Tahirin-kevitra (Novambra 2016)

Alarobia 30 Novambra 2016

Fa ny fahorianay maivana, izay vetivety foana, dia mainka miasa fatratra indrindra ka mahatanteraka voninahitra mavesatra maharitra mandrakariva ho anay.

2 Korintiana 4:17 fiainana mandrakizay fijaliana fankaherezana

Talata 29 Novambra 2016

Izay te-ho be fitiavana dia manaron-keloka;
Fa izay mamohafoha teny mampisaraka ny tena mpisakaiza.

Ohabolana 17:9 famelàn-keloka namana

Alatsinainy 28 Novambra 2016

Koa ankehitriny, raha hihaino ny feoko tokoa ianareo ka hitandrina ny fanekeko, dia ho rakitra soa ho Ahy mihoatra noho ny firenena rehetra ianareo; fa Ahy ny tany rehetra.

Eksodosy 19:5 fankatoavana fifanarahana sarobidy

Alahady 27 Novambra 2016

Manetre tena eo anatrehan'ny Tompo, dia hanandratra anareo Izy.

Jakoba 4:10 Andriamanitra fanetren-tena valisoa

Asabotsy 26 Novambra 2016

Ny fahotako nambarako taminao,
ary ny heloko tsy mba nafeniko.
Hoy izaho: hiaiky ny fahadisoako amin'i Jehovah aho;
ary Hianao dia namela ny heloky ny fahotako.

Salamo 32:5 fibabohana fahotana famelàn-keloka

Moa tsy fantatrareo va fa ny olona tsy marina tsy mba handova ny fanjakan'Andriamanitra? Aza mety hofitahina ianareo: fa ny mpijangajanga sy ny mpanompo sampy sy ny mpaka vadin'olona sy ny sodomita sy ny mpangalatra sy ny mpierina sy ny mpimamo sy ny mpanaratsy ary ny mpanao an-keriny dia tsy mba handova ny fanjakan'Andriamanitra.

1 Korintiana 6:9-10 fahotana famonjena fanjakana

Alakamisy 24 Novambra 2016

Aza manahy na inona na inona; fa aoka ny fivavahana sy ny fifonana mbamin'ny fisaorana no ho entinareo manambara ny fangatahanareo amin'Andriamanitra amin'ny zavatra rehetra. Ary ny fiadanan'Andriamanitra, izay mihoatra noho ny fahalalana rehetra, hiaro ny fonareo sy ny hevitrareo ao amin'i Kristy Jesosy.

Filipiana 4:6-7 fankasitrahana fivavahana ahiahy

Alarobia 23 Novambra 2016

Izay hendry am-po no handray ny didy;
Fa ho lavo ny adala maro vava.

Ohabolana 10:8 lalàna fahendresena fo

Talata 22 Novambra 2016

Mifalia mandrakariva. Mivavaha, ka aza mitsahatra. Misaora amin'ny zavatra rehetra; fa izany no sitrapon'Andriamanitra ao amin'i Kristy Jesosy ho anareo.

1 Tesaloniana 5:16-18 fifaliana fankasitrahana fivavahana

Alatsinainy 21 Novambra 2016

Fa izaho kosa dia hanandrandra an'i Jehovah,
Eny, hiandry an'Andriamanitry ny famonjena ahy aho;
Andriamanitro no hihaino ahy.

Mika 7:7 fanantenana famonjena mihaino

Alahady 20 Novambra 2016

Tariho amin'ny fahamarinanao aho, ka ampianaro;
fa Hianao no Andriamanitry ny famonjena ahy;
Hianao no andrasako mandritra ny andro.

Salamo 25:5 fahamarinana mianatra fanantenana

Asabotsy 19 Novambra 2016

Raha tsy hihaino na handatsaka am-po ka hanome voninahitra ny anarako ianareo, hoy Jehovah, Tompon'ny maro, dia halefako hamely anareo ny ozona, ka hozoniko ny tso-drano ataonareo; eny, efa voaozoko sahady izany, satria tsy nandatsaka am-po ianareo.

Malakia 2:2 fankatoavana fitahiana mihaino

Zoma 18 Novambra 2016

Dia hoy izy roa lahy: Minoa an'i Jesosy Tompo, dia hovonjena ianao sy ny ankohonanao.

Asan'ny Apostoly 16:31 finoana famonjena ankohonana

Alakamisy 17 Novambra 2016

Iza no ahy any an-danitra?
ary tsy misy etỳ ambonin'ny tany iriko tahaka Anao.

