra (Desambra 2016)

Asabotsy 31 Desambra 2016

Ary Andriamanitry ny fanantenana anie hameno anareo amin'ny fifaliana sy ny fiadanana rehetra amin'ny finoanareo, mba hitomboanareo amin'ny fanantenana noho ny herin'ny Fanahy Masina.

Romana 15:13 finoana Fanahy fanantenana

Zoma 30 Desambra 2016

Ary Andriamanitra ninia tsy nijery ny andron'ny tsi-fahalalana; fa ankehitriny Izy mandidy ny olona rehetra amin'izao tontolo izao hibebaka.

Asan'ny Apostoly 17:30 famerim-berenana fiovam-po famelàn-keloka

Alakamisy 29 Desambra 2016

Izay mandeha tsy misy tsiny no mandeha matoky;
Fa izay maniasia amin'ny alehany dia fantatra.

Ohabolana 10:9 fahotana filaminana fiainana

Alarobia 28 Desambra 2016

Ary rehefa tafapetraka Jesosy, dia niantso ny roa ambin'ny folo lahy Izy ka nanao taminy hoe: Raha misy te-ho voalohany, dia hatao farany amin'izy rehetra sy ho mpanompo'izy rehetra izy.

Marka 9:35 fanetren-tena Jesosy mahatakatra

Talata 27 Desambra 2016

Isika tia, satria Izy efa dia antsika taloha.

1 Jaona 4:19 fitiavana Andriamanitra

Alatsinainy 26 Desambra 2016

Tahaka ny halavitry ny atsinanana amin'ny andrefana
No halavitry ny anesorany ny fahotantsika amintsika.

Salamo 103:12 fahotana famonjena

Alahady 25 Desambra 2016

Voninahitra any amin'ny avo Indrindra ho an'Andriamanitra!
Ary fiadanana ho etỳ ambonin'ny tany amin'ny olona ankasitrahany.

Lioka 2:14 krisimasy fiadanana anjely

Ary Josefa koa niakatra avy tany Galilia, dia avy tao an-tanàna Nazareta, hankany Jodia, ho ao an-tanànan'i Davida, iza atao hoe Betlehema (satria avy tamin'ny taranak'i Davida sy ny mpianakaviny), mba hosoratana izy sy Maria fofom-badiny, izay efa bevohoka.

Lioka 2:4-5 krisimasy

Zoma 23 Desambra 2016

Ampamirapirato amin'ny mpanomponao ny tavanao;
vonjeo amin'ny famindram-ponao aho.

Salamo 31:16 fitahiana fitiavana famonjena

Alakamisy 22 Desambra 2016

Fa manompoa an'i Jehovah Andriamanitrareo, dia hitahy ny haninao sy ny ranonao Izy; ary hesoriko aminao ny aretina.

Eksodosy 23:25 fiankohofana fitahiana aretina

Alarobia 21 Desambra 2016

Aoka ny tenin'i Kristy hitoetra betsaka ao aminareo amin'ny fahendrena rehetra, dia mifampianara ka mifananara amin'ny salamo sy ny fihirana ary ny tonon-kiram-panahy, mihira amin'ny fahasoavana ao am-ponareo ho an'Andriamanitra.

Kolosiana 3:16 Tenin'Andriamanitra mianatra fiankohofana

Talata 20 Desambra 2016

Hidera an'i Jehovah amin'ny foko rehetra aho;
hanambara ny fahagaganao rehetra aho.

Salamo 9:1 fiankohofana fankasitrahana fahagagana

Alatsinainy 19 Desambra 2016

Ataovy ny zavatra rehetra amin'ny tsi-fimonomononana sy ny tsi-fisalasalana, mba ho tsy manan-tsiny sady tsy misy fitaka ianareo, dia zanak'Andriamanitra tsy manana adidy eo amin'ny firenena meloka sy maditra, izay isehoanareo tahaka ny fanazavana eo amin'izao tontolo izao, mitana ny tenin'ny fiainana.

Filipiana 2:14-16a fahamasinana Tenin'Andriamanitra fiainana

Alahady 18 Desambra 2016

Jehovah ô, Andriamanitro Hianao; Hanandratra Anao sy hidera ny anaranao aho, fa efa nanao zava-mahagaga Hianao, dia zavatra efa voakasa hatramin'ny ela sady mahatoky no marina indrindra.

Isaia 25:1 fitokisana Andriamanitra fiankohofana

Asabotsy 17 Desambra 2016

Aza manasa-tena hanan-karena,
Aza entina amin'izany ny fahendrenao.
Moa hampanarahinao azy va ny masonao, nefa tsy ao intsony izy?
Fa maniry elatra tokoa izy
Ka manidina toy ny voromahery ho eny amin'ny lanitra.