Salamo 73:25 fahatokisana Andriamanitra lanitra

Alarobia 16 Novambra 2016

Ento ny ziogako, ka mianara amiko; fa malemy fanahy sady tsy miavona am-po Aho; dia hahita fitsaharana ho an'ny fanahinareo ianareo. Fa mora ny ziogako, ary maivana ny entako.

Matio 11:29-30 fanetren-tena fitsaharana mianatra

Talata 15 Novambra 2016

Jehovah no anjarako, hoy ny fanahiko,
ka dia hanantena Azy aho.

Fitomaniana 3:24 fanantenana fitiavan-karena manaiky

Alatsinainy 14 Novambra 2016

Ny teny malemy dia hazon'aina;
Fa ny vava ratsy mandratra ny fanahy.

Ohabolana 15:4 lahateny Fanahy lainga

Alahady 13 Novambra 2016

Mahatoky Andriamanitra, Izay nahatonga ny fiantsoana anareo hanananareo firaisana amin'ny Zanany, dia Jesosy Kristy Tompontsika.

1 Korintiana 1:9 Jesosy fiantsoana fitokisana

Asabotsy 12 Novambra 2016

Ary hiposaka aminareo, izay matahotra ny anarako, ny Masoandron'ny fahamarinana, manana fanasitranana ao amin'ny tanany; ary hivoaka ianareo ka hifalihavanja toy ny zanak'omby mifahy.

Malakia 3:20 fifaliana rariny fahasitranana

Zoma 11 Novambra 2016

Anaka, aza manamavo ny famaizan'i Jehovah,
Ary aza tofoka amin'ny fananarany;
Fa izay tian'i Jehovah no anariny,
Dia tahaka ny ataon'ny ray amin'ny zanaka tiany.

Ohabolana 3:11-12 fitiavana Ray mianatra

Alakamisy 10 Novambra 2016

Koa tandremo tsara izay fandehanareo, mba tsy hitondranareo tena tahaka ny adala, fa tahaka ny hendry, ka hararaoty ny andro azo anaovan-tsoa, fa ratsy izao fiainana izao.

Efesiana 5:15-16 fahendresena fiainana saina

Alarobia 9 Novambra 2016

Koa aoka ho fantatrao anio, ka tsarovy ao am-ponao, fa Jehovah no Andriamanitra any amin'ny lanitra ambony sy etỳ amin'ny tany ambany, ka tsy misy afa-tsy Izy.

Deotoronomia 4:39 Andriamanitra lanitra izao tontolo izao

Talata 8 Novambra 2016

Mankalazà an'i Jehovah amin'ny fanananao
Sy amin'izay voaloham-bokatrao rehetra.

Ohabolana 3:9 vola sorona manomeza

Alatsinainy 7 Novambra 2016

Ka dia sahy manao hoe isika: "Jehovah no Mpamonjy ahy, ka tsy hatahotra aho; Inona no azon'ny olona atao amiko?"

Hebreo 13:6 fahatokisana tahotra fiarovana

Alahady 6 Novambra 2016

Ny zavatra rehetra azoko atao, nefa tsy dia ary mahasoa avokoa ny zavatra rehetra; ny zavatra rehetra azoko atao, nefa izaho tsy mety handevozin-javatra na inona na inona.

1 Korintiana 6:12 mpidoroka faniriana fiainana

Asabotsy 5 Novambra 2016

Maro ny fahorian'ny marina;
nefa Jehovah manafaka azy amin'izany rehetra izany.

Salamo 34:19 rariny fijaliana mpanafaka

Zoma 4 Novambra 2016

Ary Andriamanitra nanao hoe: Misia mazava; dia nisy mazava.

Genesisy 1:3 famoroana izao tontolo izao lahateny fahazavana

Alakamisy 3 Novambra 2016

Ary ny finoana no fahatokiana ny amin'ny zavatra antenaina, fanehoana ny zavatra tsy hita.

Hebreo 11:1 finoana fahamarinana fanantenana

Alarobia 2 Novambra 2016

Aza mialona ny olon-dozabe,
Na mifidy izay lalany akory,
Satria fahavetavetana eo imason'i Jehovah ny maniasia,
Fa ao amin'ny marina kosa ny fisakaizany.

Ohabolana 3:31-32 fahatokisana rariny fandrindrana