Ohabolana 23:4-5 vola faniriana fitiavan-karena

Zoma 16 Desambra 2016

Fa araka ny fahamasinan'ilay niantso anareo, dia aoka mba ho masina koa ianareo amin'ny fitondran-tena rehetra, satria voasoratra hoe: "Ho masina ianareo, satria masina Aho".

1 Petera 1:15-16 fahamasinana fiainana fiantsoana

Alakamisy 15 Desambra 2016

Jehovah momba anareo, raha ianareo momba Azy; ary raha mitady Azy kosa ianareo, dia hahita Azy; fa raha mahafoy Azy ianareo, dia hahafoy anareo Izy.

2 Tantara 15:2b mitady manodidina fitokisana

Alarobia 14 Desambra 2016

Fa Jehovah tia rariny
sady tsy hahafoy ny olony masina;
Harovana mandrakizay ireo;
Fa taranaky ny ratsy fanahy hofongorana.

Salamo 37:28 fiainana mandrakizay fitokisana rariny

Talata 13 Desambra 2016

Ny fitiavana mahari-po sady mora fanahy; ny fitiavana tsy mialona, tsy mirehareha, tsy mieboebo, tsy manao izay tsy mahamendrika, tsy mitady ny azy, tsy mora sosotra, tsy manao otri-po.

1 Korintiana 13:4-5 fitiavana faharetana hatezerana

Alatsinainy 12 Desambra 2016

Raha misy olona manompo Ahy, dia aoka izy hanaraka Ahy, ary izay itoerako, dia ao koa no hitoeran'ny mpanompoko; raha misy olona manompo Ahy, dia hankalaza azy ny Ray.

Jaona 12:26 fanompoana fanarahana Ray

Alahady 11 Desambra 2016

Aza manao anao ho hendry;
Matahora an'i Jehovah, ka mifadia ny ratsy.
Dia ho famelombelomana ny nofonao izany
Sy ho fanamandoana ny taolanao.

Ohabolana 3:7-8 fanajana fitahiana faharatsiana

Asabotsy 10 Desambra 2016

Ary na zovy na zovy no hiantso ny anaran'i Jehovah dia hovonjena.

Asan'ny Apostoly 2:21 famonjena fiankohofana fivavahana

Zoma 9 Desambra 2016

Ary ny Tompo hanafaka ahy amin'ny asa ratsy rehetra ka hamonjy ahy ho any amin'ny fanjakany any an-danitra; ho Azy anie ny voninahitra mandrakizay mandrakizay. Amena.

2 Timoty 4:18 fiarovana faharatsiana lanitra

Alakamisy 8 Desambra 2016

Eny tokoa, fahasoavana sy famindram-po no hanaraka ahy
amin'ny andro rehetra hiainako,
dia hitoetra ao an-tranon'i Jehovah andro lava aho.

Salamo 23:6 fahasoavana fiainana manodidina

Alarobia 7 Desambra 2016

Aoka tsy hisy olona hitady ny hahasoa ny tenany, fa ny hahasoa ny namany.

1 Korintiana 10:24 fitiavan-tena fitiavana manaraka

Talata 6 Desambra 2016

Ary, indro, efa handeha ho amin'ny lalana falehan'ny tany rehetra aho izao; ary fantatrareo ao amin'ny fonareo rehetra sy ny fanahinareo rehetra fa tsy misy latsaka na dia zavatra iray akory aza ny zava-tsoa rehetra izay nilazan'i Jehovah Andriamanitrareo anareo; efa tanteraka taminareo avokoa izy rehetra: tsy nisy latsaka izy na dia zavatra iray akory aza.

Josoa 23:14 fitokisana fo aina

Alatsinainy 5 Desambra 2016

Tsara ny mahazo fahendrena noho ny volamena,
Ary tsara ny mahazo fahalalana noho ny volafotsy.

Ohabolana 16:16 vola fitiavan-karena fahendresena

Alahady 4 Desambra 2016

Nefa amintsika kosa dia Andriamanitra iray ihany, dia ny Ray, Izay nihavian'ny zavatra rehetra, ary ho Azy isika; ary iray ihany ny Tompo, dia Jesosy Kristy, Izay nahariana ny zavatra rehetra sady nahariana antsika koa.

1 Korintiana 8:6 Ray fiainana Jesosy

Asabotsy 3 Desambra 2016

Koa aza avela hisy hitsara anareo ny amin'ny fihinana, na ny fisotro, na ny andro firavoravoana, na ny voaloham-bolana, na ny Sabata; aloky ny zavatra ho avy ireny, fa ny tenany dia an'i Kristy.

Kolosiana 2:16-17 hanina sabata fitsarana